पुष २४ ।


धनलक्ष्मी बचत तथा ऋण सहकारीको ७ औं बार्षिक साधारण सभा सोमबार सम्पन्न भएको छ । सहकारीले आफ्नो साधारण सभाको अवसरमा विभिन्न विधामा आफ्ना शेयर सदस्यहरुलाइ सम्मान समेत गरेको छ । ज्येष्ठ नागरिक २ जना, उत्कृष्ट ऋणी २ जना, बाल बचतकर्ता १ जना, महिला बचतकर्ता २ जना र आवधिक बचत कर्ता ३ जनालाइ सम्मान गरिएको अध्यक्ष श्यामकृष्ण श्रेष्ठले जानकारी दिए । कार्यक्रममा धनलक्ष्मी बचत तथा ऋण सहकारीका सचिव निरञ्जन लाल श्रेष्ठले प्रगति प्रतिवेदन र कोषाध्यक्ष देवेन्द्र कुमार श्रेष्ठले आर्थिक प्रतिवेदन प्रस्तुत गरेका थिए । कार्यक्रममा सहकारी प्रशिक्षण तथा डिभिजन कार्यालय भरतपुरका प्राचार्य रामभक्त रानाभाट, उद्योग बाणिज्य संघ चितवनका अध्यक्ष राजन गौतम, भरतपुर १ का वडा अध्यक्ष जयराम श्रेष्ठ लगायतको सहभागिता रहेको थियो ।

पुष २३ ।


सूचना र विकास एक अर्काका परिपूरक भएकोले देवघाट गाउँपालिकामा पहिलो पटक देवघाट सन्देश साप्ताहिक पत्रिका विमोचन भएको छ । आइतबार तनहूँको देवघाट गाउँपालिकाको सभा हलमा विमोचन कार्यक्रममा सम्पन्न भएको हो । कार्यक्रममा नेपाल पत्रकार महासंघकी केन्द्रिय सदस्य सिर्जना अर्यालले संचार माध्यममा यस पत्रिकाले देवघाटको धार्मिक विकास संगै चौतर्फी विकासमा टेवा पुग्ने बताईन । उनले देघाटमा अवस्थित यहाँका मठमन्दिर, आश्रम, पुरातात्विक स्थलहरु, प्रशस्तै सम्भावना बोकेका अन्य औद्योगिक व्यवसायलगायत शैक्षिक क्षेत्रमा यस पत्रिकाको महत्वपूर्ण भूमिकाले देवघाटबासीको शिर उँचो राख्ने हँुदा हामी सम्पुर्णले पत्रिकालाई सहयोग गर्नु जरुरी रहेको भन्दै यहि उचाईलाई कायम राख्न सञ्चार क्षेत्रको महत्वपूर्ण भूमिका हुने जानकारी दिइन । विमोचन कार्यक्रमा देवघाट गाउँपालिका वडा नं. ५ का अध्यक्ष यालबहादुर गुरुले यस पत्रिकाबाट विशेषगरी धार्मिक पूर्वाधार निर्माण, स्वास्थ्य क्षेत्र र कृषि तथा पर्यटन क्षेत्रको विकासमा टेवा पु¥याउने बताए । उक्त कार्यक्रममा सामुदायिक वन उपभोक्ता महासंघका तनहूँका अध्यक्ष केशवचन्द्र न्यौपानेले देवघाटकै नाममा पत्रिका प्रकाशन हुन गाउँ पालिकाका लागि सौभाग्य भएको भन्दै सूचनाको अभावमा बेखबर रहेका आमनागरिकलाई जागरुक बनाउने कार्यमा लाग्न सुझाब दिनुका साथै पत्रिका प्रकाशन भएकोमा बधाई तथा शुभकामना व्यक्त गरे । यसै पत्रिकाका सह सम्पादक सागर भण्डारीले सामाजिक रुपमा पछि पछि परेका, विभेदमा परेका, विविध कारणले समस्यामा परी दबिएर बस्न बाध्य आवाजविहीन जनताको भावनाको प्रतिनिधित्व गर्दै सम्बन्धित तहसम्म पुर्याउन सार्थक भूमिका खेल्ने अठोटका साथ कार्यक्रममा स्वागत मन्तव्य दिएका थिए । विमोचन कार्यक्रममा देवघाट गाउँपालिकाका वडा नं. १ का अध्यक्ष भिम बहादुर गुरुध्र, वडा नं.५ की महिला सदस्य ठाकुरकुमारी काफ्ले, देवघाट गाउँपालिका योजना प्रमूख बुद्धिप्रसाद भुषाल, कालिका सामुदियिक वन उपभोक्ता समहका अध्यक्ष एवं वडा ५ का सदस्य भोजराज नैनावस्ती, नेपाली क्रांगेस गाउँ कमिटीका सभापति बाबुराम पौडेल, माओवादी केन्द्र गाउँपालिका इन्चार्ज भूवन सिं गुरुध्र, राप्रपा नेपालका अध्यक्ष दिवाकर मिश्र, कालिमाटी टोल सुधार समितिका अध्यक्ष पञ्चबहादुर आले लगाएतले स्वागत मन्तव्य दिएका थिए । यस देवघाट सन्देश पत्रिकाका प्रकाशक तथा सम्पादक प्रकाश बगालेको अध्यक्षतामा भएको कार्यक्रममा विभिन्न संघ सस्थाहरु लगाएत सरोकारवालाहरुले यस देवघाट सन्देशले सम्पुण क्षेत्रलाई समेटी अघि बढन सल्लाह दिंदै यस सन्देशको पूण सफलताको कामना गरेका थिए । भने कार्यक्रम यसै पत्रिकाका व्यवस्थापक बिकास पाण्डेले सञ्चालन गरेका थिए ।

