चितवन,पुस २९ ।

उद्योग बाणिज्य संघ चितवनले आर्थिक पत्रकारीता पुरस्कारबाट अग्रज पत्रकार ईश्वर जोशीलाई सम्मान गरेको छ । आफ्नो ५१ औँ साधारणसभा तथा ३५ औँ अधिबेशनको अवसर पारि संघले शनिवार अग्रज पत्रकार जोशीलाई सम्मान गरेको हो । पत्रकारीताको माध्यमबाट आर्थिक समृद्धिका लागि बिशेष योगदान पु¥याएको ठहर गर्दै संघले जोशीलाई सम्मानपत्र र नगद ५१ हजार रुपैयाँ सहित सम्मान गरेको हो ।

नारायणी नदि किनारमा आयोजित बिशेष कार्यक्रमकाबिच अग्रज पत्रकार जोशीलाई कार्यक्रमका प्रमुख अतिथी सांसद कृष्णभक्त पोख्रेल र उद्योग बाणिज्य संघ चितवनका अध्यक्ष राजन गौतमले संयुक्त रुपमा सम्मान गर्नुभएको हो । २०५० सालबाट पत्रकारीता शुरु गर्नुभएका जोशी हाल बि।बि।सि नेपाली सेवा र नेपाल टेलिभिजनमा रिपोर्टिङ गर्दै आउनुभएको छ ।

पुष २९ ।


देवघाटमा लाग्ने माघे संक्रान्ति मेला व्यवस्थापनको तयारी पुरा भएको छ । देवघाट क्षेत्र विकास समितिले शनिबार देवघाटमा पत्रकार सम्मेलनको आयोजना गरि मेला व्यवस्थापनबारे जानकारी गराएको हो । मकर स्नान गर्नका लागि आइतबार राति नै भत्तजनहरु जानेभएकाले बाटो मर्मत, विद्युत, खानेपानी, शौचालय लगायत सुरक्षा व्यवस्था चुस्तदुरुस्त बनाइएको देवघाट क्षेत्र विकास समितिका अध्यक्ष टंकनाथ पौडेलले जानकारी दिए । पवित्र तिर्थस्थल देवघाटधाममा धार्मिक एवं सांस्कृतिक मर्यादाको पालना गर्न पनि भत्तजनहरुलाइ आग्रह गरिएको छ । माघे संक्रान्तिको समयमा एकतर्फि रुपमा रामनगर ठिमुरा हुंदै देवघाट जानुपर्ने र फर्किदा पिचबाटो हुंदै आंपचारी निस्कनुपर्ने उनले वताए । तिर्थयात्रीहरुको लागि देवघाट जाने आउने बाटो व्यवस्थापनको सम्पुर्ण काम सकिएको पौडेलले जानकारी दिए । मकर स्नान गर्नका लागि माघे संक्रान्तिको राति नै ३३ कोटी देवताहरु आएर देवघाटको बेणिा संगममा स्थान गर्ने धार्मिक विश्वास रहेको छ । भक्तजनहरुलाइ कुनै पनि असुविधा हुन नदिन १ सय ५१ सदस्यिय मुल व्यवस्थापन समिति गठन गरिएको पौडेलले जानकारी दिए । भरतपुर महानगरपालिका र डिभिजन सडक कार्यालयले सडक मर्मतको काम गरेको हो । मुल व्यवस्थापन समितिका संयोजक समेत रहेका पौडेलले भत्तजनलाइ कुनै पनि असुविधा हुन नदिन देवघाट क्षेत्र विकास समिति क्रियाशिल बनेर लागेको वताए । सुरक्षा प्रबन्धका लागि ५ सय जना प्रहरी सुरक्षकर्मी परिचालन गरिने उनले वताए । त्यसका अलवा विभिन्न संस्थाहरुले २ सय ५० जना स्वयमसेवक समेत परिचालन गर्ने उनको भनाइ छ । नदि तर्नका लागि असक्त एवं ज्येष्ठ नागरिकहरुलाइ परिचय पत्रका आधारमा निशुल्क ¥याफ्टिङको व्यवस्था गरिएको उनले जानकारी दिए । मेलाको समयमा कालोबजारी मौलाउन सक्ने भएकाले एकतर्फि ¥याफ्टिङको २५ रुपैंया, कालो चियाको १० रुपैंया, दुध चिया १५ रुपैंया, पिउने पानि २० रुपैंया प्रतिवोटल कायम गरिएको प्रमुख जिल्ला अधिकारी नारायण प्रसाद भट््टले जानकारी दिए ।

