असोज ३१ ।
महाकवि लक्ष्मि प्रसाद देवकोटाको सम्झनामा मंगलबार भरतपुरमा कविता वाचन गरिएको छ । १०९ औं लक्ष्मि जयन्तिको अवसरमा कविता बाचन गरिएको हो । देवकोटा बन्धु समाज चितवन, लायन्स क्लब इन्टरनेशनल ३२५ वि टु नेपाल र लायन्स क्लब अफ चितवन सेन्ट्रलको संयुक्त आयोजनामा देवकोटाका कविताहरु वाचन गरिएको हो । महाकवि लक्ष्मि प्रसाद देवकोटाको परिचय र इतिहासलाइ पुर्नताजगि गर्नका लागि कविता बाचन कार्यक्रमको आयोजना गरिएको देवकोटा बन्धु समाज चितवनका अध्यक्ष सिताराम देवकोटाले वताए । साहित्यकार प्रेम विनोद नन्दन लगायत विभिन्न साहित्यकारहरुले कविता वाचन गरेका थिए । देवकोटाको २० भन्दा बढि कविता वाचन गरिएको सिताराम देवकोटाले वताए । कार्यक्रममा लायन्स क्लब इन्टरनेशनल ३२५ वि टु नेपालका पुर्व गर्भनर घनश्याम भट्टराई, लायन्स क्लब अफ चितवन सेन्ट्रलका प्रमुख गौरीभक्त वाग्ले, सामालोचक धनेश्वर भट्टराई लगायत अन्य साहित्यकारहरुको सहभागिता रहेको थियो ।


असोज ३१ ।
नारायणी मोटर्सका प्रोपाइटर बालगोपाल चुकेकी श्रीमती अनुषा चुकेले आफ्नो जन्मदिनको खर्च कटाएर मानब सेवा आश्रमलाई सहयोग गरेकी छिन् । अँफ्नो ४० औ जन्मदिनको अबसरमा अनुषा चुकेले सर्बोतकृष्ट जीवनः शाश्वत चिन्तनद्धारा सञ्चालीत मानब सेवा आश्रम चितवन शाखालाई २५ हजारको चेक हस्तान्त्रण गरेकी हुन् । सो चेक मानव सेवा आश्रममा सञ्चालन भएको अक्षयकोषमा जम्माहुने मावन सेवा आश्रमले जनाएको छ । चुकेले आफ्नो जन्मदिनको अबसरमा मानव सेवा आश्रमका ४७ जनालाई फलपुपल समेत बितरण गर्नू भएको थियो ।रकम हस्तान्त्रण तथा फलफुल बितरण कार्यक्रममा चुकेले दिन दुखी र गरीबलाई सहयोग गर्न पाउदा आँफु खुशी भएको बताउनु भयो ।

असोज २९ ।
रत्ननगर नगरपालिका वडा नम्बर १२ मा रहेको शान्ति कुञ्ज सामाजिक उद्यमी महिला सहकारी संस्था लिमिटेडको ९ औं बार्षिक साधारणसभा शनिबार सम्पन्न भएको छ । संस्थाको वार्षिकसभामा सहकारीसम्बन्धी लोकगित प्रतियोगिता आयोजना गरिएको हो । पन्चदीप राष्ट्रिय प्राथमिक विद्यालय सालघारिमा भएको सो कार्यक्रममा जागृति महिला समूह प्रथम,चिसापानी सुनौलो महिला समुह द्धितिय हँदा पन्चकन्या आमा समुह तृतिय भएको थियो । रत्ननगर नगरपालिका कार्यालयका नगरप्रमुख नारायण वनको प्रमुख आतिथ्यतामा भएको सो कार्यक्रममा सुशीला खनालले लेखा प्रतिवेदन प्रस्तुत गर्नुको थियो । संस्थाका अध्यक्ष पार्वति न्यौपानेको अध्यक्षतामा सम्पन्न भएको सो कार्यक्रममा उपाध्यक्ष विनिता पौडेलले स्वागत मन्तव्य राख्नुभएको थियो ।

