समाचार

असार १४, रत्ननगर । चितवनको रत्ननगरमा रहेको आयुर्वेद तथा बैकल्पिक चिकित्सालयले सेवा प्रवाहको लागि गरेको काम र त्यसको प्रगति समीक्षा गरिएको छ । चिकित्सालयको जिल्ला स्थित कार्यालय र त्यस मातहतका औषधालयले आर्थिक बर्ष२०८०र८१ मा गरेका कामको समीक्षा गरिएको हो । जिल्ला समन्वय समितिका सभापति नारायण प्रसाद अधिकारी प्रमुख अथिति रहेको सो कार्यक्रममा वीरेन्द्रनगर आयुर्वेद औषधालयका प्रमुख टुकनाथ पौडेल, माडी आयुर्वेद औषधालयका प्रमुख शोभाकर दुवाडी,पटिहानी आयुर्वेद औषधालयका प्रमुख भिम आचार्य, गुन्जानगर आयुर्वेद औषधालयकी प्रमुख सुनिता आचार्य, मेघौली आयुर्वेद औषधालयका प्रमुख होमनाथ सापकोटा, शिवघाट आयुर्वेद औषधालयका प्रमुख प्रकाश आचार्य, देवघाट आयुर्वेद औषधालयका प्रमुख सुरज शर्मा, डालेटारआयुर्वेद औषधालयकी प्रमुख उमा आचार्यले प्रगति विबरण प्रस्तुत गरेका थिए ।
कार्यक्रममा चिकित्सालयका प्रमुख डा।कोपिला अधिकारीले चालु आबमा बहिरंग चिकित्सा सेवा अन्तर्गत ३२ हजार ६७९ महिला र २७ हजार १५० पुरुष गरी ५९ हजार ८२९ जनालाई सेवा प्रदान गरिएको जानकारी दिइन्। चिकित्सालयले यसै अवधिमा ४ हजार १६५ जनालाई योग सेवा, १८ हजार ६२ जनालाई पूर्वकर्म र पञ्चकर्म सेवा, ४ हजार ६४५ जनालाई जेष्ठ नागरिक सेवा प्रदान गरेको छ । यसैगरी एक हजार ९० महिलालाई स्तनपाई आमा तथा शिशु सेवा, ५ हजार २४० जनालाई नागरिक आरोग्य स्वाथ्स्य सेवा, ६ हजार २१० जनालाई प्रयोगशाला सेवा प्रदान गरेको डा। अधिकारीले जानकारी दिइन । उनले अनुसार ४ हजार ४७६ जनालाई अकुपञ्चर सेवा, ३ हजार ८९२ जनालाई फिजियोथेरापी सेवा र ६३ जनालाई अल्ट्रासाउण्ड सेवा प्रदान गरिएको छ । चिकित्सालय व्यवस्थापन समितिका अध्यक्ष राजेन्द्रकुमार श्रेष्ठको अध्यक्षतामा भएको कार्यक्रममा ईच्छाकामना गाउँपालिकाका माडी नगरपालिकाका वडाध्यक्ष डण्डपाणि पौडेल, वडाध्यक्ष नरबहादुर नेपाल,राप्ती नगरपालिका वडा नं ७ का कार्यबहाक वडाध्यक्ष ओमप्रसाद पुन, स्वास्थ्य कार्यालय चितवनका अधिकृत दीपा सुवेदी, कालिका वडा नं ७ कि वडा सदस्य सर्मिला अधिकारी लगायतले मन्तव्य राखेका थिए । कार्यक्रममा सेवा निबृत्त बरिष्ठ कविराज निरीक्षक विष्णु आचार्य सहित चिकित्सालयका कर्मचारी र पत्रकारहरुलाई सम्मान गरिएको डा। देवेन्द्रकुमार यादवले जानकारी दिए ।

चितवन, असार १४।
७३ औं मदन जयन्तिको अवसरमा चितवनको माडीमा अवस्थित पुष्प मदन वाटिकामा वृक्षारोपण गरिएको छ ।नेकपा (एमाले) चितवन र मदन भण्डारी फाउण्डेसन चितवनको संयुक्त आयोजना, नेकपा एमाले माडी नगर कमिटीको व्यवस्थापन एवम् पुष्प मदन स्मृति वाटिका माडीको विशेष सहयोगमा आज वृक्षारोपण गरिएको हो । विभिन्न प्रकारका बिरुवाहरु लगेर बाटिकामा रोपिएको हो । मदन भण्डारीको अस्तु उक्त स्थानमा लगेर विसर्जन गरिएको थियो । अस्तु विसर्जन गरेको ठाउँमा बरको रुख रोपिएको छ । उक्त स्थानलाई राजनैतिक भ्रमण केन्द्रको रुपमा विकास गर्न विभिन्न संरचना निर्माण गरिएका छन् । आजको वृक्षारोपण कार्यक्रममा नेकपा एमाले पोलिटब्युरो सदस्य देवी ज्ञवालीले पुष्पलाल श्रेष्ठ र मदन भण्डारीको शालिकमा फुलगुच्छा अर्पण गरी वृक्षारोपण गरेर कार्यक्रमको उद्घाटन गरे । कार्यक्रममा एमाले नेताहरु यमबहादुर परियार, दावादोर्जे लामा, विजय सुवेदी, डा तिलचन्द्र भट्टराई लगायतका केन्द्रीय तथा जिल्ला नेता कार्यकर्ताको उपस्थिति रहेको थियो ।

