कात्तिक २९ ।


निर्वाचन आचारसंहिता अक्षरस पालना गर्ने चितवनका उम्मेदवारहरुले प्रतिवद्धता व्यक्त गरेका छन् । मुख्य निर्वाचन अधिकृतको कार्यालय भरतपुरले बुधबार आयोजना गरेको अन्तरक्रिया कार्यक्रममा बोल्दै यहाँका उम्मेदवारले आचर संहिता पालना गर्ने प्रतिवद्धता जाहेर गरेका हुन् । चितवन क्षेत्र नम्बर ३ का प्रतिनिधिसभा सदस्य उम्मेदवार तथा नेकपा माओवादी केन्द्रका अध्यक्ष पुष्पकमल दाहालले चितवनमा अहिलेसम्म शान्तिपूर्ण रुपमा निर्वाचनका गतिविधि भैरहेको भन्दै आगामी दिनमा पनि निर्वाचन शान्तिपूर्ण हुने बताउनुभयो । आचरसंहिताको पुर्ण पालन गर्ने दाहालले प्रतिवद्धता व्यक्त गर्नुभयो । चितवनमा राम्रो राजनीतिक संस्कार रहेकाले पनि देशभर राम्रो संस्कार दिने दाहालको भनाइ थियो । चितवनमा स्वच्छ र हार्दिकतापूर्ण रुपमा उम्मेदवारले आफ्नो गतिविधि गरिरहेको दाहालले बताउनुभयो ।

यस्तै वन तथा भू–संरक्षण मन्त्री विक्रम पाण्डेले निर्वाचन आचारसंहिता पालना गर्न सबै लाग्नुपर्ने बताउनुभयो । पाण्डेले उम्मेदवारका हरेक गतिविधिलाई जनताले नजिकबाट नियालिरहेका हुनाले सबैले आचारसंहिता सबैले पालना गर्नुपर्नेमा जोड दिनुभयो । निर्वाचन आचारसंहिता उल्लंघन गर्ने उम्मेदवारलाई जनताले अविश्वास गर्ने भएकाले पनि प्रतिवद्ध भएर आचारसंहिता कार्यान्वयन गर्नुको विकल्प नभएको पाण्डेको भनाइ छ । कार्यक्रममा अन्य उम्मेदवारहरुले उम्मेदवार स्वयम् सजग भए आचारसंहिता उल्लघनका घटना नहुने बताएका थिए । कार्यक्रममा चितवनका मुख्य निर्वाचन अधिकृत कुलप्रसाद शर्माले निर्वाचन आचार संहिताको बारेमा जानकारी गराउँदै चुनावी प्रचार प्रसारमा अनुमति लिएर मात्रै सवारी साधन चलाउन आग्रह गरेका थिए । चितवनका प्रमुख जिल्ला अधिकारी नारायण प्रसाद भट्टले निर्वाचनलाई शान्तिपूर्ण रुपमा सम्पन्न गर्नको लागि विशेष सुरक्षा सतकर्ता अपनाइएको बताए । निर्वाचनको सुरक्षा घेरको लागि ११ देखि ४९ जनासम्म नेपाल प्रहरीको व्यवस्था गरिएको बताउँदै भट्टले सोही अनुपातमा सशस्त्र प्रहरी, नेपाली सेना र राष्ट्रिय अनुसन्धानका कर्मचारी परिचालन गरिएको जानकारी दिए ।

कात्तिक २८ ।


नयाँ शक्ति पार्टी नेपाल जिल्ला सम्मेलन आयोजक समिति चितवनले क्षेत्र नम्बर ३ को प्रतिनिधिसभा सदस्यको निर्वाचनमा विक्रम पाण्डेलाई सघाउने निर्णय गरेको छ । भरतपुरमा पत्रकार सम्मेलन गर्दै नयाँ शक्तिले लोकतान्त्रिक गठबन्धनका तर्फबाट उम्मेदवार बन्नुभएका राष्ट्रिय प्रजातन्त्र पार्टीका उपाध्यक्ष पाण्डेलाई सघाउने जनाएको हो । निर्वाचनमा भइरहेको मोर्चाबन्दी र ध्रुविकरण पहिलो प्रयास कम्युनिस्ट पार्टीलाई लोकतान्त्रिकरण गर्दै वाम लोकतान्त्रिक मोर्चा बनाएर निर्वाचनमा जाने योजना हुँदै गर्दा राष्ट्रिय स्तरबाटै माओवादी केन्द्र र एमालेसँग सहमति हुन नसकेपछि नयाँ शक्तिले चितवनको ३ नम्बरमा पाण्डेलाई सघाउने निर्णय गरेको हो ।

