पुस २१ ।

भरतपुर महानगरपालिकाले चालु आर्थिक वर्ष २०७४÷०७५ का लागि तीन अर्ब ५० लाख रुपैयाँ बराबरको बजेट विनियोजन गरेको छ । शुक्रबार भएको भरतपुर महानगरपालिकाको पहिलो नगरसभामा नगर प्रमुख रेनु दाहालले तीन करोड ५० लाख रुपैयाँ बराबरको अनुमानित आयव्यय प्रस्तुत गरेकी हुन् । महानगरपालिकाको विकासको लागि दाहालले भरतपुरका विभिन्न तीन वटा स्थानमा आकासे पुल निर्माण, महानगरको जग्गामा पार्किङ सहितको बहुउद्देश्यीय व्यापारिक भवन, महानगरको सभास्थल, सिटी हल, रङ्गशाला, मनोरञ्जन पार्क निर्माणको लागि तत्काल काम सुरु गर्ने बताउनुभयो । त्यस्तै, भरतपुर–३ मा महानगरको दुई बिघाहा १३ कठ्ठा जमिनलाई अटो ल्याण्डको रुपमा विकास गर्ने, देवघाटको परम्परागत शव दाहसंस्कार स्थललाई निजी क्षेत्रको सहभागितामा विद्युतीय शव दाह गृह निर्माण गर्ने गरि काम सुरु गरिने दाहाले बताउनुभयो । त्यस्तै, भरतपुरको विमानस्थललाई विस्तार गर्न सकिने सम्भावनाहरुको तत्काल अध्ययन गर्दै ठूला विमान सञ्चालनको लागि मेघौली विमानस्थललाई स्तरोन्नती गर्न संघीय सरकारसँग समन्वय गर्ने दाहालले बताउनुभयो । नगर प्रमुख दाहालले चालु आर्थिक वर्ष २०७४÷०७५ को नीति तथा बजेट प्रस्तुत गर्दै आगामी वर्षको भरतपुर महानगरभित्रबाट निस्कने अस्पतालजन्य र अन्य फोहोरलाई व्यवस्थापनका लागि सार्वजनिक निजी साझेदारी अवधारणा अनुसार कार्यान्वयन गर्दै यसै वर्षबाट काम थाल्ने बताउनुभयो । जसका लागि सरकारबाट प्राप्त भएको भरतपुरको वडा नम्बर २ मा रहेको १५ बिघाहा जग्गामा आधुनिक ल्याण्डफिल साइट सञ्चालन गर्दै त्यहाँबाट उर्जा समेत निकाल्ने महानगरको योजना रहेको छ ।

महानगरपालिकाले चालु खर्चको लागि एक अर्ब ४३ करोड ९१ लाख, पूँजीगत खर्च तर्फ एक अर्ब ५५ लाख र वित्तिय व्यवस्थापनको लागि एक करोड रुपैयाँ छुट्याएको छ । महानगरपालिकाले पूर्वाधार विकास तर्फ एक अर्ब ३४ करोड चार लाख, वातावरण तथा विपद व्यवस्थापन तर्फ १३ करोड ८७ लाख, सामाजिक विकास तर्फ ६० करोड २७ लाख, कृषि पर्यटन तथा आर्थिक विकासको लागि पाँच करोड ८१ लाख रुपैयाँ विनियोजन गरेको छ । शुक्रबार नगरसभाको उद्घाटन गर्दै पुर्व प्रधानमन्त्रि एवं माओवादी केन्द्रका अध्यक्ष पुष्पकमल दाहाल प्रचण्डले भरतपुर महानगरपालिका सम्भावनै सम्भावना बोकेको स्थान भएको वताउंदै यहांको विकासले देशलाइ राम्रो सन्देश दिने वताए । महानगरको विकासका लागि साना तिना सपना देखेर नहुने भन्दै उनले महत्वाकांक्षीका तिव्र विकास गर्नुपर्ने वताए । नारायणी र राप्ति भरतपुरको लागि वरदान हुने भन्दै प्रचण्डले कविलास देखि गोलाघाट सम्म पर्यटनको व्यापक विकास गर्न सकिने उल्लेख गरे । भरतपुर महानगरपालिकाको बन्द सत्र शनिबार र आइतबार विपि कोइराला मेमोरियल क्यान्सर अस्पतालको हलमा हुने वताइएको छ ।

