कात्तिक २१ ।


गणेशस्थान मन्दिर क्षेत्रलाइ धार्मिक पर्यटकिय स्थलका रुपमा विकास गर्न स्थानियले अग्रसरता देखाएका छन् । यस क्षेत्रलाइ पर्यटकिय स्थलका रुपमा विकास गर्न गणेशस्थान मन्दिर क्षेत्र संरक्षण संम्बद्र्धन समितिले मन्दिर क्षेत्रमा टायल विछ्याउने, गेट निर्माण एवं पुगिं खोला व्यवस्थापनका कार्यहरु गर्दै आएको छ । २ दशमलव ४३ हेक्टर क्षेत्रफलमा रहेको मन्दिर क्षेत्रमा योग एवं धार्मिक प्रवचनका लागि आरोग्य भवन निर्माण गरिएको छ । मर्निङ वाक गर्नका लागि लेन निर्माण गर्ने योजना रहेको गणेशस्थान मन्दिर क्षेत्र संरक्षण संम्बद्र्धन समितिका अध्यक्ष दिनेश चुकेले जानकारी दिए । रोटरी क्लब अफ चितवन र रोट्राक्ट क्लब अफ चितवनको १० लाख रुपैंया आर्थिक सहयोगमा रोटरी सामुदायिक भवन एवं सुन्दर रोटरी पार्क निर्माण गर्ने लक्ष्य रहेको चुकेको भनाइ छ ।

बाइपास रोडबाट नजिकै रहेको गणेशस्थान मन्दिर मुकुन्दसेनको पालादेखिको इतिहास बोकेको धार्मिक स्थल मानिन्छ । विंस. २०६४ सालमा संस्थागत रुपमा यस क्षेत्रलाइ धार्मिक क्षेत्रको रुपमा आधिकारिक रुपमा स्थानियले प्राप्त गरेका हुन् । १० बर्षको अवधिमा यस गणेशस्थान मन्दिर क्षेत्रमा पिकनिक स्पट, पुंगिखोला व्यवस्थित एवं धनधान्याञ्चल गरि आरोग्य भवन समेत निर्माण गरिएको छ । निर्माणाधिन चण्डेश्वरी मन्दिरको गणेशस्थान मन्दिर क्षेत्र संरक्षण संम्बद्र्धन समितिले निर्माण सम्पन्न गरेको छ । गणेशस्थान मन्दिरमा नयां तथा पुराना सवारी साधनको पुजा गर्नाले दुर्घटनामा कमि आउने जनमानसमा विश्वास रहेको चुके वताउंछन् । जलदेवि सामुदायिक वन, नवजागृति सामुदायिक वन र भरतपुर महानगरपालिकाको संयुक्त संरक्षणमा आगामी ३ बर्ष भित्रमा गणेशस्थान मन्दिर क्षेत्रलाइ धार्मिक पर्यटकिय क्षेत्रको विकासमा कायापलट आउने गणेशस्थान मन्दिर क्षेत्र संरक्षण संम्बद्र्धन समितिका सचिव रेशम सापकोटाको भनाइ छ ।

गणेशस्थान मन्दिरको धार्मिक पर्यटन विकासका लागि पर्यटन मन्त्रालयले करिब १७ लाख रुपैंया सहयोग प्राप्त भएको मन्दिर क्षेत्र संरक्षण संम्बद्र्धन समितिले जनाएको छ । त्यस्तै बन कार्यालयले मन्दिर परिसरमा लगाउने जाली एवं इट्टाको लागि आर्थिक प्राप्त भएको समितिका कोषाध्यक्ष देवेन्द्र बहादुर श्रेष्ठले वताए । बांकी ७० देखि ८० लाख रुपैंया निजी क्षेत्रबाट संकलन गरि धार्मिक पर्यटकिय क्षेत्रका रुपमा विकास गर्न समिति लागि परेको उनले जानकारी दिए । मन्दिरमा आउने भक्तजनबाट प्राप्त चन्दा वा पुजाबाट संकलित रकमले यहांको अन्य विकास निर्माणका कार्यहरु हुंदै आएको छ । त्यस्तै भक्तजनहरुको पुजाबाट संकलित रकम कर्मचारी तलब लगायत पुजाको सामाग्री खरिदमा खर्च गर्ने गरिएको भन्दै अरु आयस्रोतको पहिचान गरिने श्रेष्ठको भनाइ छ ।


