समाचार

जेठ १४, काठमाण्डौ ।

मानव अधिकार तथा शान्ति समाजले नक्कली भुटानी शरणार्थी प्रकरणका मुख्य दोषीलाई कानुन बमोजिम कारबाहीको माग गर्दै सिंहदरबारको दक्षिणगेट अगाडी प्रदर्शन गरेको छ ।
समाजले शरणार्थी प्रकरणका मूल दोषीलाई कारबाही गर, तीन तहको सरकार ः सुशासन, पारदर्शीता र जवाफदेहीता सुनिश्चित गर लगाएतका नारा लगाउदै प्रदर्शन गरेको हो । सो क्रममा प्रदर्शन गर्ने अधिकारकर्मीलाई प्रहरीले नियन्त्रणमा लिएको छ । समाजका संस्थापक सभापति कृष्ण पहाडी, नागरिक अगुवा अर्जुन पराजुली, उत्तम पुडासैनी, विमल अर्याल, अधिकारकर्मीहरु चन्द्रमणि बञ्जारा, नम्रता खरेल लगाएतलाई नियन्त्रणमा लिएको समाजले जनाएको छ ।

जेठ १४, काठमाण्डौ । सरकारले रेशमलाल चौधरीको सजाय माफी मिनाहाका लागि राष्ट्रपतिसमक्ष सिफारिस गर्ने निर्णय गरेको छ ।
सिंहदरबारमा आइतबार बसेको मन्त्रिपरिषद् बैठकले चौधरीको निवेदन र राष्ट्रपति कार्यालयले सोधेका केहि बिषयहरुलाई सम्बोधन सहित सजाय माफी मिनाहाका लागि राष्ट्रपतिसमक्ष सिफारिस गर्ने निर्णय गरेको सरकारका प्रवक्ता रेखा शर्माले जानकारी दिनुभयो । त्यस्तै प्रधानमन्त्रीको भारत भ्रमणमा ऊर्जा, सीमा, लगाएतका बिषयमा छलफल भएको र सोमबारको मन्त्रीपरिषद् बैठकले थप निर्णय गर्ने उहाले जानकारी दिनुभयो ।

त्यस्तै शुक्रबार बसेको मन्त्रीपरिषद् बैठकका निर्णयबारे जानकारी दिर्दै उहाले भारतमा हुने विमेस्टेक व्यापार सम्बन्धी सम्मेलनमा भाग लिन उद्योग मन्त्रीको टोलीलाई स्वीकृति प्रदान गर्ने निर्णय गरेको बताउनुभयो । बैठकले बिमेस्टकको भविष्यको कार्यदिशाका लागि प्रवुद्ध व्यक्तिहरुको समूहमा नेपालको तर्फबाट पूर्व परराष्ट्रसचिव दुर्गा भट्टराई मनोनयन गरि पठाउने निर्णय भएको प्रवक्ता शर्माले बताउनुभयो ।

त्यस्तै बैठकले केन्यामा आयोजना हुने राष्ट्रसंघको एक कार्यक्रममा सहभागी जनाउन शहरी बिकास मन्त्री नेतृत्वको प्रतिनिधिमण्डललाई स्वीकृति दिने निर्णय भएको उहाले बताउनुभयो ।

चितवन, १३ जेठ

नेपाल प्रेस युनियन चितवनले आज स्थापना दिवसको अवसरमा गणतन्त्र पछिको पत्रकारिता विषयक अन्तक्रिया कार्यक्रम सम्पन्न गरेको छ । नेपाल पत्रकार महासंघ केन्द्रीय सचिव सृजना अर्यालको प्रमुख आतिथ्यतामा कार्यक्रम सम्पन्न गरिएको हो । कार्यक्रमलाई संवोधन गर्दै सचिव अर्यालले गणन्तत्र प्राप्तिका लागि पत्रकारहरुको भुमिका अत्यन्तै महत्त्वपूर्ण रहेको स्मरण गर्दै गणन्तत्रलाई जिवीत राख्नका लागि पत्रकारको भुमिका अत्यन्त महत्वपुर्ण रहेको बताउनु भयो । पत्रकारीता पेशालाई अझै मर्यादित र सम्मानित वनाउन पत्रकारहरुको शुद्विकरण आवश्यक रहेको उहाँले वताउनु भयो । प्रेस युनियन चितवनका अध्यक्ष अनिल ढकालको अध्यक्षतामा सम्पन्न कार्यक्रममा प्रेस चौतारि चितवनका अध्यक्ष सुवास पण्डित , प्रेस सेन्टर चितवनका कोषाध्यक्ष किशोर सापकोटा लगायतले प्रेस स्वतन्त्रताका लागि र पेशागत सुरक्षाका लागि अझै शसक्त वनाएर अगाडि वढ्न प्रेस युनियनलाई शुभकामना लिनुभयो । कार्यक्रममा लोकतन्त्र पश्चात पत्रकारितामा भएको परिवर्तन र पत्रकारिताका चुनौतिका विषयमा व्यापक छलफल भएको थियो । पत्रकारिताले प्राप्त गरेको स्वतन्त्रतालाई अझै सृजनात्मक र संवेदनशिल बनाउने विषयमा समेत छलफल र विचार विमर्श भएको थियो । कार्यक्रमको पहिलो सत्र जिल्ला उपाध्यक्ष प्रस्ताव सुवेदी र दोश्रो सत्र जिल्ला सदस्य राजेश घिमीरेले संचालन गर्नुभएको थियो । कार्यक्रममा सहभागीहरुलाई जिल्ला उपाध्यक्ष सिन्धु ढकालले स्वागत गर्नु भएको थियो । प्रेस अभिव्यक्ति स्वतन्त्रताका लागि ३२ वर्ष अगाडि स्थापना भएको प्रेस युनियन नेपालको सबैभन्दा पुरानो पत्रकारहरुको संस्थाको रुपमा रहेको छ।