पुस ०१ ।


पवित्र धार्मिक तीर्थस्थल देवघाट धाममा आगामी माघ २१ गतेदेखि गलेश्वर आश्रम देवघाटधाम धन धान्याचल विराट् महायज्ञ हुने भएको छ । गलेश्वर आश्रम देवघाटधाममा निर्माण गरिएको प्यागोडा शैलिको शिवपाञ्चायन मन्दिरमा देवमुर्तिहरुको विधिपुर्वक प्राणप्रतिष्ठा एवं मन्दिरको समुद्धघाटन गर्नका लािग धार्मिक अनुष्ठान सहित महायज्ञ गर्न लागिएको हो । माघ २१ गतेदेखि फागुन २ गते सम्म हुन लागेको महायज्ञमा अतिरुद्रि, शतचण्डी, १०८ श्रीमदभागवत महापुराण एवं शिवमहापुराण, १०८ लक्षदीप प्रज्वलन, भुमिदान तुलादान, गौदान धान्याचल आदि अनुष्ठानहरु हुने आयोजक गलेश्वर आश्रमले शनिबार नारायणगढमा पत्रकार सम्मेलनको आयोजना गरि जानकारी दिएको हो । नवनिर्मित शिवमन्दिर भित्र गर्भगृहका विशाल नर्मदेश्वर शिवलिंग सहित पाञ्चायन देवताहरुको प्राण प्रतिष्ठा साथै १०८ नर्मदेश्वर शिवलिंग एवं महावीर हनुमानजी र सरस्वतीको विधिपुर्वक प्राण प्रतिष्ठा गरिने महायज्ञ आयोजक मुल समितिका अध्यक्ष अनन्तश्री विभुषित महामण्डलेश्वर स्वामी आत्मानन्द गिरिजी महाराजले जानकारी दिए । म्यनमार बर्माका संस्थापक पीठाधिस श्री १००८ स्वामी विवेकानन्द गिरीजी महाराजबाट प्रति दिन शिव महापुराणमा आधारित कथा प्रवचन र दिव्य झांकी प्रदर्शन हुने आयोजकले जनाएको छ । महायज्ञ सम्पन्न गर्न हरिहर सन्यास आश्रमका पीठाधिस एवं नेपाल सन्त समाजका अध्यक्ष १००८ स्वामी ज्ञानानन्द सरस्वती महाराजको प्रधान संरक्षकत्व, महेश सन्यास आश्रमका पिठाधिस १००८ स्वामी रमणानन्द गिरी महाराज, शंकरमठ माउण्ट आंबुका १००८ स्वामी स्वयंप्रकाशानन्द गिरिजी महाराज र समाजसेवी मैंयादेवी श्रेष्ठ लगायत संरक्षक मण्डलमा रहेका छन् । महायज्ञको दर्शन गरि प्राचीन संस्कृतिको जानकारी राख्न र देवघाटधामको भ्रमण गरि आन्तरिक र धार्मिक पर्यटन विकासमा सहयोग गर्न आयोजकले आग्रह गरेको छ । मन्दिर निर्माणमा सहयोग गर्ने दाताहरुको दानदातव्य अनुसार मन्दिर परिसरमा शिलालेख रहने वताइएको छ ।