चितवन, २० कात्तिक ।

चितवन जिल्ला निर्वाचन क्षेत्र नं. २ का प्रतिनिधि सभा सदस्यका संयुक्त वाम गठवन्धनका उम्मेदवार कृष्णभक्त पोखरेलले वृद्धवृद्धाहरुको आर्शिवाद लिएर चुनावी घरदैलो कार्यक्रमको सुरुवात गरेका छन् ।
पवित्र धार्मिक क्षेत्र देवघाट धामबाट चुनावी अभियान चालेको प्रचार समितिले जनाएको छ । देवघाटको विभिन्न स्थानपूरा गरी ठिमुरा, रामनगर लगायतको क्षेत्रमा चुनावी प्रचार गरिएको छ । घरदैलोका क्रममा उमेदवार पोखरेलले जनताको अपार मायाले आफु उत्साही भएको जनाउदै संविधान निर्माणको काम सकेर अव समृद्धि र विकासका ऐजेण्डा सहित मैदानमा उत्रिएको धारणा राख्नुभयो । बामगठवन्धनका उम्मेदवारको जीत संगै यस क्षेत्र र जिल्लाको बिकासले काँचुली फेर्ने पोखरेलले बताउनुभयो । आफु सभासद रहँदा यस क्षेत्रका हरेक वडामा जनताले महसुस गर्ने गरी विकासका कार्यक्रम चलाईएको स्मरण गर्दै पोखरेलले पाहाडी ईलाकामा वाटो र विजुली पु¥याउन योगदान गरेको बताउनुभयो ।
प्रतिनिधी सभा सदस्य उमेदवार पोखरेलले संबिधान निर्माणका क्रममा मस्यौदा निर्माणको कार्यदलमा प्रभावकारी भूमिका खेल्ने अवसर यहीका जनतावाट प्राप्त भएको जनाउदै अव जनताको आर्थिक समृद्धि र क्षेत्रको विकासकालागी अवसर प्राप्त हुनेमा विश्वास ब्यक्त गर्नुभयो । रामनगरको कार्यक्रममा गठवन्धनका तर्फवाट क्षेत्र नम्वर २ को क का प्रदेश सभा सदस्य उमेदवार घनश्याम दाहाल अविनाश पनि सहभागी थिए । वाम गठवन्धनवाट क्षेत्र नम्वर २ को ख मा विजय सुवेदी प्रदेश सभा सदस्यको उमेदवार रहनुभएको छ ।
वामगठवन्धनका उमेदवारहरुले क्षेत्र नम्वर २ अन्तरगत मंगलवार विहान पोखरा वसपार्क र दिउसो आपटारी क्षेत्रमा घरदैलो र मतदाता भेटघाटको कार्यक्रम रहेको क्षेत्रिय प्रचार संयोजक घनश्याम भट्टराईले जानकारी दिनुभयो ।


कात्तिक १९ ।


चितवनमा शुक्रबारदेखि पोल्ट्री तथा पशु पालन सम्बन्धी अन्तर्राष्ट्रिय प्रदर्शनी भएको छ । भरतपुर महानगरपालिका भित्र निर्माणाधिन एक्स्पो सेन्टरमा आयोजना गरिएको प्रदर्शनीले पोल्ट्री क्षेत्रको उत्पादकत्व बढाउनुका साथै उत्पादन लागत घट्ने बताइएको छ । आत्मनिर्भर बन्दै गएको नेपालको एक मात्रै व्यवसायको रुपमा रहेको पोल्ट्री क्षेत्रको राजधानीको रुपमा चितवनलाई हेर्ने गरिएको छ । नेपालमा परम्परागत कुखुरा पालन व्यवसाय गर्दा उत्पादकत्व बढ्दै गएको सन्दर्भमा पोल्ट्री प्रदर्शनीले नयाँ प्रविधिलाई भित्र्याउँदै पोल्ट्री क्षेत्रमा कम लागतमा बढी उत्पादन गर्न सकिने आयोजकको विश्वास छ ।

भूकम्प र नाकाबन्दी पछाडि केही समय धराशायी भएको नेपालको पोल्ट्री क्षेत्रमा अहिले आशा लाग्दो सुधार हुँदै गइरहेको छ । छिमेकी मुलुकसँग प्रतिस्पर्धा गर्ने गरि पोल्ट्रीजन्य वस्तुको उत्पादन र गुणस्तरमा वृद्धि गर्नको लागि प्रदर्शनी महत्वपूर्ण हुने बताइएको छ ।