साउन ५ ।
ज्ञानेश्वर सामुदायिक वनका महिला उपभोत्ताहरुलाई हाते कडाई सम्बन्धि तालिम दिइएको छ । २५ दिने हाते कडाई सम्बन्धि तालिमको बिहिबार एक कार्यक्रमका विच समापन गरिएको हो । समापन कार्यक्रममा बोल्दै ज्ञानेश्वर सामुदायिक वन परिषदका अध्यक्ष नारायण प्रसाद अधिकारीले गरिबी कम गर्दै महिलालाइ सक्षम बनाउन बन निरन्तर सिपमुलक काम गर्दै जाने वताए । उनका अनुसार ज्ञानेश्वर सामुदायिक वन उपभोत्ताहरुलाइ आर्थिक रुपमा सबल बनाउन वनले आफ्नो आम्दानिको ३५ प्रतिशत बजेट सिप मुलक कार्यक्रमका लागि छुट्याएको छ । महिलाहरुले कुर्ता तथा साडिहरुमा बुट्टा बुन्ने सिप सिकेका हुन् । उनिहरुले बुट्टा बुनेर तयार पारेका कपडाहरुलाइ बजारिकरणका लागि प्रयास गर्ने अधिकारीको भनाइ छ । ज्ञानेश्वर सामुदायिक वनका आयआर्जन उपसमिति संयोजक एवं कडाई तालिम संयोजक राजन अधिकारीले सिपमुलक कार्यक्रम सञ्चालनका लागि सामुहिक रुपमा आएका मागलाइ वनले सक्दो सम्बोधन गर्ने वताए । स्थानियको वैकल्पिक आयआर्जनको श्रोतको विकास गरी वनजंगलमा आश्रित हुनुपर्ने अबस्था रोक्न अन्य कार्यक्रहरु गरिने उनको भनाइ छ । महिलाहरुको आयआर्जनमा बृद्धि ल्याइ महिलालाइ आत्मनिर्भर बनाउन तालिम महत्वपुर्ण भएको उनले वताए । तालिममा सिकेका कुरालाइ व्यवहारमा उतार्न सके मात्रै महिलाहरुको आयआर्जनमा बृद्धि आउनसक्ने उनको भनाइ छ । तालिमकी प्रशिक्षक शर्मिला घलेले सिकेका सिपलाइ निरन्तरता दिन आग्रह गरिन् । सादा कपडामा बनाइएका बुट्टाहरु निकै आकर्षक बनेको वताउंदै उनले बजारीकरणको पनि व्यवस्था हुनुपर्ने वताइन् । तालिममा वनको सिमाना नजिकका ३५ जना महिलाहरुको सहभागिता रहेको थियो ।


असोज ३० ।
बेसारमा मैदा मिसाई अवैधानिक रुपमा उत्पादन एवं विक्री गर्ने राजु मसला उद्योगलाइ बन्द गराइएको छ । नारायणगढको कमलनगरस्थित राजु मसला उद्योगमा अवैधरुपमा मैदा मिसाएर बेसार बनाउंदै गर्दा जिल्ला प्रशासन कार्यालयको अनुगमन टोलिले फेला पारेको थियो । उद्यँेगलाइ बयानका लागि प्रशासन कार्यालय बोलाइएको बजार संरक्षण अधिकृत ओम नारायण शर्माले जानकारी दिए । त्यस्तै सोमबार नारायणगढ बजारका विजुली पसलहरुको अनुगमन गरिएको छ । ५ ओटा विजुली पसलको अनुगमन गरिएकोमा एउटा पसलले मात्रै खरिद विल देखाएको थियो । अरु पसलले खरिद विल देखाउन नसकेपछि बयानका लागी प्रशासन कार्यालय बोलाइएको बजार संरक्षण अधिकृत शर्माले वताए । लायन्सचोकस्थित खरेल इलेक्ट्रिकले खरिद विल देखाएको हो । यसले झालर बत्तिमा २ सय ८० प्रतिशत नाफा लिएर विक्री गरेको पाईएको छ । त्यस्तै लामिछाने विजुली पसलले खरिद विल देखाउन नसकेको शर्माले जानकारी दिए । खरिदविल माग गर्दा फरार भएका पसल सञ्चालकले उद्यँेग बाणिज्य संघ चितवनका बरिष्ठ उपाध्यक्ष राजु श्रेष्ठलाइ लिएर आएका थिए । खरिदविल माग गर्दा नदिने पसलहरुलाइ बयान लिएर छाड्ने काम भएको छ । अनुगमनको भने कुनै प्रभावकारीता देखिएको छैन ।