चितवन, पुस २९–

थारु समुदायहरुको महान् चाड माघी (खिचरा)को अवसरमा चितवनमा हिजोदेखि सुरु भएको ‘पाँचौं खिचरा महोत्सव २०७४’ मा आज दर्शकहरु सांगीतिक माहोलमा झुमेका छन् ।

युवा पुस्ताका चर्चित गायक कमल खत्री र गायिका तथा मोडेल सिम्पल खरेलले महोत्सवमा उपस्थित दर्शकहरुलाई झुमाएका थिए । कमललाई सिम्पलले ‘कसम...’लगायतका बोलको गीतमा साथ दिए । यस्तै गायक कमलले जाउँला रेलमै..., आत्मा..., सुस्तरीलगायत बोलका झण्डै एक दर्जन गीत गाएका थिए । उनको गीतमा दर्शकहरुले उफ्रिदै वान्समोर भनेपछि गायक कमलले लगातार गीत प्रस्तुत गर्दै दर्शकको प्यास मेटेका थिए ।

गायिका सिम्पल खरेलले रिमिक्स गीतमा आकर्षक नृत्य समेत देखाईन् । यसअघि महोत्सवमा लोक गायक मिलन लामाले हङकङ आईडीले...थारु गीत छनियामा लौका..लगायत बोलका गीत प्रस्तुत गरे । आज साँस्कृतिक कार्यक्रम अन्तरगत रत्ननगर कलामन्दिरलगायत कलाकारहरुले नृत्यहरु प्रस्तुत गरेका थिए ।

आज शनिबार भएकाले पनि महोत्सवमा दर्शकको भीड लागेको थियो । महोत्सवको तेस्रो दिन भोली (आईतबार) थारु गयक अमितसिंह चौधरी, नेपाल आईडलकी एलिना सापकोटा, बलराम जादुगर, हास्यकलाकार भविष्य तिवारी, गायक विज्ञान न्यौपाने, मोटो पत्लु कमिडीलगायत स्थानीय कलाकाहरुको बेजोड साँस्कृतिक प्रस्तुती रहेको साँस्कृतिक समितिका संयोजक जयश चौधरीले जानकारी दिए ।

“राष्ट्रिय एकता र विविधता हाम्रो शान बहुजाति, भाषा, सँस्कृति नेपालको पहिचान” भन्ने नारासहित सुरु भएको खिचरा महोत्सव माघ ८ गतेसम्म खैरहनी नगरपालिका–५ स्थित जनकौली गौचरनमा चल्नेछ । थारु कल्याणकारिणी सभा क्षेत्र नं.७ ले आयोजना गरेको महोत्सवको हिजो भुमी सुधार तथा व्यववस्था मन्त्री गोपाल दहितले समुद्घाटन गर्नुभएको थियो । उद्घाटन अघि झाकीसहितको ¥याली निकालिएको थियो ।

थारु सँस्कृतिको संरक्षण र सम्वद्र्धन गर्ने उद्देश्यले महोत्सवमा प्रतियोगितात्मक थारु साँस्कृतिक घरेलु हस्तकला प्रदर्शनी राखिएको छ । महोत्सवमा २ सय बढि स्टलहरु रहेका छन् । महोत्सवमा आउने दर्शकहरुको टिकटमा ३५ हजार रुपैयाँ बराबरको बम्पर उपहार स्वरुप पलङ राखिएको छ भने प्रत्येक ५० रुपैयाँको टिकटमा २५ रुपैयाँ बराबरको एक थान पल्पी जुस उपहारको व्यवस्था गरिएको प्रचार–प्रसार समितिका संयोजक कारी महतोले जानकारी दिनुभयो ।

