समाचार

कार्तिक २५, रत्ननगर ।

पूर्वी चितवनको रत्ननगरमा शनिबार देखि प्रथम सयपत्री फूलमाला मेला सुरु भएको छ । तिहारको अबसरमा स्थानीय उत्पादनलाई प्रोत्सहान गर्न आयोजित मेलाको रत्ननगरका मेयर प्रलाद सापकोटाले एक औपचारिक कार्यक्रमका बीच उद्घाटन गरेका छन् । रत्ननगर नगरपालिका र रत्ननगर उद्योग बाणिज्य संघको सयुक्त आयोजनामा सौराहाचोक र टाँडीचोकको बीचमा रहेको मिनी बसपार्कमा मेला सुरु भएको हो । किसानले उत्पादन परेको सयपत्री पूmल र महिला उद्यमीहरुले उत्पादन गरेका भाइटीकाका सामाग्रीको प्रर्वद्धनको लागि मेला आयोजना गरिएको मेयर सापकोटाले बताए ।

बजारमा प्लाष्टिक जन्य बस्तुहरु विक्री वितरणमा रोक लगाएर स्थानीय उत्पादनको बजारिकरणको लागि मेला आयोजना गरको उनको भनाई छ । मेलामा नगर भित्रका किसानले उत्पादन गरेको सयपत्री फुलको माला र महिला उद्यमीले उत्पादन गरेका भाईटीकाका सामाग्री विक्रीका लागि राखिएको मेला व्यवस्थापन समिति तथा आर्थिक विकास समितिका संयोजक सोहेन्द्रराज खरेलले जानकारी दिए । संघका अध्यक्ष शंकर गिरील स्थानीय उत्पादनको बजारिकरणको लागि मेला आयोजना गरिएको बताए । मेलामा फूलको माला सहित भाइटीकाका सामाग्री र कपडा पसल रहने उनले जानकारी दिए । मेलामा प्रतिमाला १०० रुपैया र सयपत्री फुल प्रतिकिलो ४०० रुपैया कायम गरिएको छ । आर्थिक विकास समितिका संयोजक सोहेन्द्रराज खरेलको अध्यक्षतामा भएको कार्यक्रममा जिल्ला समन्वय समितिका सदस्य संजिव पौडेल, नेकपा एमालेका नगर अध्यक्ष इश्वरी अर्याल, माओवादी केन्द्रका नगर अध्यक्ष श्याम बराल, राप्रपाका नगर अध्यक्ष गोविन्द प्रसाद अधिकारी लगायतले मन्तव्य राखेका थिए । कार्यक्रममा वडा नं १६ ले प्रशिक्षण दिएर उत्पादन गरेको महिला पञ्चेबाजा समुहले प्रस्तुती दिएका थिए । कार्यक्रम मेला सांस्कृतिक समितिका संयोजक तथाकार्यपालिका सदस्य राजेन्द्र हमालले सञ्चालन गरेका थिए । उद्घाटन कार्यक्रममा वडाध्यक्षहरु, कार्यपालिका सदस्य, उद्यमशिल महिला समुहका पदाधिकारी तथा सदस्यहरु तथा किसानहरुको सहभागिता रहेको थियो ।

कार्तिक २२,भरतपुर । तस्विर कोमल चन्द्र भगत । पवित्र धार्मिक तिर्थस्थल जाने बाटोमा निर्माण भएको कलात्मक ढुङ्गे धाराको औपचारिक उद्घाटन गरिएको छ । भरतपुर वडा नम्बर १ स्थित देवघाटधामको विश्राम स्थलमा निर्मित कलात्मक ढुङ्गे धारको भरतपुर महानगर प्रमुख रेनु दाहाले उद्घाटन गर्नुभयो । देवघाटधाम आउने तिर्थालु तथा मलामीहरुलाई लक्ष्ति गरी वागमती सरकारको खानेपानी, उर्जा तथा सिँचाई मन्त्रालय अन्तर्गत खानेपानी तथा सरसफाई डिभिजन हेटौडा भरतपुर महानगरपालिकासँगको सहकार्य सो ढुङगे धारा निर्माण गरेको हो । उद्घाटन कार्यक्रमलाई सम्बोधन गर्दै महानगर प्रमुख दाहालले काठमाण्डौ पछि भरतपुरमा पहिलो पटक ढुङ्गे धारा निर्माण भएको दाबी गर्नुभयो । ढुङ्गे धारा निर्माण स्थललाई आर्कषक र यसको संरक्षण गर्न महानगरपालिकाले आवश्यक सहयोग गर्ने पनि सो अवसरमा बताउनुभयो ।
महानगर प्रमुख दाहालले देवघाट क्षेत्रको विकासका गर्न महानगरपालिकाले प्राथामिकताका साथ बजेट विनियोजन गर्दै आईरहेको उल्लेख गर्नुभयो ।
उहाँले देवघाट क्षेत्रमा बस पार्क, सडकको स्तरोन्ती, शवदाह गृह लगायतका महत्वपूर्ण पूर्वाधार निर्माणका कार्य भईरहेको बताउनुभयो ।

