कात्तिक २२ ।


चितवन निर्वाचन क्षेत्र नं. २ का प्रतिनिधि सभा सदस्यका उम्मेदवार कृष्णभक्त पोखरेलले भरतपुर महानगरलाई नेपालकै दोस्रो पर्यटकीय आकर्षणको केन्द्र वनाउने बताउनु भएको छ । वुधबार विहान प्रचार प्रचारका क्रममा भरतपुरको क्षेत्रपुरमा गरेको घरदैलो कार्यक्रममा उहाले यस्तो बताउनु भएको हो । क्षेत्रपुरवासीले निर्वाचन जितेपछि के गर्नु हुन्छ भन्ने जिज्ञासामा जनताको आवश्यकतालाई प्राथमकिताको आधारमा काम गर्दे भन्दै पर्यटकीय दृष्टिले विकास गर्दै लैजाने बताउनु भयो । उहाले नारायणी नदीलाई ¥याफ्टिङको रुपमा विकास गरेर धेरै पर्यटक भित्राउन सकिने गरी योजना ल्याउने बताउनु भयो । भएको प्राकिृतिक स्रोतको उपयोग नभएको भन्दै नदीबाट हामीले धेरै आय आर्जन गर्न सकिने भन्दै पर्यटकको आकर्षणको केन्द्र वनाउनको लागि पनि यहाको जलयात्रालाई प्राथमिकता दिने बताउनु भयो । धेरै समयदेखि उठेको विषय भएपनि यसको ठोस तरिकाले काम अगाडि नवढेको भन्दै आउदा दिनमा यसलाई प्राथमिकता दिने बताउनु भयो । कार्यक्रममा निर्वाचन क्षेत्र २ को १ प्रदेश सभा सदस्यका उम्मेदवार विजय सुवेदीले मेडिकल सिटीको रुपमा विकास भएको भरतपुरलाई अझ व्यवस्थित पारेर लैजाने बताउनु भयो । सवैको पहुचमा स्वास्थ्य सेवा पु¥याउनको लागि आफ्नो पहल कदमी हुने जानकारी दिनु भयो । पर्यटकीय दृष्टिले आकर्षण वन्दै गएको महानगरलाई अझ धेरै पर्यटक भित्राउन सकिने गरी पूर्वाधार तयार पाने जानकारी दिनु भयो । संयुक्त वाम गठवन्धनबाट निर्वाचनमा उठेका उम्मेदवारहरुले भरतपुरको वडा नं. २ मा चुनावी घरदैलो कार्यक्रम गरेका छन् । नेकपा एमाले नेकपा माओवादी केन्द्रको संयुक्त उम्मेदवारका रुपमा रहेका नेताहरुलाई जिताउनको लागि दुवै पार्टीका नेता तथा कार्यकर्ताहरु प्रचारमा हिडेका छन् ।

कात्तिक २२ ।


नेपाली काग्रेसको तर्फबाट चितवन क्षेत्र नम्बर ३ को प्रदेश क का उमेदवार दिनेश कोईरालाले आफु निर्वाचित भए तलब भत्ता नलिने घोषणा गरेका छन् । आफु सांसद भए त्यस वापत पाउने तलब भत्तालाई आफ्नो क्षेत्रका महिला र युवाको सिप विकास लागि सहयोग गर्ने कोइरालो बताए । चुनावि कार्यक्रम अन्र्तगतको सभालाई सम्बोधन गर्दै कोइरालाले योजना विना विकास सम्भव नहुने भन्दै विकासको खाका तयार गरेको बताएका छन् । अरुलाई आरोप लगाएर आफु माथि नपुगिने भन्दै कोइरालाले आफ्नो योजनाका साथ मतदाताकोमा पुगेको बताए । लोकतान्त्रिक गठबन्धनबाट उमेदवारी दिएका काग्रेस नेता दिनेश कोईरालाले आश्वासनले देश नबन्ने भन्दै आफु होईन देश बनाउनु सच्चा नेतृत्व भएको बताए । कोईरालाले जनलहर आफु पट्टी आएको भन्दै सबैको साथ पाएको प्रतिकृया दिए । बुधबार शिवनगरमा नेपाली काग्रेस र राष्ट्रिय प्रजातन्त्र पार्टी प्रजातान्त्रिक पार्टीको संयुक्त प्रचार प्रसार कार्यालयको उदघाटन गरिएको छ । नेपाली काग्रेस चितवनका निवर्तमान सभापति टेक प्रसाद गुरुङले कार्यालयको उदघाटन गर्दै प्रजातन्त्रको रक्षाका लागि लोकतान्त्रिक गठबन्धनलाई जिताउनका लागि आग्रह गरेका छन् । कार्यक्रममा बोल्दै चितवन क्षेत्र नम्बर २ प्रतिनिधि सभा सदस्यका उमेदवार विक्रम पाण्डेले स्थानिय समस्या वारे भिजेको भन्दै जनताको चाहनामा कुठाराघात नगर्ने बताए ।