महोत्सवमा आकर्षणको रुपमा थारु जतिको मूख्य खानाको परिकार मध्येको ‘घोङघी’ र ‘चिचर’को ५ फिटको विशाल मूर्ती प्रदर्शनमा राखिएको छ । महोत्सवमा २ लाख दर्शकले अवलोकन गर्ने आयोजकले लक्ष्य लिएको छ भने करिव १० करोडको कारोबार हुने अपेक्षा गरिएको छ ।

 

पुष २८ ।


चितवनमा पांचौ खिचरा महोत्सव शुक्रबार देखि सुरु भएको छ । महोत्सवको भुमी सुधार तथा व्यवस्था मन्त्री गोपाल दहितले उद्घाटन गरेका हुन् । उद्घाटन अघि विविध झाकीसहितको शोभा र्याली निकालिएको थियो ।थारु समुदायले नयाँ वर्षको रुपमा मनाउने माघी (खिचरा) पर्वको अवसरमा महोत्सव आयोजना गरिएको हो । यसैको अवसरमा केहिवर्षयता प्रत्येक वर्ष खिचरा महोत्सव हुँदै आएको छ । राष्ट्रिय एकता र विविधता हाम्रो शान बहुजाति, भाषा, सँस्कृति नेपालको पहिचान भन्ने नारासहित सुरु हुने महोत्सव माघ ८ गतेसम्म पूर्वी चितवनको खैरहनी नगरपालिका ५ स्थित जनकौली गौचरनमा चल्नेछ ।थारु सँस्कृतिको संरक्षण र प्रर्वद्ध गर्ने उद्देश्यले आयोजना हुँदै आएको महोत्सवमा प्रतियोगितात्मक थारु साँस्कृतिक घरेलु हस्तकला प्रदर्शनीलाई प्रमुख प्राथमिकतामा राखिएको छ । यो पटक महोत्सवमा आउने दर्शकहरुको टिकटमा ३५ हजार रुपैयाँ बराबरको बम्पर उपहार स्वरुप काठको पलङ राखिएको छ भने प्रत्येक ५० रुपैयाँको टिकटमा २५ रुपैयाँ बराबरको एक थान पल्पी जुस उपहारको व्यवस्था गरिएको छ । यस्तै यसवर्ष महोत्सवको अर्को आकर्षणको रुपमा थारु जतिको मूख्य खानाको परिकार मध्येको घोङघी र चिचरको ५ फिटको विशाल मूर्ती प्रदर्शनमा राखिएको छ । महोत्सवमा करिव २ सय वटा व्यवासीयक स्टलहरु रहनेछन् । स्टल निर्माणदेखि मञ्च व्यवस्थापन, बाल उद्यान निर्माणको काम समेत पुरा भएको प्रचार–प्रसार समिति संयोजक कारी महतोले जानकारी दिए । महोत्सवमा २ लाख दर्शकले अवलोकन गर्ने र झण्डै १० करोड रुपैयाँ बराबरको आर्थिक कारोबार हुने अपेक्षा गरिएको आर्थिक समितिका संयोजक संजय चौधरीले जानकारी दिनुभयो । महोत्सव अवधिभर प्रत्येक दिन राष्ट्रिय तथा स्थानीय कलाकारहरुको सांगेतीक प्रस्तुती रहने छ ।साँस्कृतिक संयोजक जयस चौधरीका अनुसार गायक प्रमोद खरेल, शिव परियार, गायिका मिलन अमात्यक, पशुपति शर्मा, मिलन लामा, मनोज महतो, संजय चौधरी, अमित सिंह चौधरी लगायत दर्जनौं राष्ट्रिय तथा स्थानीय कलाकारहरु आउने तय भइसकेको छ ।