चितवन क्षेत्र नम्बर ३ मा प्रतिनिधिसभा सदस्यका लागि पूर्व प्रधानमन्त्री एवम् माओवादी केन्द्रका अध्यक्ष पुष्पकमल दाहाल र वन तथा भू संरक्षण मन्त्री विक्रम पाण्डेको उम्मेदवारी रहेको छ । नयाँ शक्ति पार्टी नेपालले प्रतिनिधिसभा निर्वाचनको लागि चितवनको क्षेत्र नम्बर १ र २ बाट मात्रै उम्मेदवार उठाएको छ । त्यस्तै प्रदेशसभा निर्वाचनको लागि छ वटै प्रदेशमा उम्मेदवारी दिएको नयाँ शक्तिले चितवनबाट समानुपातिक तर्फ प्रदेशसभामा तीन जना र प्रतिनिधिसभा एक जनालाई उम्मेदवार बनाएको छ ।

कार्तिक २८  । 

माडी बाँदरमुढे घटनास्थलमा लोकतान्त्रिक गठबन्धनले शोकसभा गरेको छ । प्रतिनिधिसभा सदस्य, प्रदेशसभा सदस्य, समानुपातिक उम्मेद्वार सहित कांग्रेसका निर्वतमान सांसद सहितको टोलीले मृतकको सम्झनामा मौनधारण समेत गरेका छन् । शोकसभामा बोल्दै कांग्रेसका निर्वतमान सांसद रामकृष्ण घिमिरेले बाँदरमुढे घटनाका पीडित परिवारलाई विशेष राहत प्याकेज ल्याउन लागिपर्ने बताए ।
“४ पटक वामपन्थी नेतृत्वको सरकार हुँदा घटनाका पीडितलाई न्याय र राहत दिने काम अधुरो बन्यो”, उनले भने, “अब पनि सधैँ अल्मल्याउने काम गर्नु राम्रो हुँदैन, चुनाव सकिए लगत्तै राहत प्याकेज ल्याउनुपर्छ, त्यसका लागि लोकतान्त्रिक गठबन्धनले विशेष पहल गर्नेछ ।” उनले बाँदरमुढे लगायतका क्रुर घटना पश्चात माओवादीले हतियार विसाउन बाध्य भएको दावी गरे । “सर्वसाधरणले अनाहकमा ज्यानु गुमाउनुप¥यो, माओवादीलाई विश्वले हेर्ने दृष्टिकोण पनि उबेला फरक बन्यो”, उनले भने, “यस्तै घटनाले माओवादीले हतियार विसाएको हो, तर घटनाका पीडितले न्याय पाउन सकेनन् ।” उनले आतंकवादको पनि क्रुर घटनाका रुपमा बाँदरमुढे घटना रहेको बताए ।
चितवन ३ नम्बर क्षेत्रका प्रतिनिधिसभा सदस्यका उम्मेद्वार विक्रम पाण्डेले बाँदरमुढे घटना ज्यादै दुखद घटना भएको बताए । “एम्बुसमा परेको सो बसमा कुनै राजनीतिक दलसँग सम्बन्धित व्यक्ति थिएनन्”, उनले भने, “विना कारण ज्यान गुमाउनुपरेको छ, सँधै झुटा आश्वासन दिएर मल्हम लाग्दैन, सरकारलेनै विशेष राहत प्याकेज ल्याउनुपर्छ ।” चितवन ३ (ख) का प्रदेशसभा सदस्यका उम्मेद्वार साजनकुमार महतोले घटनाका पीडितलाई न्याय दिलाएर रोजगार, आयआजर्नका कार्यक्रम ल्याउन प्रतिवद्ध रहने बताए । घटनास्थललाई राजनीतिक पर्यटकीय स्थल, बाँदरमुढे खोलामा पुल बनाउने लक्ष्य लिएको समेत उम्मेद्वारहरुले बताए । माडीमा लोकतान्त्रिक गठबन्धनका चुनावी प्रचारप्रसार सम्पर्क कार्यालय उद्घाटन गर्ने शिलशिलशिलामा टोली सो स्थानमा पुगेको हो । सो अवसरमा मृतकको सम्झनामा बाँदरमुढे स्मारकमा माल्र्यपण समेत गरिएको थियो ।
२०६२ साल जेठ २३ गते बिहान यात्रुले खचाखच भरिएको बस विद्युतीय धरापमा पर्दा ३९ जनाले बाँदरमुढे खोलामा ज्यान गुमाएका थिए भने ७५ जना घाइते भएका थिए । सो घटनामा तत्कालिन नेकपा माओवादीले ठुलो भूल भएको भन्दै सार्वजनिक माफि समेत मागेको थियो । पहिलोपटक प्रधानमन्त्री भएपछि माडीमा आयोजित पहिलो माडी महोत्सवको उद्घाटनका शिलशिलामा ०६९ फागुन १७ गते पुष्पकमल दाहाल ‘प्रचण्ड’ माडी पुगेका थिए । त्यसपछि माडी पुग्न नसकेका प्रचण्ड सोही क्षेत्र समेटेर बनेको निर्वाचन क्षेत्रका उम्मेदवार बनेपछि कार्तिक १८ गते माडी पुगेका थिए । उनले पीडितसँग प्रत्यक्ष भेटघाट पनि गरेनन् भने सो घटनास्थलसम्म पनि पुगेनन् । पीडितसँग प्रचण्डले ०६३ कार्तिक ३ गते फुलबारीमा भेटेर न्याय दिलाउँछु भनेर प्रतिवद्धता पनि जनाएका थिए । तर, हालसम्म सो घटना गराउने व्यक्तिलाई कारवाही गरिएको छैन ।