पुस १६ ।


जिल्ला प्रशासन कार्यालय चितवनको अनुगमन टोलीले दर्ता विना नै सञ्चालन भएका दुई वटा डसना उद्योगलाई बन्द गरेको छ । बजार संरक्षण अधिकृत ओमनारायण शर्माको नेतृत्वमा गएको अनुगमन टोलीले भरतपुर ११ मा पर्ने दुई वटा डसना उद्योगलाई बन्द गराएको हो । आइतबार भएको अनुगमनमा क्रममा भरतपुर ११ विशाल चोकमा सञ्चालनमा आएका योक्ता सिरक डसना तथा कपास उद्योग र रफिकुल हुसेनको सिरक डसना पसल बन्द गरिएको शर्माले जानकारी दिए । पसल अनुगमनका क्रममा ती पसलहरुले दर्ता विना नै उद्योग सञ्चालन गरेको पाइएपछि पसल दर्ता गरेको प्रमाणपत्र जिल्ला प्रशासनमा पेस गर्न निर्देशन दिएर पसलहरु बन्द गरिएको शर्माको भनाइ छ । त्यस्तै अनुगमन टोलीले जिल्ला वन कार्यालय अगाडि रहेको प्रिति खाजा घरबाट करिब तीन लिटर घरेलु मदिरा नष्ट गरेको छ । पसल अनुगमनका क्रममा अवैध रुपमा घरेलु मदिरा विक्री गरेको भेटिएपछि उक्त मदिरा नष्ट गरिएको बजार संरक्षण अधिकृत शर्माले जानकारी दिए । आइतबार अनुगमनका क्रममा बजार संरक्षण अधिकृत ओम नारायण शर्मा सहित, खाद्य निरीक्षक प्रविण तिवारी, उपभोक्ता हित संरक्षण मञ्चका विष्णु भुषाल, सञ्चारकर्मीहरुको उपस्थिति रहेको थिया

मंसिर २९ । 

पवित्र धार्मिक तीर्थस्थल देवघाट धाममा मल्लकालिन संस्कृति झल्काउने गरि नमर्देश्वर महादेव मन्दिर निर्माण गरिएको छ । आठ करोड रुपैयाँ भन्दा बढीको लागतको गलेश्वर आश्रम परिसरमा मन्दिर निर्माण गरिएको हो । देवघाट क्षेत्रमा पुजा गर्नको लागि ठूलो मन्दिर नभएको भक्तजनहरुको गुनासोपछि मन्दिर निर्माण गरिएको आश्रकले जनाएको छ । चितवन, तनहूँ र नवलपरासीको संगमस्थलमा पर्ने देवघाटधाममा उक्त मन्दिर निर्माण गर्न छ वर्ष लागेको बताइएको छ ।  

 

उक्त मन्दिरमा फागुन १ गते शिवरात्रिको दिनमा मूर्तिको प्राण प्रतिष्ठा गरिने भएको छ । आगामी माघ २१ गतेदेखि विराट ज्ञान महायज्ञ आयोजना गरेर फागुन १ गते शिव पाञ्चायन प्रतिष्ठा गरिने आश्रमले जनाएको छ । मन्दिर निर्माणको लागि सरकारी तथा गैरसरकारी संस्थाबाट कुनै पनि सहयोग नभएपनि मन्दिरका भक्तजन र दानवीरको सहयोगले उक्त मन्दिर निर्माण गर्न सकिएको आश्रमका पिठाधीश स्वामी आत्मानन्द गिरिले बताउनुभयो ।

 

d+l;/ @( .

kljq wfld{s tLy{:yn b]j3f6 wfddf dNnsflng ;+:s[lt emNsfpg] ul/ gdb]{Zj/ dxfb]j dlGb/ lgdf{0f ul/Psf] 5 . cf7 s/f]8 ?k}ofF eGbf a9Lsf] nfutsf] un]Zj/ cf>d kl/;/df dlGb/ lgdf{0f ul/Psf] xf] . b]j3f6 If]qdf k'hf ug{sf] nflu 7"nf] dlGb/ gePsf] eQmhgx?sf] u'gf;f]kl5 dlGb/ lgdf{0f ul/Psf] cf>sn] hgfPsf] 5 . lrtjg, tgx"F / gjnk/f;Lsf] ;+ud:yndf kg]{ b]j3f6wfddf pQm dlGb/ lgdf{0f ug{ 5 jif{ nfu]sf] atfOPsf] 5 . 