पुष २९ ।


चितवनलाइ आर्थिक राजधानिका रुपमा विकास गरिने सांसद कृष्णभक्त पोखरेलले वताएका छन् । प्रदेशको राजधानी बनाउन नसकिएको भन्दै चितवन क्षेत्र नम्बर २ का प्रतिनिधि सभा सदस्य पोखरेलले चितवन आर्थीक राजधानीको रुपमा बिकसीत हुने दाबी गरे । उद्यँेग बाणिज्य संघ चितवनको ५१ औ साधारण सभा तथा अधिबेशन उद्घाटन गर्दै उनले प्रदेशको राजधानी बनाउन भौगोलिक रुपले नमिलेको वताए । निजि क्षेत्रलाई काम गर्ने बातावरण सिर्जना हुन दिनुपर्ने उहाले उल्लेख गर्नुभएको छ । उद्योग फस्टाओस भन्ने तर बिभिन्न राजनितिक पार्टी गएर चन्दा माग्ने, मजदुर उचालेर उद्योग बन्द गर्ने यस्तो परिपाटीले उद्योगको बिकास हुन नसक्ने बताउनुभयो । सांसद पोखरेलले उद्योग र व्यवसायको बिकासका लागि पहल गर्ने उल्लेख गर्नुभएको छ । उद्योग बाणिज्य संघ चितवनको अधिबेशन आईतबार हुदैछ । समुदघाटन समारोहमा बोल्दै चितवन प्रदेश २ क का सांसद घनश्याम दाहाल अबिनाशले नेतृत्व चयन सर्बसम्मत गर्नु राम्रो भएको बताउदै यसमा उद्योग बाणिज्य संघ चितवन चुकेको उल्लेख गर्नुभयो । साथै उहाले स्वस्थ्य प्रतिस्पर्धा हुनुपर्ने समेत बताउनुभएको छ । देशको आर्थीक समृद्धिको लागि निजि , सहकारी र सरकारी तिनखम्बे अर्थनितिमा निजि क्षेत्रको भुमिका महत्वपुर्ण रहेकोले सबै देश बिकास र समृद्धिको बाटोमा अगाडी बढनुपर्ने बताउनुभयो । नेपाली काग्रस चितवनका सभापति जितनारायण श्रेष्ठले उद्योग बाणिज्य संघ चितवनलाई सबैले गर्व गर्ने संस्थाको रुपमा लिएर जानुपर्ने बताउनुभयो । साथै उहाले हार्दीकता र एकताले मात्रै उद्योग बाणिज्य संघको प्रगती हुने बताउदै हार्दीकता आवश्यक रहेको पनि उल्लेख गर्नुभयो । उद्योग बाणिज्य संघ चितवनका अध्यक्ष राजन गौतमले समुदघाटन समारोहमा बोल्दै देशमै उद्योग र उत्पादनलाई प्रोत्साहन गर्नुपर्ने र बैदेशीक उत्पादनको उपभोगलाई न्युनिकरण गर्नुपर्ने बताउनुभयो । यसैविच संघले हरेक २÷२ बर्षमा प्रदान गर्ने ५१ हजार रुपैंया राशिको आर्थिक पत्रकारीता पुरस्कार चितवनलाइ कार्यक्षेत्र बनाएर नेपाल टेलिभिजन एवं विविसि नेपाली सेवामा काम गर्ने ईश्वर जोशिलाइ प्रदान गरिएको छ ।

