कात्र्तिक ०३ । 

चितवनमा वर्खे धान कटानीको काम सुरु भएको छ । जिल्ला कृषि विकास कार्यालय चितवनले दिएको जानकारी अनुसार जिल्लाको पुर्वि क्षेत्रमा मात्रै १० प्रतिशत धान कटानी भइसकेको छ । समग्र जिल्लामा भने ४ प्रतिशतको हाराहारीमा मात्रै धान कटानी भएको कार्यालयले जनाएको हो । जिल्लाको पश्चिमी क्षेत्रमा धान रोपाई ढिला सुरु भएकाले पनि कटानीमा ढिला भएको हो । मंसिरको १५ सम्ममा जिल्लामा सबैजसो ठाउंहरुमा वर्खे धान कटानीको काम सकिने समेत कार्यालयले जानकारी दिएको छ । कार्यालयकी योजना अधिकृत तथा सूचना अधिकारी कमला न्यौपानेका अनुसार चितवनमा यस वर्ष २७ हजार ३ सय हेक्टर क्षेत्रफलमा धान खेति भएको छ । चितवनमा पुर्वि क्षेत्रमा वर्खे धानका लागि खैरहनी, कठार, कुमरोज, भण्डारा, रत्ननगर, पिठुवा, जुटपानी, आदि पकेट क्षेत्र मानिन्छन् । पश्चिम क्ष्ँेत्रमा भने गीतानगर, पटिहानी, जगतपुर, शुक्रनगर, मेघौली, गुञ्जानगर, माडी, आदि पकेट क्षेत्र हुन् । यस वर्ष वर्खे धानको उत्पादनकत्व राम्रो भएको, समयमा पानी पर्नु, रसायनिक मल समयमा नै कृषकहरुलाई उपलब्ध हुन र रोग व्याध कम लागेका कारण उत्पादनमा वृद्धि हुने न्यौपानले बताएकी छन् । केही कृषकहरुको धानमा भने गवारो तथा लिफ ब्लाष्ट रोग देखा परेको न्यौपानेको भनाई छ । गवारे रोग देखा परेको खेतमा पाकेको भान फोस्रो हुने गरेको पाइएको छ । चितवन जिल्लामा अघिल्लो वर्ष २७ हजार ३ सय ४२ हेक्टर क्षेत्रफलमा वर्खे धान खेति गरिएको क्षेत्रफल माछा पालन तथा प्लटिङमा प्रयोग भएसंगै धान खेति हुने क्षेत्रफलमा कमी भएको न्यौपानेको भनाई छ । न्यौपानेका अनुसार यस वर्ष चितवनमा वर्खे धान अन्तर्गत सावित्री, राधा ४, लोकनाथ, रामधान, लगायतका धानहरु लगाइएको छ । वर्खे धान चितवनमा तराई भेगमा बढि लगाउने गरिन्छ । तराई भेगमा पनि जिल्लाको पुर्वि क्षेत्रमा असोजको दोस्रो हप्ताबाट नै अगौटे धानहरु काटेर तरकारी खेति सुरु भइसकेको छ । विषेशगरी अगौटे धान लगाउने कृषकहरुले धान कटानी संगै व्यवसायिक तरकारीहरु उत्पादन गर्ने गर्दछन् । पछौटे धान लगाउने कृषकहरुले भने हिउंदे खाद्यान्न वालीहरु लगाउने गर्दछन् । हिउंले तरकारी अन्तर्गत काउली, बन्दा, टमाटर, भेडे खुर्सानी, आदि लगाउन कृषकहरुले सुरु गरेको जिल्ला कृषि विकास कार्यालय चितवनकी योजना अधिकृत तथा सूचना अधिकारी कमला न्यौपानेको भनाई छ । हिउंले खाद्यान्न वाली अन्तर्गत भने कृषकहरुले गहुं, मुसुरो, आलु, राजमा लगाउन सुरु गरेका छन् । 

 

चितवन, असोज ४–

 

ए टू जेड मोवाइल फेस्टिवल मेला अन्तर्गत सोमबार ५ जना ग्राहकले सुनको सिक्का प्राप्त गरेका छन् । यसैगरि ११ जना ग्राहकले मोवाइल उपहार पाएका छन् । शनिबार पहिलो दिन ९ जनाले उपहार जितेका थिए । त्यस्तै दोस्रो दिन १२ जनाले सुनको सिक्का जितेका थिए । मेलामा मोवाइल खरिद गर्ने र अवलोकन गर्नेको भीड लागेको छ । असोज १ गतेदेखि ७ गतेसम्म हुने मेलामा मोवाइल खरिदमा विभिन्न उपहार योजना ल्याइएको छ ।