भरतपुर, असार १२ । तस्विर अंकित भगत । नीति तथा कार्यक्रम र बजेट पास गर्दै भरतपुर महानगरपालिकाको १५ औँ नगर सभा सम्पन्न भएको छ । असार १० गतेदेखि वी.पी कोइराला मेमोरियल क्यान्सर अस्पताल सभाहलमा सुरु भएको नगर सभा बुधबार नीति तथा कार्यक्रम सर्वसम्मत रुपमा पास भएपछि सकिएको हो ।
महानगरपालिकाले आर्थिक वर्ष २०८१/०८२ का लागि अनुमानित आय व्यय सहितको ६ अर्ब ५५ करोड ८५ लाख ९८ हजार रूपैयाँको बजेट पास गरेको छ ।

१५ औँ नगर सभाले भरतपुर महानगरपालिका न्यायिक समितिको प्रतिवेदन, लेखा समितिको प्रतिवेदन र संगठन तथा व्यवस्थापन सर्वेक्षण, राजस्व र व्ययको अनुमान ९बजेट० आर्थिक विधेयक २०८१ र विनियोजन विधेयक २०८१ पारित गरेको छ ।
नगर सभा समापन कार्यक्रममा महानगर प्रमुख रेनु दाहालले दाहालले सबै नगरबासीको एकताले समृद्ध नगर निर्माण गर्न सहयोग पुग्ने बताउनुभयो । भरतपुरको विकासको लागि सबैले आ–आफ्नो ठाउँबाट सकारात्मक र रचानात्मक प्रतिस्पर्धा हुन आवश्यक रहेको उहाँको भनाई थियो । नीति तथा कार्यक्रमलाई पूर्ण रुपमा कार्यन्वन हुनेमा विश्वस्त रहेको प्रमुख दाहालले बताउनुभयो ।

महानगरपालिकाका उपप्रमुख चित्रसेन अधिकारीले आन्तरिक आयआर्जनसँगै अन्तर सरकारी वित्तीय हस्तान्तरण,केन्द्र तथा प्रदेश सरकारको राजस्व बाँडफाँड तथा विविध कोष तथा आयबाट स्रोत व्यवस्थापन गर्ने गरी महानगरको आर्थिक वर्षको बजेट बिनियोजन गरेका थिए । प्रस्तुत बजेटमा अन्तरसरकारी वित्तीय हस्तान्तरणबाट रु २ अर्ब ४ करोड ६३ लाख ३१ हजार, संघ राजस्व बाँडफाँडबाट रु ३२ करोड ४७ लाख तथा बागमती प्रदेश सरकारको राजस्व बाँडफाँडबाट रु २५ करोड ७५ लाख ६७ हजार गरी जम्मा रु ५८ करोड २२ लाख ६७ हजार, जनसहभागितार श्रमदानबाट रु ५० करोड, बैंक मौज्दात रु १ अर्ब ६० करोड, सडक बोर्ड नेपालबाट रु ३ करोड रहने प्रक्षेपण गरिएको छ ।
बजेट प्रस्तुत गर्दै अधिकारीले सामाजिक सुरक्षालगायत अन्तरसरकारी अख्तियारी शीर्षकमा अनुमानित रु १ अर्ब ३० करोड रहने प्रक्षेपण गरिएको बताउनुभयो । चालु आर्थिक वर्षमा निर्माण सम्पन्न हुन नसकेका तथा भुक्तानी बाँकीमा रहेका र क्रमागत एवं बहुवर्षीय ठेक्का भएका योजनाहरु समयमै सम्पन्न गर्नको लागि रु १ अर्ब ६० करोड बजेट विनियोजन गरिएको छ ।

सभामा १५ जना सदस्यहरुले महानगरपालिकाको विकास निर्माण जनताको माग र चाहनाका साथै कार्य सम्पादनमा भए गरेका समस्याका बारेमा आआफ्नो धारणा राख्नुका साथै प्रस्तावित नीति, कार्यक्रम र विधेयकमाथि आफ्नो सुझाव राखेका थिए ।
यसै बीच नगर सभाको अवसरमा आर्थिक वर्ष ०८०र०८१ का असल करदातालाई पुरस्कृत तथा सम्मान गरिएको छ । मनोरन्जन करतर्फ चितवन सिने प्यालेक्स, शिक्षातर्फ ओमशान्ति एकेडेमी, घरबहाल करतर्फ भाटभटेनी सुपरमार्केट, व्यवसायकरतर्फ न्यू चितवन ड्राइभिङ सेन्टर, वित्तीय संस्था एभरेष्ट बैंक, निर्माण व्यवसायीतर्फ रोयल चितवन बिल्डर्स प्रालि र सफल कृषकतर्फ बहानी सामुहिक कृषि फर्मलाई सम्मान गरिएको हो ।

यस्तै महानगरमा उत्कृष्ट कार्य सम्पादन गर्ने २३ जना कर्मचारीलाई पुरस्कृत तथा सम्मान गरिएको थियो भने राष्ट्रिय तथा अन्तर्राष्ट्रिय खेलमा पदक हासिल गर्ने १५ खेलाडीलाई पुरस्कारसहित सम्मान गरिएको थियो ।