पुष २८ ।


प्लटिङ गरिएको जग्गाको कित्ता काट गर्न नपाउने गरि बनेको ऐनलाइ संशोधन गर्न जग्गा व्यवसायीहरुले माग गरेका छन् । प्लटिङ गरी घडेरीको रुपमा विक्री वितरण गर्न नपाउने भनि भुमिसुधार तथा व्यवस्था विभाग र नापि विभागलाइ दिइएको निर्देशन प्रति नारायणी जग्गा तथा आवास व्यवसायी संघको ध्यानाकर्षण भएको जनाएको छ । संघले सम्पत्ति सम्बन्धि अधिकार विपरित बनेको ऐन संशोधनको माग गर्दै शुक्रबार भुमि सुधार तथा व्यवस्था मन्त्रि गोपाल दहितलाइ ज्ञापन पत्र बुझाएको छ । पुर्वि चितवनमा शुक्रबार देखि शुरु भएको खिचरा महोत्सवको उद्घाटन गर्न आएका मन्त्रि दहितलाइ भरतपुर विमानस्थलमा भेटेर ऐन सच्याउन माग गरिएको संघका अध्यक्ष बाबुराम अधिकारीले जानकारी दिए । जग्गा धनिले एक आर्थिक बर्षमा एक पटक भन्दा बढि कित्ता काट गरि विक्री वितरण गर्न पाइने छैन भनि गरिएको निर्देशन संविधान तथा नागरिक अधिकार ऐन विपरित रहेको उनको भनाइ छ । हचुवा र लहडका आधारमा गरेको निर्णयले मुलुकमा थप समस्या पैदा गर्ने नारायणी जग्गा तथा आवास व्यवसायी संघले जनाएको छ । जग्गा बेचविखन गरी व्यवसायीक लाभ प्राप्त गर्ने नेपालको संविधानको धारा २५ तथा नागरिक अधिकार ऐन २०१२ को दफा ६ को उपदफा ९ ले समेत दिएको अध्यक्ष अधिकारीको दावि छ । नागरिकको सम्पत्ति सम्बन्धि हकलाइ बन्देज लगाउने गरी गरेको मन्त्रिस्तरिय निर्णय यथासिघ्र फिर्ता लिन माग गरिएको उनले वताए ।

पुष २८ ।


उद्योग बाणिज्य संघ चितवनका अध्यक्ष राजन गौतमले आफु विरुद्ध व्यक्तिगत लाञ्छना लगाएको वताएका छन् । निर्वाचनका बेला स्वस्थ्य प्रतिस्पर्धा गर्न आग्रह गर्दै उनले बर्तमान समितिका विरुद्ध गलत प्रचार गरिएको वताएका हुन् । उद्योग बाणिज्य संघ चितवनको अध्यक्ष पदका उम्मेदवार एवं वर्तमान समितिका वरिष्ठ उपाध्यक्ष राजु श्रेष्ठ र उनको समुहले शुक्रबार भरतपुरमा आयोजना गरेको पत्रकार सम्मेलनमा बोल्दै अध्यक्ष गौतमले अवैध रुपमा धन्दा चलाउन नदिएकाले आफु विरुद्ध व्यक्तिगत लाञ्छना एवं नभएका आरोप लगाइएको वताए । पत्रकार सम्मेलनमा अध्यक्ष गौतमले पुर्व अध्यक्षहरुले गरेको असहयोग र आरोपको खण्डन गरेका थिए । विशेषगरि संघका पुर्व अध्यक्ष मित्रराज दवाडी र प्रचण्डलाल प्रधानको नाम नै लिएर निर्वाचनका बेला वर्तमान कार्यसमितिलाइ हुंदै नभएका आरोप लगाएको उनको भनाइ छ । 
उद्योग बाणिज्य संघ चितवनका अध्यक्ष पदका उम्मेदवार एवं वर्तमान समितिका वरिष्ठ उपाध्यक्ष राजु श्रेष्ठले व्यवसायीहरुको आर्थिक अवस्था सबल बनाउन आफुलाइ जिताउन व्यवसायीहरुलाइ आग्रह गरेका छन् । उनले १७ बुंदे प्रतिवद्धताहरु सार्वजनिक गरेका छन् । कृषिजन्य बस्तुहरु फलफुल तथा तरकारीको थोक, खुद्रा तथा फुटपाथ व्यवसायलाइ व्यवस्थित तथा प्रभावकारी बनाउने उनको भनाइ छ । नारायणगढ बजार क्षेत्रमा फोहोर व्यवस्थापन तथा सुव्यवस्थित अटोल्याण्डको लागि पहल गर्ने उनले वताए । कपडा र फेन्सि सामानहरुको भन्सार महशुल दर पुनरावलोकन गर्न सम्बन्धित निकायसंग पहल गर्ने उनले वताएका छन् ।

More Articles ...