कात्तिक २१ ।


चितवन जिल्लाका निर्वाचन अधिकृतहरुले निर्वाचन आचारसंहिता पूर्ण पालनाका लागि सहयोग गर्न पत्रकारहरुलाई आग्रह गरेका छन् । पत्रकारहरुको सकारात्मक सहयोगले मात्रै निर्वाचन शान्तिपूर्ण रुपमा सफल हुने अपेक्षा रहेको उनीहरुको भनाई थियो । मुख्य निर्वाचन अधिकृतको कार्यालय चितवनको आयोजना तथा नेपाल पत्रकार महासंघ चितवन शाखाको संयोजनमा मंगलबार भएको पत्रकार अन्तरक्रियाका क्रममा तीन वटै निर्वाचन क्षेत्रका निर्वाचन अधिकृतहरुले शान्तिपूर्ण रुपमा निर्वाचन सम्पन्न गर्न पत्रकारहरुको भूमिका महत्वपूर्ण रहेको बताएका छन् । पत्रकार अन्तरक्रियामा बोल्दै चितवनका मुख्य निर्वाचन अधिकृत कुलप्रसाद शर्माले आचारसंहिता पालनामा कडाईका साथ लागेको भन्दै पत्रकारहरुको समेत सहयोगको खांचो रहेको औंल्याए । निर्वाचन आचार संहिता २०७२ मा उल्लेख भएका विषयबारे जानकारी दिंदै चितवन निर्वाचन क्षेत्र नम्बर ३ का निर्वाचन अधिकृत शम्भूराज रेग्मीले आचारसंहितामा टोपी, ज्याकेट, झोलामा कुनैपनि दलको स्टिकर, पोष्टर तथा निर्वाचन चिन्ह लगाएर हिंड्न नपाईने व्यवस्था रहेको बताए । उनले धार्मिक संघसंस्थामा जुलुस सभा गर्न नपाईने, विहान ८ बजेदेखि साँझ ७ बजेसम्म मात्रै प्रचार गर्न पाईने जानकारी दिए । यस्तै उनले प्रतिनिधिसभाका उम्मेदवारले बढीमा ४ वटासम्म २ पांग्रे सवारी प्रयोग गर्न पाउने तथा टिभी एबं रेडियोमा विज्ञापन बजाउँदा २४ घण्टामा बढीमा ४ पटकसम्म एकमिनेट बराबरको मात्रै बजाउन पाउने बताए । प्रदेशका उम्मेदवारहरुले भने २४ घण्टाको अवधिमा बढीमा दुई पटक अधिकतम ४५ सेकेन्डको प्रसारण गर्ने पाउने व्यवस्था रहेको छ । चितवन क्षेत्र नम्बर १ का निर्वाचन अधिकृत परमेश्वर पराजुलीले आचारसंहिता उल्लंघन हुँदा कारवाही हुँदैन भन्ने धारणा रहेको भन्दै अनुगमन संयन्त्र पनि बनाईएको र उजुरीका आधारमा निर्वाचन कसुर अनुसार कै कारवाही हुने जानकारी दिए । चितवनका प्रमुख जिल्ला अधिकारी नारायणप्रसाद भट्टले निर्वाचन आचारसंहिता पालना गराउन पहल गर्न पक्षमै पत्रकारहरुपनि रहेकाले प्रशासन, निर्वाचन कार्यालय र पत्रकारहरुको सामुहिक पहल जरुरी रहेको बताए । चितवनका प्रहरी उपरीक्षक दीपक थापाले निर्वाचनका लागि आवश्यक सुरक्षा व्यवस्था मिलाईएको र तीन घेरामा सुरक्षाकर्मी परिचालन हुने बताए । संवेदनशिल क्षेत्रको पहिचान गरी गुण्डाहरुको समेत निगरानी शुरु गरिएको उनले जानकारी दिए । नेपाल पत्रकार महासंघका केन्द्रिय सदस्य कृष्ण गिरीले पत्रकारहरुको आफ्नै निर्वाचन आचारसंहिता रहेकाले त्यसैलाई ख्याल गरे मात्रै निर्वाचन आचारसंहिताको उल्लंघन नहुने विचार व्यक्त गरे । सो क्रममा उपस्थित पत्रकारहरुले निर्वाचन आचारसंहिता अनुगमन प्रभावकारी नभएको भन्दै ध्यानाकर्षण गराएका थिए । सामाजिक सञ्जालको दुरुपयोग बढिरहेको र डमी उम्मेदवार उठाएर गाडीको दुरुपयोग भएको विगतको उदाहरण रहेको भन्दै पत्रकारहरुले यसतर्फ गम्भिर हुन आग्रह गरेका थिए ।