कार्तिक २८ ।


साल्ट टे्डिङ कर्पोरेसन लिमिटेड चितवनले जिल्लाका सहकारीकर्मीहरुका लागी रासायीनिक मल तथा कम्पोष्ट मलको प्रयोगका बिषयमा प्रशिक्षण दिएको छ । कार्यालयले किसानहरुका लागी मलको उचित प्रयोग गर्ने तरिका सिकाएर कम लगानीमा धेरै मुनाफा लिन सकुन भन्ने हेतुले कार्यक्रमको आयोजना गरेको शाल्ट्  टे्डिङ कर्पोरेसन लिमिटेड चितवनका प्रमुख बुद्धि बिनोद दाहालले बताउनु भयो । कार्यालयले पछिल्लो पटक रासाईनिक मलको बिक्री समेत सुरु गरेको छ । कार्यालयले पछिल्लो पटक बिक्री गर्न लागेको एमोनियम सल्फेट र सिङगल सुपर फस्फेटको प्रयोग बिधि तथा महत्वको बारेमा मल बिक्री गर्ने सहकारीहरुलाई जानकारी दिनु कार्यक्रमको मुख्य उदेश्य रहेको दाहालले बताउनु भयो ।
बालिमा सिधै रासायीनिक मल प्रयोग गर्नु भन्दा अर्गानिक तवरले निमार्ण गरीएको एमोनियम सल्फेट र सिङगल सुपर फस्फेटको प्रयोग गर्दा माटोको उर्वरा शक्ति बढ्ने र त्यसले माटोमा कुनै प्रकारको हानि नगर्ने र अर्गानिक उत्पादनमा पनि यो मलले प्रभावकारी भुमिका खेल्ने उहाको भनाई छ ।
कार्यक्रममा सहभागि झन्डै १०० भन्दा बढि सहकारी कर्मिलाई साई फर्टिलाइजर कलकत्ताका म्यानेजर बिश्वरुप बोसले मलको प्रयोग र यसबाट हुने लाभका बिषयमा जानकारी गराउनु भएको थियो ।
उहाले रासायनिक मलको बढ्दो प्रयोगले माटोमा असर परेकाले माटोको उर्वरा शंक्ति जोगाई राख्नका लागी एमोनियम सल्फेट र सिङगल सुपर फस्फेटको प्रयोग गर्नु आवस्यक रहेको बताउनु भयो ।
कार्यक्रममा पुर्व कृषि सचिव भगवान खतिवडाले मलको प्रयोगमा ध्यान दिनु पर्ने बताउनु भयो । मलको मात्रा नजानी प्रयोग गर्दा त्यसले माटो तथा बालिमा असर पर्ने भएकाले मात्राका बारेमा जानकारी राखेर प्रयोग गर्न सके त्यसले माटोमा नकारात्मक असर नपर्ने र उत्पादन समेत बढि लिन सकिने बताउनु भयो ।
कार्यक्रममा साल्ट् टे्डिङ कर्पोरेसन केन्द्रिय कार्यालयका कृष्ण बहादुर खड्का ले किसानलाई सहजता प्रदान गर्न बिज्ञहरु झिकाएर तालिम आयोजना गरेको बताउदै यसबाट लाभ लिन आग्रह गर्नु भयो । कार्यक्रम साल्ट् टे्डिङ कर्पोरेसन लिमिटेड चितवनका प्रमुख बुद्धि बिनोद दाहालको अध्यक्षतामा भएको हो ।