पुस २१ ।


उद्योग वाणिज्य सँघ चितवनको साधारण सभा तथा अधिवेशन नजिकिदैं जाँदा चितवनका व्यवसायीले घरदैलो तथा व्यवसायी भेटघाट अभियानलाई तिव्र पारेका छन् । सहनलाल प्रधान प्यानलले आज (शुक्रवार) पनि नारायणगढका विभिन्न क्षेत्रमा घरदैलो गरेको छ । नारायणगढको मिलनरोड क्षेत्र र शहिदचोेकदेखी लायन्सचोकसम्म घरदैलो गरिएको हो । घरदैलोका क्रममा व्यवसायीहरुले प्रधान प्यानललाई भोट दिन उत्साही भएको बताएका छन् । उनिहरुले समावेशी रुपमा निर्माण भएको प्यानलले व्यवसायीक हक हितमा काम गर्ने बिस्वास व्यक्त गरे । घरदैलोका क्रममा व्यवसायीसँग कुरा गर्दै अध्यक्ष पदका उम्मेद्वार प्रधानले व्यवसाय र व्यवसायीको सँरक्षण गर्नु आफ्नो प्रथामिकता भएको वताउनुभयो । ढुक्कसँग व्यवसाय सँचालन गर्ने वतावरण बनाउनका लागि आफुले उम्मेद्वारी दिएको उहाँको भनाई छ । सो अवसरमा आफ्नो पक्षमा मत माग्नुका साथै प्यानलले अघि सारेका व्यवसायीक मुद्धका विषयमा पनि जानकारी गराइएको थियो । प्रधान प्यानलवाट वरिष्ठ उपाध्यक्षमा चुननारायण श्रेष्ठ,उपाध्यक्षमा भोजराज कौडाल,चिरन्जीवि सुवेदी र सुमन श्रेष्ठ उम्मेद्वार बन्नुभएको छ । उद्योग वाणिज्य सँघ चितवनको ५१ औं साधारण सभा तथा अधिवेशन यही ३० गते हुँदैछ ।