कात्तिक २१ ।

सरकारले चितवन राष्ट्रिय निकुञ्जको बाटो भएर यात्रा गर्दा लिने शुल्क हटाएको छ । मन्त्रीपरिषदको सोमवार बसेको बैठकले शुल्क खारेज गर्ने निर्णय गरेको हो । वन तथा भूसंरक्षणमन्त्री विक्रम पाण्डेको प्रस्तावमा मन्त्रीपरिषदले माडीका स्थानीयले निकुञ्ज प्रवेशमा तिर्दै आएको शुल्क हटाएको हो । मन्त्री पाण्डेले माडीबासीले चितवन राष्ट्रिय निकुञ्ज हुदै ओहरदोहर गर्ने क्रममा अनावश्यक रुपमा शुल्क दिनुपर्ने समस्या हटाउन मन्त्रालयले गरेको प्रस्ताव पारित भएको जानकारी आज भरतपुरमा पत्रकार सम्मेलनमा दिए । पाण्डेले क्याविनेटमा पारित गरेर राजपत्रमा प्रकाशित गर्नका लागी पठाइएको वताए । निकुञ्जपारीको वस्तीका रुपमा परिचित जिल्लाको माडी नगरपालिकाका वासिन्दा सदरमुकाम भरतपुरबाट प्रत्येक पटक घर जाँदा र आउँदा निकुञ्जलाई शुल्क तिर्नुपर्ने सास्ती झेल्दै आएका थिए । निकुञ्ज र जंगली जनावरका कारण सास्ती भोग्दै आएका तिनै माडीवासी निकुञ्ज आवतजावत गर्दा पैसा तिर्न बाध्य थिए । निकुञ्जको बाटो प्रवेश गर्ने र बाहिरिने दुई पांग्रे सवारीले एक पटकमा मूल्य अभिबृद्धि कर सहित साना सवारीको ११ रुपैयाँ ३० पैसा तिर्नुपर्ने भएपनि राजश्व संकलन गर्ने कर्मचारीले १५ रुपैयाँ लिने गरेका थिए । ठूला सवारीमा मूल्य अभिबृद्धि करसहित ५६ रुपैयाँ ५० पैसा हुने भएपनि ६० रुपैयाँ लिर्ईदै लिइएको थियो । माडी क्षेत्रमा सोही बाटो प्रयोग भएर दैनिक ३५ भन्दा बढी ठूला सवारी र एक सयभन्दा बढी मोटरसाईकल आवतजावत गर्ने माडीका अगुवा श्रीप्रसाद दवाडीले जानकारी दिए । माडी जाने करीव ९ किलोमिटर बाटो निकुञ्जभित्र पर्दछ । माडी जाने एक मात्र सडक यहि नै हो । माडी क्षेत्रमा ४० हजारभन्दा बढी जनसंख्या बसोबास गर्दछन् । सोही बाटो हुँदै ठोरीसम्म जान सकिन्छ ।