चितवनमा प्रदर्शन भइरहेको पोल्ट्री प्रदर्शनीले यहाँको मात्रै नभएर मुलुकको पोल्ट्री क्षेत्रमा नै आधुनिकीकरण गर्न टेवा पुग्ने व्यवसायीहरु बताउँछन् । प्रदर्शनीमा पोल्ट्री क्षेत्रसँग सम्बन्धित आधुनिक यन्त्र, अत्याधुनिक प्रविधि, गुणस्तरीय औषधि, फिड सप्लिमेन्ट्स, डेरी उद्योग, पोल्ट्री उद्योग, दाना उद्योग, ह्याचरी उद्योग, वंगुरपालन उद्योग, मत्स्यपालन उद्योग र मासुजन्य उद्योगसम्बन्धी एक सय ८० स्टल राखिएको छ ।

पोल्ट्री तथा पशुपन्छी प्रदर्शनीको लागि विभिन्न देशका पाँच सय भन्दा बढी विदेशीहरु चितवनमा आएका छन् । अण्डा र मासुजन्य पदार्थका साथै अन्य कृषि क्षेत्रमा आत्मनिर्भर बन्नको लागि सरकारले किसानहरुलाई अनुदान दिनुपर्ने किसानहरुको माग रहेको छ ।

कात्तिक १९ ।
नेपालमै भएको स्रोतसाधन र प्रविधिको उच्चत्तम प्रयोग गरी उपचार चुस्त बनाउनुपर्ने निष्कर्षसहित चितवनमा भएको क्यान्सरसम्बन्धी विज्ञहरुको अन्तर्रा्ष्ट्रिय सम्मेलन सम्पन्न भएको छ । यही कात्तिक १६ गतेदेखि शुरु भएको तीनदिने सम्मेलनले बाह्य देशमा जस्तो उपचार पद्धति र प्रविधिको विकास नेपालमा नभएकाले भएका स्रोतसाधनलाई भरपुर उपयोग गरी उपचार सफल पार्नुपर्ने विज्ञहरुको सुझाव आएको सम्मेलन आयोजक समितिका सचिव डा उमेश नेपालले जानकारी दिनुभयो । सम्मेलनमा विदेशी विज्ञहरुको २० वटा अनुसन्धानात्मक कार्यपत्रसहित ५० वटा सोधपत्र प्रस्तुत गर्नुभई सो विषयमा छलफल भएको थियो । चितवनको क्यान्सर अस्पतालमा प्रयोग हुँदै आएको शल्यक्रिया पद्धतिको बारेमा समेत प्रविधिमार्फत विज्ञहरुले हलमै बसेर प्रत्यक्ष अवलोकनसमेत गरेका थिए । सार्क फेडेरेशन अफ अंकोलोजिष्ट नेपालको आयोजनामा भएको सम्मेलनको निष्कर्षलाई समीक्षा गरेर घोषणापत्रको रुपमा पछि सार्वजनिक गरिने आयोजकले जनाएको छ । ‘विश्वमा रोवर्टले उपचार गर्ने पद्धतिको विकास भइसकेको छ, त्यो नेपालमा सम्भव नै छैन, त्यसैले पनि यहाँ उपलव्ध साधनको प्रयोग गरेर नै उच्च सेवा दिनुपर्ने जरुरी छ, त्यसैमा सम्मेलन केन्द्रित भयो’ डा नेपालले भन्नुभयो । उहाँका अनुसार खाने नलिमा भएको क्यान्सरको उपचारको प्रक्रियामा भने केही हेरफेर गरिएको छ । अपरेशन, केमो र सेकाई लगभग धेरै जसो उपचारमा सँगसँगै जाने भएकाले कुन अघि कुन पछि भन्ने विषयमा विज्ञहरुको सुझाव अनुसार केही परिवर्तन गरिएको जनाइएको छ । पहिलो तह, दोस्रो तह, तेस्रो तहमा कसरी उपचार गर्ने भन्ने एक किसिमको खाका बनाइएको नेपालले बताउनुभयो । सम्मेलनमा नेपालसहित भारत, चीन, श्रीलंका, बंगलादेश, सिंगापुर, क्यानडा, टर्की, र अमेरिकाका विशेषज्ञ गरी ३०० जनाको सहभागिता रहेको स्थानीय आयोजक समितिका संयोजक डा भोला रौनियारले बताउनुभयो । सम्मेलनमा देशविदेशमा क्यान्सर रोगको उपचार पद्धतिको विषयमा र विश्वमा भएका नयाँ उपचार प्रविधिको बारेमा जानकारी आदानप्रदान भएको थियो ।