afO6==== :jfdL cfTdfgGb lul/hL dxf/fh, lk7fwLz, un]Zj/ cf>d b]j3f6wfd

pQm dlGb/df kmfu'g ! ut] lzj/flqsf] lbgdf d"lt{sf] k|f0f k|lti7f ul/g] ePsf] 5 . cfufdL df3 @! ut]b]lv lj/f6 1fg dxfo1 cfof]hgf u/]/ kmfu'g ! ut] lzj kf~rfog k|lti7f ul/g] cf>dn] hgfPsf] 5 . dlGb/ lgdf{0fsf] nflu ;/sf/L tyf u}/;/sf/L ;+:yfaf6 s'g} klg ;xof]u gePklg dlGb/sf eQmhg / bfgjL/sf] ;xof]un] pQm dlGb/ lgdf{0f ug{ ;lsPsf] cf>dsf lk7fwLz :jfdL cfTdfgGb lul/n] atfpg'eof] .


पुस १० ।


भरतपुर २ क्षेत्रपुरमा रहेको स्मल हेभन मोडल स्कुलले शिक्षकहरुलाई म र मेरो पेसाप्रतिको जूनून विषयमा प्रशिक्षण दिएको छ । विद्यालयका शिक्षकहरुलाई प्रेररक कार्यक्रम अन्तर्गत सोमबार प्रशिक्षण दिइएको हो । उक्त विद्यालयमा अध्यापन गराउने शिक्षकहरुलाई कसरी विद्यार्थीको मनोभावना बुझेर पढाउने भन्ने विषयमा राष्ट्रिय प्रशिक्षक तथा मनोवैज्ञानिक रविन कटुवालले प्रशिक्षण दिएका थिए । विद्यालयका शिक्षक शिक्षिकाहरुलाई दिइएको एक दिने प्रशिक्षणका क्रममा अभिभावक र विद्यार्थीको मनोभावना बुझ्दै पढाउनुपर्ने कटुवालले बताए । विद्यालयले दिएको यस्ता तालिमले अभिभावक, विद्यार्थी र शिक्षक सबैको मनोभावना बुझ्दै शैक्षिक कार्यक्रम ल्याउने नीति निर्माण गर्न सकिने विद्यालयका कार्यकारी निर्देशक रामप्रसाद भट्टले बताए । नमुना विद्यालयको रुपमा सुरुआत गरिएको विद्यालयले जिल्लामा हुने हरेक अतिरिक्त कृयाकलापहरुमा उत्कृष्ट नतिजा हासिल गर्दै आएको भट्टको भनाइ थियो । विद्यालयले आगामी शैक्षिक सत्रदेखि कक्षा ११ र १२ मा विज्ञान र व्यवस्थापन संकायमा अध्यापन गराउने अनुमति पाइसकेकोले गुणस्तरीय शिक्षा प्रदानका लागि तयारी गर्दै आएको भट्टले बताए । उक्त शिक्षक प्रशिक्षण कार्यक्रमको अध्यक्ष विद्यालयका संस्थापक अध्यक्ष एवम् भरतपुर वडा नम्बर २ का अध्यक्ष पूर्णबहादुर श्रेष्ठको अध्यक्षतामा भएको थियो ।