धु्रवराज खनाल, पुष २१ गते ।

स्थानीय तहमा जनप्रतिनिधी निर्वाचित भएको ८ महिना भईसक्दा समेत फोहोर व्यववस्थापनको काम हुन नसकेको भन्दै राप्ती नगरपालिकाका नगरवासीयले दुःख व्यक्त गरेका छन् । राप्ती नगरपालिकाले शुक्रवार आयोजना गरेको दोश्रो चौमासिकको सार्वजनिक कार्यक्रममा वोल्दै नगरवासीहरुले फोहोर व्यवस्थापनको काम तत्काल सुरु गर्नु पर्ने वताएका हुन् । चितवन क्षेत्र नम्वर एक प्रदेश सभा साँसद दावा दोर्जे लामाको प्रमुख आतिथ्यतामा भएको कार्यक्रममा राप्ती नगरपालिका ५ का डिल्लीप्रसाद थपलियाले तत्काल डम्पिङ साईडको खोजी गरी फोहोर व्यवस्थापन गर्नु पर्ने वताए । नगरका चोक चोकमा फोहोर थुप्रीएका छन्,नगरपालिकाले यस तर्फ ध्यान दिएको देखिदैन थपलियाले भने – नगरको सरसफाईका लागि तत्काल फोहोर व्यवस्थापनको काम गरियोस् । थपलियाले नगरपालिकाले सामान्य सरसफाईको काम समेत नगरेको गुनासो पोखे । वजारका ढल पुरिएका छन्,पार्किङ,तरकारी तथा फलफुल व्यवसायले वजार अस्तव्यस्त छ उनले थपे कहिले सम्म यस्तो अवस्था हेरेर वस्ने ,यस तर्फ नगरपालिका गम्भीर हुन जरुरी छ । राप्ती नगरपालिका ६ का कर्णवहादुर थापाले फोहोर व्यवस्थापनको काम कहिलेदेखी सुरु हुन्छ भन्दै जनप्रतिनिधीलाई प्रश्न गरे । नगरपालिका वनेपछि फोहोर उठ्छ भन्थे तर उठेन,जनप्रतिनिधी आएपछि यो काम हुन्छ भन्ने आशा थियो अझै भएन थापाले भने –स्वास्थ्यसंग जोडिएको विषय भएकाले फोहोर व्यवस्थापनलाई प्राथमिकता दिईयोस् । स्थानीय सिताराम तामाङले अव्यवस्थित रुपमा रहेका अटो र इरिक्सालाई व्यवस्थित गर्न पार्किङको व्यवस्था मिलाउनु पर्ने वताए । नगरका चोक चोकमा अस्तव्यस्त तरिकाले अटो र ईरिक्सा राखिएका हुन्छन्,यसले दुर्घटना समेत निम्त्याउन डर छ तामाङले भने – यिनीहरुको व्यवस्थापनसंगै मनोमानी ढंगले भाडा लिने गरेकाले भाडाको समेत निर्धारण गरिया्ेस् । कार्यक्रममा स्थानीय अनिता मैनाली,राजकुमार भट्ट,गोमानसिंह लामा,सुभद्रा चौधरी,रामकृष्ण थापा लगायतले सार्वजनिक जग्गा संरक्षण गर्न,पहाडी क्षेत्रमा भुक्षय रोक्ने कार्यक्रम ल्याउन,शैक्षिक गुणस्तर वृद्धी गर्न,कृषि र पर्यटनलाई जोडेर नगर विकास गर्नु पर्नेमा जोड दिए । सो अवसरमा वोल्दै राप्ती नगरपालिकाकी मेयर प्रभा वरालले डम्पिङसाईडका लागि जग्गा नहुँदा फोहोर व्यवस्थापनको काम हुन नसकेको वताईन् । एक ठाउँमा खोज्यो त्यहाँका स्थानीयले विरोध गर्छन्,अर्को ठाउँमा खोज्यो त्यही विरोध हुन्छ मेयर वरालले भनिन् – फोहोर व्यवस्थापनको काममा नगरपालिकाको मात्रै मुख नताकेर सवै नगरवासीबाट सहयोग हुन जरुरी छ । निजी संस्थासंग समन्वय गरेर तत्काल फोहोर व्यवस्थापनको काम गर्न लागेको समेत मेयर वरालले वताईन् । कार्यक्रममा मेयर वरालले नगरपालिकाले गरेका कार्यसम्पादन,आर्थिक अवस्था,सेवा प्रवाहका बारे प्रतिवेदन प्रस्तुत गरेकी थिईन् । राप्ती नगरपालिकाका उपपमेयर ईमानसिंह लामाले नगरवासीको सुझावका आधारमा नगर विकासमा लाग्ने प्रतिवद्धता जनाए । स्थानीय तहमा ठोस निति नआउनु,संक्रमणकालिन अवस्था लगायतका कारणले सोचे जस्तो काम गर्न नसकेको उपमेयर लामाले स्वीकार गरे । प्रमुख प्रसासकिय अधिकृत मिठाराम हुमागाँईले कर्मचारीको अभाव हुँदा हुँदै पनि जनप्रतिनिधी मिहनेतबाटै काम भईरहेको वताए । कार्यक्रममा प्रमुख अतिथी प्रदेश सभा सदस्य दावादोर्जे लामाले नगर विकासको काममा नगरवासीहरुले चासो दिनु पर्ने वताए । विकास निर्माणको काममा ठेकेदारले काम गर्छन् जान्छन् प्रदेश सभा सदस्य लामाले भने आफ्नो ठाँउ कस्तो वनाउने भन्ने बारे निगरानी गर्ने स्थानीयनै हो । मेयर प्रभा वरालको अध्यक्षतामा भएको सो कार्यक्रममा राजनितिक दलका प्रतिनिध,विभिन्न संघसंस्थाका प्रतिनिधी,जनप्रनितिधी लगायतको सहभागीता रहेको थियो ।