कार्तीक २०

जिल्ला प्रशासन कार्यालय चितवनले माडीको बजार क्षेत्रको अनुगमन गरेको छ । जिल्ला प्रशासन कार्यालय चितवनका बजार अनुगमन अधिकृत ओमनारायण शर्माको नेतृत्वमा उपभोक्ता अधिकार मन्च का प्रतिनिधि सहित पुगेको अनुगमन टोलीले बजारको अनुगमन गरि दुईबटा फामेर्सी बन्द गराएको छ । तारा मेडिकल, र बिश्वास फामेर्सी बन्द गराएको हो । बिश्वास फार्मेसीले अस्पतालकै रुपमा सन्चालन गरेको पाईएकाले त्यहा रहेका बिरामी हटेपछी ईलाका प्रहरी कार्यालयलाई फामेर्सीमा ताला लगाउन निर्देशन दिएको र प्रकृया पुगेपछी मात्रै सन्चालन गर्न भनिएको शर्माले जानकारी दिए । बिरामी भएकाले तत्कालै ताला लगाउन नमिलेकोले प्रहरीलाई ताला लगाउन भनेको उनको भनाइ छ । त्यस्तै टोलिले एक दर्जन बढि किराना पसल होटल तथा मासुपसलहरको अनुगमन गरेको अनुगमन अधिकृत शर्माले बतााए । अनुगमनका क्रममा अधिकाम्स पसलहरु दर्ता गरेरै सन्चालनमा आएको भेटिएको र केही पसलहरुले भने म्याद नागेको पेय पदार्थ बिक्री गरेको भेटिएको जिल्ला प्रशासन कार्यालय चितवनका खाद्य निरिक्षक प्रबिण तिवारीले बताए । म्याद नागेका पेय पदार्थ नष्ठ गरिएको उनको भनाई छ । त्यस्तै केहि पसलबाट बोतलमा बिक्रीका लागी राखिएको पेट्रोल र म्याद सकिएको खानेतेल समेत बरामद गरेको उनको भनाई छ । बरामद गरेको बस्तु उद्योग बाडिज्य संघ माडी र ईलाका प्रहरीको रोहबरमा नष्ठ गरिएको उनि वताउंछन् । टोलिमा उपभोक्ता अकिार संरक्षण मन्चका उपाध्यक्ष बिष्णु भुषाल , उद्योग बाडिज्य संघ माडीका अध्यक्ष लगायत स्थानिय पत्रकारहरुको सहभागिता रहेको थियो ।

कात्तिक १९ ।


खाद्य एवम् आर्थिक वृद्धिको लागि भैंसीको उत्पादन वृद्धि भन्ने मूल नाराका साथ चितवनको सौराहामा हुन लागेको अन्र्तराष्ट्रिय भैंसी विज्ञहरुको सम्मेलनको तयारी तीव्र पारिएको छ । नेपालमा नै हिलोपटक हुन लागेको सम्मेलनमा भैंसीको क्षेत्रमा निकै लामो समयदेखि लागेर अध्ययन र अनुसन्धान गरिरहेका अनुसन्धानकर्ता वैज्ञानिकहरू सहभागी हुने भरतपुरमा पत्रकार सम्मेलन गरि जानकारी दिइयो । कृषि तथा वन विज्ञान विश्वविद्यालय रामपुर चितवनको पशु विज्ञान, पशुचिकित्सा तथा मत्स्य विज्ञान संकायको आयोजनामा हुन लागेको तीन दिने सम्मेलन कात्तिक २९ देखि मंसिर २ गतेसम्म चल्नेछ । सम्मेलनमा नेपालसहित विश्वका ११ देश भारत, चीन, पाकिस्तान, वंगलादेश, थाइल्याण्ड, फिलिपिन्स, अमेरीका र क्यानडा लगायतका भैंसी सम्वन्धि अनुसन्धानकर्ताहरूको सहभागीता रहने कार्यक्रमका सदस्यसचिव डा.भूमिनन्द देवकोटाले जानकारी दिनुभयो । विश्वका विभिन्न देशमा रहेको भंैसीका प्रजातीहरूको बारेमा गरिएको अनुसन्धान र भूगोल सुहाउँदो प्रविधि एवम् ज्ञानसीपको आदानप्रदान गर्ने मूल रहेको देवकोटाको भनाइ छ ।
बाइट.... भूमिनन्द सापकोटा, सदस्यसचिव, अन्तर्राष्ट्रिय भैंसी सम्मेलन
सम्मेलनमा ५५ जना बिदेशी पाहुनासहित दुई सय जनाको सहभागीता रहनेछ । सम्मेलनमा नेपालका तर्फबाट ४९ वटा र विदेशी वैज्ञानिकहरुको तर्फबाट ४१ वटा कार्यपत्र प्रस्तुत गरिने आयोजकले जनाएको छ । पशुपालनको क्षेत्रमा नेपालमा भैंसीकोे महत्व उल्लेखनिय रहेको छ । नेपालको दूध उत्पादनमा दूई तिहाई र मासु उत्पादनमा भैंसीको योगदान ५७ प्रतिशत रहेको विश्वविद्यालयका उपकुलपति प्रा. डा. आइपी ढकालले बताए ।
बाइट.... प्राडा आईपी ढकाल, उपकुलपति, कृषि तथा वन विज्ञान विश्वविद्यालय
भैंसीको व्यवसायिक उत्पादनका लागि सरकारी निकायलाई नीति निर्माणमा समेत सहयोग पुग्ने उद्देश्यले सम्मेलन आयोजना गरिएको कार्यक्रम संयोजक कृषि तथा वन विश्वविद्यालयकी डिन प्रा.डा. शारदा थपलियाले बताइन् । नेपालमा लिमे, पार्कोटे, गड्डी गरि तीन प्रजातिका भैंसी पाइने विश्वविद्यालयका उपप्राध्यापक निराजन भट्टराईको भनाइ छ ।

