विस्फोटक पदार्थ जिलेटिन सहित नेपाल कम्युनिस्ट पार्टीका दुई जना कार्यकर्ता पक्राउ

प्रमुख समाचार
Typography

मंसिर ०४ ।


चितवनको भरतपुरबाट विस्फोटक पदार्थ जिलेटिन सहित नेपाल कम्युनिस्ट पार्टीका दुई जना कार्यकर्ता पक्राउ परेका छन् । भरतपुर महानगरपालिका वडा नम्बर ७ को पिपलचोकबाट आइतबार बिहान २२ थान जिलेटिन सहित नेकपा विप्लब समूहका दुई जना कार्यकर्ता पक्राउ परेका हुन् । जिल्ला प्रहरी कार्यालय चितवनले दिएको जानकारी अनुसार पर्वतको पैयूँ गाउँपालिका वडा नम्बर ३ घर भएका १८ वर्षीय दिवस भुषाल र तनहूँको रिसिङ गाउँपालिका वडा नम्बर ३ घर भएका १८ वर्षीय अरुण गिरी पक्राउ परेका हुन् ।
पक्राउ परेका विप्लबका कार्यकर्ताको साथबाट विस्फोटक पदार्थ जिलेटिन पड्काउन प्रयोग हुने बिजुलीको तार र विप्लबका अन्य महत्वपूर्ण दस्तावेजहरु समेत बरामद गरिएको प्रहरीले जनाएको छ । चितवन प्रहरीले यस अगाडि चितवन जिल्ला ईन्चार्ज लालबहादुर बिसी सहित तीन जना कार्यकर्तालाई पक्राउ गरिसकेको छ ।