साउन ५ ।
गजलको राजधानीको रुपमा चिरपरिचत चितवन यहि साउन ७ गते गजलमय हुने भएको छ । गजल मञ्च चितवनको फरक र पृथक शैलीको कार्यक्रम गजलसंगमा ४ जना गलजकारहरुले आफना गजल प्रस्तुत गर्ने बिहीबार भरतपुरमा पत्रकार सम्मेलन मार्फत जानकारी दिईएको छ । औपचारिक खण्डलाई पुर्णतया बर्जीत गरि गर्न लागिएको कायृक्रममा ४ जना गलजकारहरुले ३ खण्डमा आफ्ना गजल प्रस्तुत गर्नेछन । पहिलो ,दोस्रो खण्डमा ३÷३ गजल र तेस्रो खण्डमा १ गजल समाबेश हुने जानकारी कार्यक्रम स्रंयोजक सिर्जना सिलवालले जानकारी दिनुभएको छ । कार्यक्रम गजलसंगको अब हुने शृङखला दोस्रो रहेको छ । यसअघि देवघाट बिशेष कार्यक्रम गरि देवघाटमा रहेर गजलमा लामो समयदेखी कलम चलाएका गजलकारहरुको गजल प्रस्तुती रहेको थियो । गजलसंगको दोस्रो शृङखलामा गजलकारहरु कृष्णप्रसाद शिखडा, मुक्त उदास, बिमर्श कडेल र दिग्गज धौराली रहनुभएको छ । गजल क्षेत्रमा दशकको अनुभव संगालेका युवाहरुको गजल प्रस्तुती रहनेछ । अघिल्ला शृङखलामा जस्तै यो शृङखलामा पनि कार्यसमितिसदस्यहरुले कार्यक्रममा सृजना हुने आर्थीक व्ययभार आफैले लिनेभएकाले संस्थालाइृ असर नपर्ने कार्यक्रम स्रंयोजक सिर्जना सिलवालले पत्रकार सम्मेलनमा उल्लेख गनुृभएको थियो । सो कार्यक्रम सगुन पार्टी प्यालेसमा साउन ७ गते दिनको २ बजे हुनेछ । सो कार्यक्रममा चितवन , नवलपरासी , तनहु, सुर्खेत, कोहलपुर दाङ, काठमाण्डौ पोखरा मकवानपुर आदि क्षेत्रका गजकारहरुको सहभागिता रहने गजल मञ्च चितवनका अध्यक्ष प्रभाकर पण्डितले बताउनुभएको छ ।

असार २६ ।
वर्षाको समयमा दुर्लभ वन्यजन्तुको चोरीशिकार हुन सक्ने भन्दै चितवन राष्ट्रिय निकुञ्जले वन्यजन्तु र त्यसको वासस्थान संरक्षण तथा चोरीशिकार प्रतिरोध अभियान सुरु गरेको छ । सरोकारवाला निकायहरुको सहकार्यमा सुरु भएको सो अभियान तीन महिनासम्म सञ्चालन हुनेछ । वर्षाको समयमा निकुञ्जमा घाँसका विभिन्न प्रजाति बढेर बाटो छेकिने, पानीले बाटोमा हिलो र खाल्डाखुल्डी हुने, रुख ढलेर बाटो अवरुद्ध हुनेलगायतका कारण मानिसको आवतजावतमा निकै कमी आउने गर्छ । जसका कारण शिकारीहरु सक्रिय हुने गर्छन् । निकुञ्जका सूचना अधिकारी नुरेन्द्र अर्यालकाअनुसार निकुञ्ज र मध्यवर्ती क्षेत्रका चोरीशिकारका दृष्टिले संवेदनशील क्षेत्रहरुमा रबरको डुङ्गा, गाडी, हात्ती, पैदल, साइकललगायतका माध्यमबाट गस्ती गरिनेछ । वन्यजन्तुको बढी ओहोरदोहोर हुने ठाउँको निगरानी राखी गस्ती बढाइने उहाँले बताउनुभयो । अभियानअन्तर्गत ती क्षेत्रका जनतालाई सुसूचित गर्ने, संरक्षण शिक्षा दिइने, अन्तक्र्रिया गर्ने र जङ्गल सर्च गर्नेलगायतका कार्यक्रम गरिनेछ । अभियानमा जिल्ला वन, सामुदायिक वन, नेपाली सेना, स्थानीय चोरीशिकार नियन्त्रण युवा जागरण उपसमितिहरु, मध्यवर्ती व्यवस्थापन समिति, वन हेरालु, संरक्षणका साझेदार संस्थालगायतको सहभागिता रहनेछ । जसअन्तर्गत आइतबार भरतपुर महानगरपालिकाको ज्ञानेश्वर, सेतीदेवी र मझुवा सामुदायिक मध्यवर्ती वनबाट अभियान थालिएको हो । ती वन नारायणी नदीको किनारमा रहेका छन् । गैँडा र बाघका लागि यो क्षेत्र उपयुक्त वासस्थान मानिन्छ । अभियान कात्तिक १ गते समापन गरिने जनाएको छ ।

More Articles ...

Sign up via our free email subscription service to receive notifications when new information is available.