पुस २० ।

चितवनको रत्ननगरस्थित टिकौलीचौरमा हुने रत्ननगर महोत्सवमा यसपटकको थप आकर्षणका रुपमा अस्थायी धरहरा राखिने भएको छ । रत्ननगर उद्योग वाणिज्य संघको आयोजनामा पुस २७ गतेदेखि माघ ७ गतेसम्म आयोजना हुने महोत्सवलाई आकर्षक बनाउन ऐतिहासिक महत्वको धरहराको प्रतिमूर्ति राख्न लागिएको महोत्सवका संयोजक राजाराम रेग्मीले जानकारी दिए । महोत्सवस्थलमा नेपालमै उत्पादित बाँसबाट कृत्रिम महोत्सव निर्माणको काम भइरहेको छ । सो धरहरा ५० फिट अग्लो हुने बताइएको छ । ३० फिटमा चढेर वरिपरिको दृष्य अवलोकनको व्यवस्था मिलाइएको संयोजक रेग्मीले बताए । एकपटकमा करिब ४० जना चढेर दृश्य अवलोकन गर्न सक्ने गरी बलियो धरहरा बनाइएको उनले बताए । संयोजक रेग्मीले भने, “विसं ०७२ वैशाख १२ गते आएको भूकम्पले धरहरा भत्किएपछि धरहरा चढ्ने इच्छा पूरा हुन सकेको छैन । बाँसबाट बनेको धरहरामाथि चढेरै भए पनि दृश्य अवलोकन गर्दा दर्शकलाई केही नयाँपन महसुस होस् भनेर कृत्रिम धरहरा निर्माण गरिएको हो ।” महोत्सव अवलोकन गर्न आउनेहरुलाई थप मनोरञ्जन प्रदान गर्न ऐतिहासिक महत्व बोकेको धरहराको प्रतिमूर्ति निर्माण गरिएको संघका वरिष्ठ उपाध्यक्ष अनिलकृष्ण श्रेष्ठले जानकारी दिए । रत्ननगर महोत्सवले हरेकपटक दर्शकलाई थप मनोरञ्जन प्रदान गर्न नयाँनयाँ कार्यक्रम ल्याउने गरेको छ । यसअघिको महोत्सवमा उँट र अस्ट्रिज राखेको रत्ननगर महोत्सवले यस वर्ष सबैको आकर्षणको केन्द्र धरहराको प्रतिमूर्ति निर्माण गरेको हो

पुस २१ ।


नेकपा माओवादी केन्द्रका अध्यक्ष पुष्पकमल दाहालले चितवनलाई नेपालको आर्थिक विकासको राजधानी हुन कसैले पनि रोक्न नसक्ने बताउनुभएको छ । चितवनमा केन्द्रीय राजधानी तथा प्रदेशको राजधानी हुने सम्भावना भएपनि यो विषय अहिल्यै भन्न नसकिने उल्लेख गर्दै दाहालले चितवनमा आर्थिक विकासको राजधानी हुने वाला भएकोले यसलाई कसैले रोकेर रोक्न नसकिने बताउनुभएको हो । शुक्रबार भरतपुरमा आयोजित चितवन उद्योग संघको १८औँ वार्षिक साधारणसभा तथा नवौँ अधिवेशनको उद्घाटन गर्दै दाहालले चितवन एक पटक आर्थिक विकासको राजधानी भइसकेपछि अरु सबै राजधानी पछि पर्ने बताउनुभयो ।

