समाचार

चितवन, असोज १७ । पूर्वी चितवनको रत्ननगरस्थित बछौलीमा १ करोड रुपैयाँको लागतमा युआर अटोमेटिक लन्ड्री सेवा सुरु गर्न लागेको छ । भोलि शुक्रबार एक औपचारिक कार्यक्रमका बीच लन्ड्री सञ्चालन आउन लागेको कम्पनीले जनाएको छ । मुख्य कार्यालय बाराको सिमरामा रहेको कम्पनीले चितवनमा शाखा विस्तार गरेको हो । अत्याधुनिक मेशिनको प्रयोग गरी कुनै पनि प्रकारको लुगाको सुरक्षित धुलाई गर्ने कम्पनीले जनाएको छ । दुबईको फुजेरामा १० वर्ष लन्ड्रीको काम गरी स्वेदेश फर्किएर बाराका उमेश चौलागाईले युआर अटोमेटिक लन्ड्री सुरु गर्नुभएको थियो । भरतपुर, टाँडी, पर्सा लगायतका स्थानमा कलेक्सन कार्यालय राखी बछौलीमा उद्योगमार्फत कपडा धुने काम गरिने कम्पनीका प्रोपाईटर चौलागाईले बताउनुभयो ।कम्पनीले उपभोक्तालाई गुणस्तरीय सेवालाई प्राथमिकतामा राखेर अघि बढेको उहाँको भनाई छ । कम्पनीले नेपालका अन्य १० सहरमा शाखा विस्तार गर्ने लक्ष्यसहित चितवनमा पनि शाखा विस्तार गरिएको हो । कम्पनीको लागत १ करोड रुपैयाँ बढी भइसकेको छ । थप नयाँ मेशिनहरु आउने क्रम जारी रहेकाले लागत बढ्ने उहाँले बताउनुभयो । अहिले एउटा मेशिनले १ सय ५० केजी लुगा एक पटकमा धुने गर्दछ । अहिले ८ ठुला र प्रर्याप्त साना वासिङ मेशिनबाट कुशन, कोर्ट, पाईन्ट, दौरा सुरुवाल, सितारा जडित साडी, कुता, लेदर ज्याकेट, तन्ना स्विटर कार्पेट, ब्लाङकेट धुलाई गरी स्टिम आइरन पनि गरिने कम्पनीले जनाएको छ । कम्पनीले अहिले ३१ जनालाई रोजगारी प्रदान गरेको छ । २४ सै घण्टा धुलाईको सेवा दिने कम्पनीले आधा घण्टामा कपडा लगाउन मिल्ने गरी उपलब्ध गराउन सक्छ ।

असोज १७, चितवन ।
चितवनका गीतकार विज्ञानलाल श्रेष्ठको शब्दले सजिएको ‘चाहना’ गीतको म्युजिक भिडियो घटस्थापनाको अवसर पारेर १७ गते शुक्रबार साँझ गीतकार स्वयंको युटुब  Bigyan Lal Shrestha बाट रिलिज भएको छ । मायाप्रीतिको गाथाले भरिएका शब्दहरूलाई अष्ट्रेलियामा रहेका सङ्गीतकार शिरिष बिक्रम थापाले सङ्गीत दिएका छन् भने उक्त गीतमा गायिका सदा श्रेष्ठको स्वर रहेको छ । अष्ट्रेलियामा रेकर्ड गरिएको सो गीतमा सङ्गीतकार शिरिष बिक्रम थापाको आफ्नै सङ्गीत संयोजन रहेको छ भने सङ्गीतकार थापाले रेकर्डसमेत आफ्नो स्टुडियोमा गरेका हुन् । नृत्य निर्देशक सुमित लामाको निर्देशनमा तयार भएको उक्त म्युजिक भिडियोको सम्पूर्ण छायाङ्कन चितवन र नवलपुरका विभिन्न रमणीय स्थानहरूमा भएको हो । म्यूजिक भिडियोमा पहिलो पटक कलाकारद्वय समिता बराली र श्रवण श्रेष्ठले अभिनय गरेका छन् । म्यूजिक भिडियोको निर्माण सुवानलाल श्रेष्ठले गरेका हुन् ।

१३ असोज, चितवन।

धादिङको धुनिवेसी नगरपालिका–९ स्थित झ्याप्ले खोलाको पहिरोमा पुरिएका ४ वटा बसबाट आज थप १६ वटा शव भेटिएका छन्। यसअघि हिजो शनिबार १४ जनाको शव निकालिएको थियो। यो सहति झ्याप्ले खोला पहिरोमा परेर हालसम्म ३० जनाको ज्यान गएको छ । थप शवहरु खोज्नेक्रम जारी रहेको प्रहरीले जनाएको छ । गोरखा, चितवन लगायतका जिल्लाबाट घटनास्थल आईपुगेका उनीहरूले सनाखतका लागि नाम सहितको विवरण प्रहरीलाई टिपाएका छन् । अहिलेसम्म पुरिएका गाडीहरूबाट ३० जनाको शव संकलन भएको प्रहरीले जनाएको छ । शनिबार र आइतबार गरी उक्त सङ्ख्यामा शव फेला परेको हो । झ्याप्ले खोलामा भेटिएको सबै शव त्रिवि शिक्षण अस्पताल लगिने प्रहरीले जनाएको छ।