कात्तिक २२ ।
जिल्ला प्रशासन कार्यालय चितवनले निर्वाचनमा हतियारको प्रयोग हुनसक्ने भन्दै वैध वा अवैधरूपमा राखिएका सबै हतियार बुझाउन निर्देशन गरेको छ । प्रमुख जिल्ला अधिकारी नारायणप्रसाद भट्टले अवैध हतियार बुझाउने म्याद यही कात्तिक मसान्तसम्मलाई दिइएको भन्दै त्यसपछि हतियार फेला पारे कडा कारबाही गरिने चेतावनी दिए । जिल्लामा १८७ वटा हतियार दर्ता भएपनि दर्ता नगरी र नवीकरण नगरी हतियार राखिएको भए तत्काल बुझाउन आग्रह गरिएको र अटेर गरेमा हतियार खोजीमा प्रहरी टोली पचिालन गरिने प्रहरी उपरीक्षक दीपक थापाले जानकारी दिए । स्थानीय निर्वाचनका बेला चितवनमा २९ वटा हतियार फिर्ता भएकामा दर्ता नभएका भरुवा बन्दुक पाँचवटा थियो । वैध हतिायार फिर्ता गराइएको र अहिलेको निर्वाचनलाई ध्यानमा राखेर पुनः हतियार बुझाउन आह्वान गरिएको थापाले जानकारी दिए । उनका अनुसार अहिले जिल्लामा घरेलु मदिरा नियन्त्रण अभियान, गुण्डा नियन्त्रण अभियान र नाका क्षेत्रमा कडा निगरानी थालिएको छ । जिल्लामा १६१ मतदानस्थलमा ४०८ मतदान केन्द्र तोकिएको छ । हरेक स्थलमा अवस्था हेरेर ११ देखि ४९ जनासम्म प्रहरी परिचालन हुने प्रहरीले जनाइएको छ । जसका लागि एक हजार ७०० भन्दा बढी म्यादी प्रहरी र झण्डै तीन हजार ३०० जनपद प्रहरी परिचालन हुनेछन् । नेपाली सेना र सशस्त्र प्रहरी आवश्यकताअनुसार परिचालन हुने प्रहरीले जनाएको छ ।

कात्तिक २१ ।


चितवन निर्वाचन क्षेत्र नम्बर ३ क अन्तर्गत पर्ने विभिन्न छुट्टाछुट्टै तीन वटा वडामा नेकपा एमाले र नेकपा माओवादी केन्द्रको संयुक्त वडा भेलाले निर्वाचन परिचालन कमिति बनाउने निर्णय गरेका छन् । मंगलबार बसेको वडा भेलाले आगामी मंसिर २१ गते हुने प्रतिनिधिसभा र प्रदेश सभा निर्वाचनको लागि वाम गठबन्धनका उम्मेदवारलाई विजय गराउन निर्वाचन परिचालन समिटि बनाउने निर्णय गरेको हो । चितवन क्षेत्र नम्बर ३ क को निर्वाचन परिचालन समिति संयोजक शारदा कुमालका अनुसार वडा नम्बर ६, वडा नम्बर १९ र वडा नम्बर २० को संयुक्त वडा भेला बसेर आफ्नो आफ्नो वडामा वडा स्तरीय संयुक्त चुनाव परिचालन समिति गठन गर्ने निर्णय भएको हो । भरतपुरको वडा नम्बर ६ मा डोलनाथ अधिकारीको अध्यक्षतमा बसेको बैठकले एक सय एक सदस्यीय निर्वाचन परिचालन समिति गठन गर्ने निर्णय भएको कुमालले जानकारी दिइन् । उक्त भेलाले चुनावी प्रचार प्रसारको लागि गीतानगर बजारमा चुनावी सम्पर्क कार्यालय स्थापना गर्ने निर्णय भएको कुमालले जानकारी दिइन् । त्यस्तै, वडा नम्बर १९ मा जीवन घलेको अध्यक्षतामा बसेको संयुक्त वडा भेलाले ६० जनाको निर्वाचन परिचालन तथा तीन सय दुई जनाको निर्वाचन प्रचार प्रसार समिति गठन गर्ने निर्णय गरेको छ । उक्त संयुक्त भेलामा नेकपा माओवादी केन्द्रका केन्द्रीय सल्लाहकार खुसिराम पाख्रिन, माओवादी केन्द्र भरतपुर १९ का ईन्चार्ज तीर्थराज घिमिरे, नेकपा एमाले महानगर कमिटिका सदस्य गुञ्जमान विकलगायतले मन्तव्य राखेका थिए । त्यसैगरी, मंगलबार नै वडा नम्बर २० मा बसेको एमाले र माओवादी केन्द्रको संयुक्त भेलाले २१ सदस्यीय संयुक्त चुनाव परिचान कमिटि गठन गरेको छ । माओवादी केन्द्रका महाधिवेशन आयोजक समितिका सदस्य सुरेन्द्र गुरुङको अध्यक्षतामा बसेको बैठकले निर्वाचन प्रचार प्रसारको लागि एक सय एक जनाको समिति निर्माण गर्ने निर्णय समेत गरेको छ । वडा भेलालाई सम्बोधन गर्दै चितवन निर्वाचन क्षेत्र नम्बर ३ क का उम्मेदवार कृष्ण भुर्तेलले चितवनको समृद्धिको लागि चितवन क्षेत्र नम्बर ३ क बाट आफूले उम्मेदवारी दिएको बताए ।