मंसिर २९ ।


चितवनमा समानुपातिक तर्फको अन्तिम मतपरिणाम सार्वजनिक भएको छ । समानुपातिकको प्रतिनिधि सभा र प्रदेश सभा तर्फ नेकपा एमाले पहिलो दल बनेको छ भने युवा पुस्तामा चर्चा कमाएको विवेकशील साझा पार्टी चौथो दल बनेको छ । एमालेले प्रतिनिधि सभा तर्फ ९३ हजार ५ सय ३४ मत प्राप्त गरेको छ भने प्रदेश सभा तर्फ ८९ हजार ४ सय ४० मत प्राप्त गरेको छ । यस्तै दोस्रो दल बनेको नेपाली काँग्रेसले समानुपातिकको प्रतिनिधि सभा तर्फ ८१ हजार १०४ मत प्राप्त गरेको छ भने प्रदेश सभा तर्फ ७६ हजार ९ सय ३६ मत प्राप्त गरेको छ । यसैगरि तेस्रो स्थानमा रहेको नेकपा माओवादी केन्द्र प्रतिनिधि सभा तर्फ ४२ हजार ८ सय ५१ मत प्राप्त गरेको छ भने प्रदेश सभा तर्फ ४३ हजार ६ सय २२ मत प्राप्त गरेको छ । त्यसैगरि युवा पुस्तामाझ लोकप्रिय बनेको विवेकशील साझा पार्टीले प्रतिनिधि सभा तर्फ ९ हजार ७ सय ७ र प्रदेश सभा तर्फ ९ हजार ४ सय ५८ मत प्राप्त गरेको छ । चितवनमा पाँचौ दलको रुपमा राप्रपा (प्रजातान्त्रिक) आएको छ । उसले प्रतिनिधि सभा तर्फ ६ हजार ७ सय ५० र प्रदेश सभा तर्फ ७ हजार २ सय ४४ मत प्राप्त गरेको छ । यसैगरि प्रतिनिधि सभा तर्फ समानुपातिकमा ३ वटा दलले एक मत मात्र प्राप्त गरेको छ । चितवनमा कुल ३ लाख ५४ हजार ३६ मतदाता रहेका थिए भने मत सदर भएको थियो ।

 

 राजन खरेल, ८ पौष ।

किसान साकोस् गैँडाकोटको २२औँ साधारण सभा शनिबार सम्पन्न भएको छ । नेफ्स्कुनका केन्द्रिय अध्यक्ष डि.बि बस्नेतको प्रमुख आतिथ्यता तथा किसान बचत तथा ऋण सहकारी संस्था गैडाकोटका अध्यक्ष श्रीहरि चालिसेको अध्यक्षतामा कार्यक्रम सम्पन्न भएको हो । साधारण सभामा किसान बचत सहित नवलपुरका थप ३–सहकारी बिच आजै एकिकरण घोषण समेत भएको छ । एकिकरण हुनेमा गैँडाकोटको किसान साकोस, नव–अरुण बहुउद्धेश्यिय सहकारी संस्था, पुर्णिमा कृषि सहकारी संस्था र माछापुच्छ्रे बचत तथा ऋण सहकारी संस्था दुम्किबास रहेका छन् । एकिकरण संगै किसान सहकारीको शेयर सदस्य संख्या करिब ३० हजार पुगेको र शेयर पुंजि समेत ९९ करोड नाघेको छ । नेफ्स्कुनका अध्यक्ष बस्नेतले ४ वटा सहकारी एकिकरण भएको घोषणा गर्नुभएको हो ।

कार्यक्रमलाई सम्बोधन गर्दै, नेफ्स्कुनका केन्द्रिय अध्यक्ष डि.बि बस्नेतले किसान साकोस मुलुकको सहकारी आन्दोलनको क्षेत्रमा सिकाईको थलो बनेको भन्दै प्रशंसा गर्नुभयो । उहाँले गैडाकोटका २ ठुला सहकारी बिकु र किसान बिच, एकिकरण गरेर गैँडाकोटलाई देशकै सहकारी हब बनाउनुपर्ने आवश्यकता समेत औल्याउनुभयो ।

सहकारीले गरिबी उन्मुलनमा ठुलो योगदान दिएको चर्चा गर्दै उहाँले सहकारीलाई ब्यबस्थित र पारदर्शि बनाउदै अघि बढाउनुपर्नेमा जोड दिनुभयो । कार्यक्रममा नेफ्स्कुनका संचालक शान्ति अधिकारी, नेपाल सरकारका निबृत्त सचिब पुरुषोत्तम पौडेल, युवा स्वोरोजगार कोष नवलपरासीका सदस्य सचिब प्रितम भुजेल, बिकु बचत सहकारीका सचिब गोबिन्द रिमाल लगायतले मन्तब्य राख्दैं, सहकारीले समुदायमा पुयाएको योगदानको चर्चा गर्नुभएको थियो ।