माओवादी केन्द्रका अध्यक्ष दाहाल प्रधानमन्त्री भएको बेलामा चितवनमा औद्योगिक क्षेत्र, रंगशाला तथा अन्तर्राष्ट्रिय प्रदर्शनी केन्द्र निर्माण गर्न बजेट विनियोजन गरिएको थियो । शक्तिखोरमा स्थापना हुने करिब दुई हजार बिघाहा क्षेत्रफलको औद्योगिक क्षेत्रको लागि डिपिआरको काम सुरु गरिने भएको छ । शक्तिखोरमा रहेको जग्गालाई सरकारको मातहतमा ल्याउँदै छ महिनाभित्रमा डिपिआरको काम सकेर औद्योगिक क्षेत्रको काम सुरु हुने औद्योगिक क्षेत्र व्यवस्थापन लिमिटेडका कार्यकारी अध्यक्ष नन्दकिशोर बस्नेतले बताए ।

चितवन उद्योग संघको नवौँ अधिवेशनबाट विधान अनुसार वरिष्ठ उपाध्यक्ष अध्यक्ष बन्ने भएकोले हालका वरिष्ठ उपाध्यक्ष भेषराज दुवाडी अध्यक्ष बन्दै हुनुहुन्छ । त्यस्तै, उपाध्यक्षमा ६ जना, सदस्य तर्फ वस्तुगतबाट एक जना, प्रिमियम एशोसिट्सबाट एक जना, एशोसियट्सबाट एक जना र खुल्ला तर्फबाट ११ जना सदस्य बन्न पाउनेछन् । प्रिमियम एशोसिट्स तर्फ १० करोड भन्दा माथि पूँजी भएका उद्योगीहरु पर्दछन् भने एशोसियट्स तर्फ ३ देखि १० करोड रुपैयाँ पूँजी भएका उद्योगीहरु पर्दछन् ।

चितवन, २१ पुस ।

चितवनका शैक्षिक परार्मश दिने संस्थाहरुको साझा संस्था शैक्षिक परामर्श संघ इक्यान चितवनको अध्यक्षमा हिम्मत पूरीले उम्मेदवारी घोषणा गरेका छन् ।
भरतपुरमा हुने इक्यानको अधिवेशनमा पूरीले अध्यक्षमा उम्मेदवारी दिने भएका हुन् । इक्यान चितवनको सचिव रहेका पूरीले अगामी २ बर्षे कार्यकालका लागि उम्मेदवारी दिएको बताए ।
चितवन इक्यानको इतिहासमा नै पहिलो इक्यान चितवन शैक्षिक मेला सफलतापूर्वक सम्पन्न गर्न संयोजक रुपमा पूरीको भूमिका महत्वपूर्ण रहेको छ । वैदेशिक शिक्षालाई मर्यादित र व्यवस्थित एवम् कानुन सम्वत बनाउन पूरीले खेलेको भूमिका महत्वपूर्ण छ ।
अध्यक्षका उम्मेदवार पूरीले विद्यार्थीहरुको शैक्षिक शुल्क बीमाको लागी पहल गर्ने, स्थानीय रुपमा रहेका शैक्षिक परामर्श व्यावसायीहरुलाई संस्थामा आवद्ध गराउने, उनीहरुको वैधताका लागि सहयोगी बन्ने, शैक्षिक परामर्शदाता संस्थाहरुलाई विभिन्न देश संग सम्वन्धि परामर्श तालिमहरु प्रदान गर्ने,संस्थाहरुमा कार्यरत शिक्षक तथा कर्मचारीहरुलाई क्षमता अभिवृद्धि गर्ने तालिम प्रदान गर्ने, इक्यानमा आवद्ध सदस्य संस्थाहरुबीच सामुहिक लगानीको अवधारणा बनाउने, एक वर्ष भित्रै व्यवसाय अनुसन्धान तथा प्रवद्र्धन समिती गठन गर्ने एजेण्डा तय गरेका छन् ।
बैदेशिक शिक्षा मार्फत विद्यार्थीहरुको भविश्य सुनिश्चित गर्न भरपर्दो शैक्षिक परामर्श संघ बनाउने अध्यक्षका उम्मेदवार पूरीले बताए ।