 

एटुजेड मोवाईल हाउसको दोस्रो स्वरुम केएल मल लायन्सचोकमा र तेस्रो स्वरुम टाँडी चोक रत्ननगरमा मेला भइरहेको छ । मोवाईल खरिदमा ५ देखि ५५ प्रतिशतसम्म छुटको व्यवस्था, मेला अवधिभर अत्याधुनिक मेसिन र प्रविधिको प्रयोगबाट निःशुल्क मोवाईल मर्मत, हरेक मोवाईल खरिदमा आकर्षक उपहारका साथै हरेक दिन सुनको सिक्का उपहार र बम्पर उपहार अन्तरगत भाग्यशाली एक ग्राहकलाई फ्यासिनो स्कूटर प्रदान गरिने मोवाइल हाउसका संचालक दिवाकर गुरुङले बताए ।

 

 

मेलाको प्लाटिन स्पोन्सरमा सामसुङ स्मार्ट फोन, डायमन्ड स्पोन्सरमा लाभा मोवाईल, गोल्ड स्पोन्सरमा मेइजु मोवाईल र सिल्भर स्पोन्सरमा हुवावे, कलर्स, डीटीसी मोवाईल रहेका छन् । यस्तै सामाजिक उत्तरदायीत्व अन्तरगत स्पोन्सरको ५ प्रतिशत रकम बालबालिकाहरुका लागि नागरिक प्रहरी अभियान (पीटुसिटु) मा आवद्ध सडक बालबालिकाहरुलाई सहयोग प्रदान गरिने मोवाईल हाउसले जनाएको छ ।

 

चाडपर्वको अवसर पारेर आयोजना गरिएको मोवाइल मेलामा ग्राहक र अवलोकनकर्ताको भीड लागेको आयोजकले जनाएको छ । हरेक मोवाइल खरिदमा हात खालि नजाने उपहार योजना ए टू जेडले ल्याएको छ । ग्राहकको चाहना र आवश्यकतालाई मध्य नजर गर्दै मोवाइल मेलाको आयोजना गरिएको ए टू जेड मोवाइल हाउसका संचालक दिवाकर गुरुङले जानकारी दिए ।

चितवन, भदौ २७–

 

चितवन राष्ट्रिय निकुञ्जले अन्य जनावरबाट आक्रमणमा परी अलपत्र अवस्थामा रहेका दुईवटा गैँडाका बच्चालाई उद्धार गरी उपचार थालेको छ ।

 

निकुञ्जका सहायक संरक्षण अधिकृत नुरेन्द्र अर्यालका अनुसार मेघौलीबाट अन्दाजी आठ महिनाको र अमलटारीबाट एक महिनाको भाले बच्चालाई उद्धार गरी उपचार थालिएको हो । दुवै बच्चालाई निकुञ्जको सौराहामा राखेर उपचार गरिएको छ ।

 

 

मेघौलीमा उद्धार गरिएका गैँडाका बच्चालाई बाघले आक्रमण गरेको अनुमान गरिएको छ । निकुञ्जका भेटनरी डाक्टर कमल गैरेका अनुसार ती बच्चाको अगाडिको खुट्टा भाँचिएको छ भने शरीरका विभिन्न ठाउँमा घाउ छ । दूध खुवाउन नसकिएको भन्दै उहाँले घाँस राम्रोसँग खाने हुँदा कुनै समस्या नपरेको बताउनुभयो । ती बच्चा साउन २४ गते मेघौली सेराई होटलमा करेन्ट लागेर मरेको गैँडाको बच्चा हुन सक्ने बोटेहरुले बताएको डा गैरेको भनाइ छ ।

 

अमलटारीबाट उद्धार गरिएका बच्चाको पछाडिको खुट्टामा गोहीले टोकेको उहाँले बताउनुभयो । नदीले बगाएर आमा र बच्चालाई दुईतर्फ बनाएर अलपत्र परेको हुन सक्ने अनुमान गरिएको छ । अलपत्र देखेपछि दुई÷तीन दिन हेर्दासमेत आमा नभेटिएपछि बच्चालाई उद्धार गरिएको सहायक संरक्षण अधिकृत अर्यालले बताउनुभयो । –रासस