कार्यक्रममा संस्थाका सचिब अनिल सापकोटाले आर्थिक वर्ष ०७३–०७४ को प्रगति प्रतिबेदन तथा ०७४–०७५ को प्रस्ताबित निती तथा कार्यक््रम प्रस्तुत गर्दै किसान साकोस् शेयर सदस्य मैत्री बन्दै अगाडी बढ्ने बताउनुभयो । संस्थाले यस वर्ष करिब २७ प्रतिशत अर्थात ७ करोड ८१ लाख आम्दानी गरेको संस्थाका सचिब अनिल सापकोटाले जानकारी दिनुभएको छ । कार्यक्रममा संस्थाका कोषाध्यक्ष कृष्ण प्रसाद ज्ञवालीले आर्थिक वर्ष ०७३–०७४ को आर्थिक प्रतिवेदन यस्तै आर्थिक वर्ष ०७४–०७५ को प्रस्तावित बजेट प्रस्तुत गर्नुभएको थियो ।

कार्यक्रममा किसान राष्ट्रिय सहकारी पुरस्कारबाट नेफ्स्कुनका द्तििय अध्यक्ष कैलास भक्त प्रधानांग लाई सम्मान गरिएको छ । उहाँलाई नगद रु २५हजार र दोसल्ला र प्रमाणपत्र द्धारा सम्मान गरिएको हो । यस्तै संस्थाले ४० जना ज्येष्ठ नागरिकलाई सम्मान गरेको छ भने, ४ दर्जन उत्कृष्ट शेयर सदस्य र उत्कृष्ट ऋणीहरुलाई सम्मान गरिएको छ ।

 

कृष्णपुर खेलकुद विकास समिती र भरतपुर ७ वडा कार्यालयले  फुटवल खेलाडीहरुलाई जर्सी वितरण गरेको छ ।असोजमा भरतपुर महानगर वडा नम्बर १९ ले आयोजना गरेको महानगर वडा स्तरीय दशैं कप फुटबल प्रतियोगितामा द्धितिय स्थान हासिल गरेका आफ्नो वडाका खेलाडीहरुलाई जर्सी वितरण गरेको हो ।कृष्णपुर खेलकुद विकास समितीका संयोजक श्रीकृष्ण कार्कीको अध्यक्षतामा भएको कार्यक्रममा वडा नम्बर ७ का वडा अध्यक्ष राजेन्द्रमणी काफ्ले प्रमुख अतिथी रहेकाथिए ।सो क्रममा वडा अभ्यक्ष काफ्लेले खेल क्षेत्रको विकासका लागि वडामा आउने वजेटलाई आवश्यकता र खेलको सम्भावनाका आधारमा सरसल्लाह गरी खर्च गर्ने बताए ।आफ्नो वडाको पहिचान दिलाउने गरी अघि बढेका खेलाडीलाई प्रोत्साहन गर्न पछि नहट्ने उनले बताए ।खेलकुदको माध्यमबाट वडालाई नमुना बनाउन तर्फ अग्रसर हुन समेत उनले खेलाडीहरुलाई आग्रह गरे ।कार्यक्रममा वडा सदस्यहरु सरिता पाठक लगायत खेलप्रेमी शुभेच्छुकहरुले खेल क्षेत्रको विकासका लागि आआफ्नो घर टोलबाट नै सुरुआत गर्नुपर्ने बताएकाछन् ।कार्यक्रममा महानगर वडा स्तरीय दशैं कप फुटबल प्रतियोगितामा द्धितिय स्थान हासिल गरेको कप खेलाडीहरुले वडा कार्यालयलाई हस्तान्तरण गरेकाछन् ।