खानेपानी तथा सरसफाई डिभिजन हेटौँडाका प्रमुख हरेराम पौडेलका अनुसार चिसापानी मुहानबाट करिब ३ किमी भूमिगत पाईपबाट सो स्थानमा पानी ल्याईएको हो । भरतपुर महानगरपालिकाको सहकार्यमा वागमती प्रदेश सरकारले धारा निर्माणका लागि २१ लाख ५७ हजार रुपैयाँ खर्च भएको प्रमुख पौडेलले बताउनुभयो ।
। धारामा शुद्ध पानीको प्रबन्ध मिलाउन ट्रिटमेन्ट प्लान्ट पनि निर्माण गर्ने योजना रहेको जानकारी दिनुभयो । भरतपुर भ्रमण वर्ष २०२४ घोषणा भएसँगै देवघाट आउने धार्मिक पर्यटकलाई  ढुङगे धाराको महत्वबारे थप स्पष्ट पार्ने प्रमुख दाहालले बताउनुभयो । भरतपुरको आँपटारीदेखि देवघाट पुन्यभूमिसम्म जाने बाटोको बीचमा भक्तजन यात्रीहरु, पितृ विश्राम स्थल तथा सम्पूर्ण प्राणीजनलाई पानीको आवश्यकता पुरा गर्न मौलिक शैलीकै  ढुङ्गे निर्माण गरिएको  ढुङ्गे धारा, स्रोत संरक्षण खानेपानी उपभोक्ता समितिका अध्यक्ष मधु अधिकारीले जानकारी दिनुभयो ।

कार्तिक २०, चितवन । नेकपा एकीकृत समाजवादीले जाजरकोट केन्द्रबिन्दु भएर गएको भूकम्पमा उद्धार, राहत लगाएतका सहयोगका लागि उपमहासचिव प्रकाश ज्वालाको नेतृत्वमा कार्यदल गठन गरेको छ । सोमबार पार्टी कार्यालय आलोकनगरमा बसेको सचिवालय बैठकले पार्टीका तर्फबाट अनुगमन र सहयोगका लागि ज्वालाको नेतृत्वमा अमर थापा, नन्दा चपाई, धन बहादुर बुढा लगाएतसहितको अनुगमन राहत तथा उद्धार कार्यदल गठन गरेको हो ।बैठकले पार्टीको कार्यकर्ताबाट आर्थिक संकलन गरि सरकारको केन्द्रीय राहत कोषमा २५ लाख जम्मा गर्ने निर्णय गरेको छ भने पार्टीका मन्त्रिहरु , सांसदहरु र जनप्रतिनिधि एवं राजनीतिक नियुक्तीमा गएकाहरुबाट १५ दिनको पारिश्रमिक पार्टी कोषमा जम्मा गर्न निर्देशन दिएको पार्टी प्रचार विभाग प्रमुख जगन्नाथ खतिवडाले जानकारी दिनुभयो । बैठकले माघको १४ देखि १८ गतेसम्म हुने पार्टीको राष्ट्रिय महाधिवेशन काठमाडौंमा गर्ने निर्णय गरेको छ भने पार्टी अध्यक्ष माधव नेपाल नेतृत्वको टोलीको मंगलबारबाट सुरु हुने चीन भ्रमणले दुईदेशको सम्बन्ध थप प्रगाढ बढाउने विश्वास लिइएको खतिवडाले बताउनुभयो । त्यस्तै पार्टीको १५ दिने समाजवादी जागरण अभियानको समिक्षा गर्दै प्रभावकारी रुपमा सम्पन्न भएको निष्कर्ष निकाल्दै अभियानलाई सफलतापूर्वक सम्पन्न गर्नेप्रति धन्यवाद प्रकट गरेको छ ।