मंसिर २१ मा हुने निर्वाचनको लागि चितवन क्षेत्र नम्बर ३ ख का बाँकी नौ वटा वडामा बुधबार संयुक्त वडा भेला बस्ने जनाइएको छ । चितवनको निर्वाचन क्षेत्र नम्बर ३ मा प्रतिनिधि सभा सदस्यका लागि वाम गठबन्धनका तर्फबाट नेकपा माओवादी केन्द्रका अध्यक्ष पुष्पकमल दाहाल तथा प्रदेश सभा निर्वाचनको लागि क बाट एमाले नेता कृष्ण भुर्तेल र ख बाट माओवादी नेता रामलाल महतोले उम्मेदवारी दिएका छन् ।

कात्तिक २१ ।


वन तथा भू–संरक्षण मन्त्री विक्रम पाण्डेले माओवादी केन्द्रका अध्यक्ष पुष्पकमल दाहाललाई ढाँट्ने काम छोड्न आग्रह गर्नुभएका छन् । चितवन क्षेत्र नम्बर ३ का प्रत्यक्ष तर्फका उम्मेदवार तथा राष्ट्रिय प्रजातन्त्र पार्टी (प्रजातान्त्रिक)का उपाध्यक्ष समेत रहनुभएका पाण्डेले आफूले ठेक्कापट्टा छोडेको १० वर्ष भएकोले दाहाललाई ढाँट्न छोड्न आग्रह गर्नुभएको हो । मंगलबार भरतपुर विमानस्थलमा सञ्चाकर्मीहरुसँग कुराकानी गर्दै पाण्डेले माडी क्षेत्रमा जानको लागि चितवन राष्ट्रिय निकुञ्जमा सुरुङ मार्ग र आकासे पुल बनाउन गाह्रो रहेको र त्यो सुरुङ मार्ग बनाउने पैसाले सम्पूर्ण नारायणी अञ्चलको विकास गर्न सकिने बताउनुभयो ।

चितवनमा कसले विकास निर्माणका काम गर्छ प्रचण्डले के गरे र के गर्दैछन् भन्ने सबै जनतालाई प्रष्ट थाहा भएको पाण्डेको भनाइ छ । चितवन ३ बाट आफूले कुनै हालतमा चुनाव नहार्ने भन्दै मन्त्री पाण्डेले प्रत्येक निर्वाचनमा निर्वाचन क्षेत्र परिवर्तन गर्ने पुष्पकमलले अर्को पटक अर्को निर्वाचन क्षेत्रबाट चुनाव लड्ने स्थिती आउने दावी गर्नुभयो ।

More Articles ...