पुस ०८ ।

राष्ट्रिय तेकवान्दो संघ जिल्ला कार्य समिति नवलपुरद्वारा गैंडाकोटमा आयोजना गरिएको पहिलो जिल्लास्तरीय तेकवान्दो प्रतियोगितामा अरुणखोला तेकवान्दो डोजाङ पहिलो भएको छ । कुल १२ वटा स्वर्णपदक सहित अरुणखोला तेकवान्दो डोजाङ पहिलो भएको हो । उक्त प्रतियोगितामा १० वटा स्वर्णपदक सहित विजय सामुदायिक तेकवान्दो डोजाङ दोस्रो र आठ वटा स्वर्णपदक सहित एके फोर्टीसेभेन तेकवान्दो डोजाङ तेस्रो भएको छ । उक्त प्रतियोगितामा होप हाउस तेकवान्दो डोजाङका पावल क्षेत्री ‘बेष्ट प्लेयर’ भएका छन् । प्रतियोगितामा पहिलो, दोस्रो र तेस्रो भएका डोजाङ तथा बेष्ट प्लेयरलाई ट्रफी प्रदान गरिएको थियो । डोजाङहरुलाई गैंडाकोट नगरपालिकाकी उपप्रमुख विष्णुकुमारी कंडेल तथा ईलाका प्रहरी कार्यालय गैंडाकोटका प्रहरी निरीक्षक दिवस जिसीले ट्रफी प्रदान गरेका थिए । प्रतियोगितामा पहिलो, दोस्रो, तेस्रो भएका खेलाडीहरुलाई मेडल र प्रमाणपत्र दिइएको थियो । उक्त प्रतियोगितामा नवलपुरका १४ वटा र चितवनका १७ वटा डोजाङहरुको सहभागिता रहेको राष्ट्रिय तेकवान्दो संघ जिल्ला कार्यसमिति चितवनका अध्यक्ष विकास श्रेष्ठले जानकारी दिए । प्रतियोगितामा महिला तर्फ २५ देखि ४९ किलो तौल समूहसम्म र पुरुष तर्फ २० देखि ६८ किलो तौल समूहमा प्रतिस्पर्धा गराइएको श्रेष्ठले जानकारी दिए । शुक्रबार भएको प्रतियोगिताको उद्घाटनमा चितवन र नवलपुरका तीन सय भन्दा बढी खेलाडीहरुले प्रतिस्पर्धा जनाएका राष्ट्रिय तेकवान्दो संघ जिल्ला कार्य समिति नवलपुरका अध्यक्ष कुसुम सुबेदीले जानकारी दिए ।


मंसिर २७ ।


चितवनलाई कार्यक्षेत्र बनाएर काम गर्दै आएको हंस बहुउद्देश्यीय सहकारी संस्था लि. ले आफ्नो आठौं वार्षिकोउत्सवको अवसरमा बुधबार रक्तदान एवं सदस्य सम्मान कार्यक्रम सम्पन्न गरेको छ । नारायणगढ आयोजना गरिएको रक्तदान कार्यक्रममा ५ जना महिला र ४६ जना पुरुष गरी जम्मा ५१ जनाले रक्तदान गरेका छन् । यसै गरी संस्थाका विभिन्न ६९ जना शेयर सदस्यका साथै ६ जना कर्मचारीलाई समेत सम्मान गरिएको छ । दिनेश कुमार चुकेको अध्यक्षतामा सम्पन्न सो कार्यक्रममा जिल्ला समन्वय समिति, चितवनका प्रमुख श्री कृष्ण कुमार डल्लाकोटी प्रमुख अतिथि रहेका थिए । प्रमुख अतिथि डल्लाकोटीले सहकारीहरु सहकारीको मुल्य मान्यता र सिद्धान्त तथा संस्था स्वयंको विनियमले तोकेको परिधिभित्र रही सदस्यहरु र समुदायप्रती जिम्मेवार हुदै संचालन हुनुपर्ने बताए । सहकारी प्रशिक्षण तथा डिभिजन कार्यलयका निमित्त प्रचार्य रामभक्त रानाभाट, जिल्ला सहकारी संघ चितवनका अध्यक्ष टिकाराम भट्टाराई, नेपाल पोल्ट्री महासंघका अध्यक्ष गुणचन्द्र विष्ट, पूर्व सभासद् गिता वाग्ले विशिष्ट अतिथि थिए । कार्यक्रमा संस्थाका अध्यक्ष दिनेश कुमार चुकेले रक्तदान गर्ने सबैलाई धन्यवाद दिँदै संस्थाको मुख्य उद्देश्य भनेको शेयर सदस्यहरुको सन्तुष्टी र सामाजिक सेवा रहेको बताए । संस्थाका उपाध्यक्ष श्री बाबुराम अधिकारीले स्वागत मन्तव्य राखेका थिए । हंस बहुउदेश्यीय सहकारी संस्था लि. को पहिलो सेवाकेन्द्र सौराहचोक टाँडीको सातौ स्थापना दिवसको अवसरमा पुस १५ गते उक्त स्थानमा निःशुल्क स्वास्थ्य शिविर समेत गरिने भएको छ ।

More Articles ...

Sign up via our free email subscription service to receive notifications when new information is available.