कात्तिक १९ ।


कात्तिक १७ गतेदेखि सुरु भएको पोल्ट्री तथा पशु पालन सम्बन्धी अन्तर्राष्ट्रिय प्रदर्शनी सकिएको छ । तीन दिनसम्म सञ्चालन भएको भएको प्रदर्शनीको समापन राष्ट्रिय योजना आयोगका सदस्य डाक्टर प्रभु बुढाथोकीले गरेका हुन् । प्रदर्शनीको समापन गर्दै बुढाथोकीले नेपालको आत्मनिर्भर व्यवसायको रुपमा रहेको पोल्ट्री क्षेत्रको उत्पादन गुणस्तरमा ध्यान दिनुपर्ने बताए । स्वस्थ मासु र अण्डा उत्पादनमा जोड दिँदै संख्यात्मक मात्रै नभएर पोल्ट्रीजन्य वस्तुको गुणास्तारमा समेत ध्यान पु¥याउनुपर्ने बुढाथोकीको भनाइ छ । हरेक नागरिकले खान पाउनुपर्ने संवैधानिक व्यवस्था भएकाले पनि त्यसमा समग्र मुलुक नै प्रतिवद्ध भएको बुढाथोकीले बताए । दिगो विकासको लक्ष्यमा हस्ताक्षर गरेकोले नेपालले सन् २०३० सम्म भोकमरीको अन्त्य र गरिबी निवारण गर्ने प्रतिवद्धता जनाएको हुनाले यो प्रतिवद्धता पुरा गराउन पोल्ट्री व्यवसायले सक्ने बुढाथोकीले बताए ।प्रदर्शनीमा नेपाल सहित विभिन्न १२ देशका एक सय ८० वटा स्टलहरु रहेका थिए । पोल्ट्री व्यवसायको क्षेत्रमा भित्रिएका नयाँ प्रविधिहरु प्रदर्शनीमा राखिएकाले नेपालको पोल्ट्री व्यवसायमा समेत आधुनिक प्रविधि प्रयोग गर्दै उत्पादन लागत घटाउन किसानहरु अग्रसर हुने विश्वास लिइएको छ । नेपाल पोल्ट्री महासंघका अध्यक्ष गुणचन्द्र विष्टले केही वर्ष अगाडिदेखि थोरै व्यक्तिले आधुनिक प्रविधि प्रयोग गरेर पोल्ट्री व्यवसाय सञ्चालन गरेका भएपनि अब सबै पोल्ट्री व्यवसायीहरुले आधुनिक प्रविधि प्रयोग गर्दै आफ्नो व्यवसायमा गुणस्तर वृद्धि गर्नुपर्ने बताए । पछिल्लो समय पोल्ट्री क्षेत्रले प्रगति गर्दै गएकोले सरकारले समेत व्यवसाय मैत्री नीति ल्याउनुपर्ने जिल्ला समन्वय समितिका उपप्रमुख मुना श्रेष्ठको भनाइ छ ।

More Articles ...