कात्तिक २८ ।


चितवनका सरोकारवालाहरुले समयको माग अनुसारको प्राविधिक शिक्षाको आवश्यकता रहेको औँल्याएका छन् । प्राविधिक तथा व्यावसायिक शिक्षा र तालिम नीति २०६९ परिसंवादबाट प्राप्त भएका सुझावहरु सम्बन्धी भरतपुरमा छलफल गर्दै यहाँका जनप्रतिनिधि, विभिन्न संघसंस्थाका व्यक्तिहरुले बजारको माग अनुसारको सीप प्रदान गर्नुपर्नेमा जोड दिएका हुन् । कार्यक्रममा जिल्ला समन्वय समिति चितवनका प्रमुख कृष्णकुमार डल्लाकोटीले नेपालको अर्थतन्त्रमा उत्पादनको क्षेत्र बढ्ने गरि प्राविधिक शिक्षा सञ्चालन गर्नुपर्ने बताए । अहिलको माग अनुसारको गुणस्तरीय व्यावसायिक शिक्षामा जोड दिँदै डल्लाकोटीले अझैपनि यहाँका होटलहरुमा आवश्यक तालिम प्राप्त दक्ष जनशक्ति नभएकाले तत्काल श्रम बजारमा बिक्री हुने खालका सीपहरु दिनुपर्ने बताए । कार्यक्रममा भरतपुर १० का वडा अध्यक्ष अरुणपीडित भण्डारीले सिटीईभीटीबाट प्रदान गरिने तालिम सहज र सरल हुनुपर्ने बताए । विद्यालय तहबाट नै प्राविधिक शिक्षालाई जोड दिँदै विद्यालयलाई सिटीइभीटीबाट सहज रुपमा सम्बन्धन दिनुपर्ने बताए । भरतपुर महानगरपालिका वडा नम्बर २३ का अध्यक्ष नरिनारायण पौडेलले विद्यालयले सिटिइभिटीबाट प्राविधिक शिक्षा प्राप्त गर्नको लागि सम्बन्धन पाउनै गाह्रो भएको बताए । विद्यालयले प्राविधिक शिक्षा पढाउने भनेर अनुमति माग्दा समेत नपाउने गरेको पौडेलले बताए । नेपालमा वर्षेनि चार लाख भन्दा बढी विद्यार्थीहरुले विद्यालय शिक्षा प्राप्त गर्ने तर त्यसको आधा मात्रै विद्यार्थीहरुले आफ्नो शिक्षालाई अगाडि बढाउने भएकाले ती विद्यार्थीहरुलाई लक्षित गरि प्राविधिक शिक्षा दिनुपर्ने निजी अस्पताल समन्वय समितिका अध्यक्ष नारायण सिंह कुँवरले बताए । कार्यक्रममा चितवनका प्रमुख जिल्ला अधिकारी नारायणप्रसाद भट्ट श्रम तथा रोजगार मन्त्रालयका उप सचिव जीवन कुमार राई, राष्ट्रिय योजना आयोगका शाखा अधिकृत फणिन्द्र पौडेल, नेपाल सरकारका पूर्व सचिव महाप्रसाद शर्मा, शिक्षा मन्त्रालयका मुकुन्दमणि खनाल, प्राविधिक शिक्षा तथा व्यवासायिक तालिम परिषद्का निर्देशक दिपक पौडेल लगायतले मन्तव्य राखेका थिए । भरतपुर महानगरपालिकाकी उपप्रमुख पार्वती शाहको अध्यक्षतामा कार्यक्रम भएको थियो ।

कात्तिक २८ ।


मधुमेह र महिला स्वास्थ्य भन्ने नाराका साथ मंगलबार चितवनमा विश्व मधुमेह दिवस मनाइएको छ । हरेक १० जना मधुमेहका बिरामी मध्ये एकजना महिला तथा हरेक सय जना गर्भवती महिलामध्ये छ जनामा मधुमेह देखिने गरेको छ । नसर्ने रोगबाट मर्ने मानिसहरुको तुलना गर्दा मधुमेहका कारणले मृत्यु हुनेको संख्या सातौँ नम्बरमा पर्दछ । २४ हप्तादेखि २८ हप्ताको गर्भवती महिला मधुमेहका कारण बढी जोखिममा हुने गरेका छन् । गर्भवती महिलालाई मधुमेह भएको अवस्थामा उसको बच्चालाई समेत जन्मजात नै यो रोग लाग्न सक्ने भएकोले विशेष सतर्कता अपनाउनु पर्ने डाक्टर हेम सुवेदीले बताएका छन् ।