 

पुस २० ।


उद्योग वाणिज्य संघ चितवनले विहीबार आयोजना गरेको पत्रकार सम्मेलन विवादित बनेको छ । संघका अध्यक्ष राजन गौतमले आफ्ना कुरा राखेर उठेपछि संघका निवर्तमान अध्यक्ष कल्याण जोशीले संघको पत्रकार सम्मेलन नभई अध्यक्षको व्यक्तिगत पत्रकार सम्मेलन भएको आरोप लगाए । उनले पूर्व अध्यक्षहरुलाई आरोप लगाउँदै अध्यक्ष एकोहोरो रुपमा प्रस्तुत भएर पूर्व अध्यक्षहरुलाई बोल्न नदिएकोमा आपत्ति जनाए । मंचबाट अध्यक्ष उठेपछि बोल्दै जोशीले अध्यक्षको मात्रै पत्रकार सम्मेलन भएको वताउंदै संघको आधिकारिक पत्रकार सम्मेलन नरहेको वताए । निवर्तमान अध्यक्ष जोशीले आफ्ना कुरा राख्न खोज्दा अध्यक्ष गौतम मंचबाट उठेर बाहिरिएका थिए । अध्यक्ष गौतमसंगै हलमा उपस्थित उनका समर्थक उठेर गएपछि संघका प्रथम उपाध्यक्ष चुननारायण श्रेष्ठ र सुमन श्रेष्ठले अध्यक्ष गौतमको कार्यशैलीको बिरोध गरेका छन् । संघले दुई वर्षे कार्यकालमा हासिल गरेको उपलब्धि र संघको विषयमा भएका नकरात्मक टिकाटिप्पणीको खण्ड गर्न भनेर पत्रकार सम्मेलन आयोजना गरेको थियो । तर अध्यक्षले दुई वर्षे कार्यप्रगति प्रस्तुत गरेलगत्तै पत्रकारले भन्दा संघमा आवद्ध व्यक्तिहरुले नै आरोपप्रत्यारोप गर्दै अध्यक्षमाथि नै प्रश्न तेर्साएका थिए । पत्रकार सम्मेलनमा पत्रकार रमेश कुमार पौडेल र दीपेन्द्र अधिकारीले मात्रै प्रश्न गरेका थिए । माहोल अनियन्त्रित बन्दै गएको अध्यक्ष गौतमले सटिक जवाफ दिँदै पत्रकार सम्मेलन समापन गर्न लागेपछि निवर्तमान अध्यक्ष कल्याण जोशीले समय मागे । पुर्व अध्यक्ष जोशीले माईक लिन खोज्दा अध्यक्ष गौतम उठेर निश्किएपछि पत्रकार सम्मेलन नै विवादित हुन पुगेको हो । अध्यक्ष गौतमले पत्रकार सम्मेलनमा आफूले कुनैपनि पूर्व अध्यक्षहरुलाई अपमानित हुने काम नगरेको समेत प्रष्ट्ष्याए । उनले घुमाउँरो पारामा आफ्नो दुई वर्षे कार्यकालमा पूर्व अध्यक्षहरुबाट सहयोग नमिलेकोमा दुखेसो पोख्दै आफ्नै बलबुतामा संस्थाको गरिमा उच्च राख्ने काम गरेको बताए ।

More Articles ...