गर्भवती महिलामा मधुमेहको जोखिम बढेकाले यो वर्षको नारा मधुमेह र महिला स्वास्थ्य राखिएको हो । मानिसको दैनिकी फेरिदै गएको कारण मधुमेहको बिरामी बढ्दै गएका योगी नरहरिनाथ प्राकृतिक चिकित्सालयका चिकित्सक डाक्टर हेमराज कोइरालाको भनाइ छ ।

मधुमेह सम्बन्धी जनचेतना जगाउने उद्देश्यले भरतपुरका विभिन्न संघसंस्थाको आयोजनामा मंगलबार बिहान भरतपुरको चौबिसकोठीबाट नारायणगढसम्म ¥यालीको आयोजना गरिएको थियो । तेलमा तारिएका खानेकुरा मधुमेहको लागि सबैभन्दा हानिकरण भएको तथा बढी भोक लाग्ने, बढी तिर्खा लाग्ने, पटक पटक तिर्खा लाग्ने भएमा मधुमेह भएको हुनसक्ने मधुमेह तथा थाइराइड विशेषज्ञ डाक्टर भोजराज अधिकारीको भनाइ छ ।

मैदाले बनेका मम, चाउमिन, भूजिया लगायतका खानेकुरा नखाने र नियमित कम्तिमा पनि आधा घण्टा पसिना आउने गरी व्यायाम व्यायम गर्दा मधुमेहबाट छुटकारा पाउन सकिन्छ । विश्वका करिब ४० करोड मानिस मधुमेह रोगबाट पीडित भएकोमा झण्डै ८० प्रतिशत मिरामी विकासोन्मुख राष्ट्रका छन् ।

कात्तिक २७ ।


चितवनमा हुन्डाई कारको नयाँ मोडल द नेक्स्ट जेन भेरना पहिलो पटक सार्वजनिक गरिएको छ । चितवनका लागि हुन्डाई कारको आधिकारिक विक्रेता पिनाकल ट्रेडिङ्ग कन्र्सन प्रा.लिले चितवनसहित मध्यनेपालका ग्राहकवर्गहरुको चाहानालाई मध्यनजर गर्दै नयाँ मोडल द नेक्स्ट जेन भेरना सार्वजनिक गरेको छ । पिनाकलका प्रबन्ध निर्देशक ईश्वर कुमार श्रेष्ठ र नेपाल पत्रकार महासंघ चितवन शाखाका सल्लाहकार सूर्यप्रकाश कँडेलले द नेक्स्ट जेन भेरनाको सर्वजनिक गरेका हुन् । ४४ लाख ९६ हजार रुपैयाँ मुल्य रहेको सो कारको विश्व भरमा ९० लाख ग्राहक रहेको एक उत्कृष्ट सेडान हुनुका साथै सर्वाधिक रुचाईएको कारको रुपमा रहेको पिनाकलका प्रबन्ध निर्देशक श्रेष्ठले बताए । निजी सवारी साधन विलासिता होईन, विकासको संवाहक हो भन्ने नारासहित पिनाकलले विगत १० बर्ष भन्दा अगाडी देखि यहाँ हुन्डाईका विभिन्न मोडलका कारहरु बिक्रि गर्दै आएको छ । गाडीमा आकर्षक बनौट र अत्याधुनिक विशेषता तथा सुविधा सम्पन्न भएको कम्पनीले दाबी गरेको छ । कम्पनीले यसको डिजाइन, प्रोफोमेन्स, फिचर्समा कुनै सम्झौता नगरेको जनाएको छ । यो गाडीलाई बलियो बनाउनको लागि उच्च गुणस्तरको स्टिल प्रयोग गरिएको र उक्त स्टिल हुण्डाइको आफ्नै प्लान्टमा तयार पारिएको पिनाकल टे«डिङका प्रवन्ध निर्देशक इश्वर कुमार श्रेष्ठले जानकारी दिए । उनले कारमा बस्ने हरेकलाई लक्षित गरी सुरक्षा व्यवस्था गरिएको छ । सेफ्टीका लागि ६ एयरब्याग, कोर्निङ ल्याम्प्स, फ्रन्ट प्रोजेक्टर, एबीएस, ईबीडी, लगायतका फिचर्स पनि विशेष विशेषता भएको बताए । हुण्डाईका सम्पुर्ण गाडीको खरिदमा ३ वर्षको वारेन्टी, ४ बर्ष निशुल्क सर्भि््िसङ पाहिने छ । यो सँगै कम्पनीले १ आर्थिक वर्षको सवारी कर चुक्ता समेत गरिदिने छ ।

More Articles ...