समाचार

बैशाख ४, चितवन ।

नक्कली भुटानी शरणार्थी प्रकरणमा भुटानी शरणार्थीका नेता तथा अधिकारकर्मी टेकनाथ रिजाल पक्राउ परेका छन् । 

काठमाडौंबाट पक्राउ परेका रिजाललाई बिहीबार नै सरकारी वकिलको कार्यालय र त्यसपछि काठमाडौं जिल्ला अदालतमा उपस्थीत गराईको थियो । उनलाई शरणार्थी प्रकरणमा भएको ठगिमा संलग्नता देखिएपछि पक्राउ गरिएको प्रहरीले जनाएको छ ।

त्यस्तै बिहीबार नै पक्राउ परेका गृह मन्त्रालय अन्तर्गतको केन्द्रीय हज समितिका अध्यक्ष शमशेर मियाँलाई प्रहरीले अदालतमा उपस्थीत गराएको छ । पक्राउ परेका दुवैलाई दुई दिन हिरासतमा राखेर अनुसन्धान गर्न काठमाडौ जिल्ला अदालतले अनुमति दिएको जिल्ला सरकारी वकिल कार्यालय काठमाडौंका प्रमुख अच्युतमणि न्यौपानेले जानकारी दिनुभयो । शरणार्थी प्रकरणमा बालकृष्ण खाँण, टोप बहादुर रायमाझी लगाएतलाई पक्राउ गरि प्रहरीले अनुसन्धान गरिरहेको छ ।

बैशाख ४, चितवन ।
चितवन रोटरी क्लबले आज भरतपुर महानगरपालिका ३ का वडा अध्यक्ष विकास थापाको समन्वयमा शारीरिक अपाङ्गता तथा आर्थिक स्थिति कमजोर भएका स्थानीय व्यक्तिहरूलाई उनीहरूकै निवासमा गएर ४ थान ह्विल चेयर वितरण गरिएको क्लबका सचिव तथा कार्यक्रम संयोजक राजन पियाले जानकारी गराए । क्लबका अध्यक्ष दीपक प्रधानले उक्त ह्विल चेयरहरू वितरण गरेको हो ।
शारीरिक अपाङ्गता भएका व्यक्तिहरूलाई उनिहरूकै निवासमा गएर ह्विल चेयर वितरण गर्न पाउँदा आत्मसन्तुष्टि र खुशी मिलेको वर्ष २०२३÷२४ का लागि क्लबका निर्वाचित अध्यक्ष चन्द्रेश्वर भट्टराईले बताए । ह्विल चेयर वितरण कार्यमा वडा सदस्य राम लोहनीको सहयोग प्राप्त भएको संयोजक पियाले बताए ।
स्वार्थभन्दा माथि सेवाको भावनाले स्थापित चितवन रोटरी क्लबले ३ दशक देखि समाज सेवाको क्षेत्रमा योगदान पु¥याउँदै आएको र रोटरीले दृष्टि नपुगेको ठाउँमा उज्यालो छर्नेदेखि पोलियो उन्मूलनमा संसारभरि नै योगदान दिएको क्लबका अध्यक्ष दीपक प्रधानले बताए । अध्यक्ष प्रधानले समाज सेवाको क्षेत्रमा अग्रसर हुन पाउनु अत्यन्तै सुखद् रहेको र यसबाट आनन्द प्राप्त हुने बताउँदै सम्पूर्ण मानव जगतको सुख, शान्ति र समृद्धिको लागि आपूm सधैँ लागिरहने बताए ।

जेठ, १ रत्ननगर । तस्विर कोमलचन्द्र भगत ।

पूर्वी चितवनको रत्ननगर नगरपालिका वडा नं १ सौराहाचोकमा भ्रष्टाचार विरुद्ध मौन प्रर्दशन गरिएको छ । भ्रष्टाचार विरुद्ध नागरिक अभियानले जनस्तरबाट मौन प्रर्दशन गरी भष्टाचार विरुद्ध खबरदारी गरेका हुन । प्रर्दशनमा स्वस्फूर्त नागरिकहरु प्रर्दशनमा सहभागी भएका थिए ।

भूटानी शरणार्थी प्रकरणमा ठुला दलका नेताको नाम जोडिएर पक्राउ पर्न थालेपछि भ्रष्टाचार विरुद्ध खबरदारी गर्दै नागरिक सडकमा आएका हुन । नागरिकको जीवन स्तर खस्कदै जाँदा जनतामाथी सासन गर्ने नेताहरुको आर्थिक अबस्था अस्वभाविक रुपमले सवल बन्दै गएको छ । देशमा देखिएको आर्थिक संकटका कारण सबै क्षेत्र तहसनहस अबस्थामा छन् । शीर्ष नेताहरुले भ्रष्टाचार गरेकै कारण देशको अबस्थामा सुधार नआएको नागरिक स्तरबाट गुनासो आउने गरेको छ ।

प्रर्दशनमा सहभागीहरुले ‘हाम्रो कर, मिलेर लुट्न बन्द गर’, ‘भ्रष्टाचारीका दस हात,तिनीहरुलाई नै नेताको साथ’, ‘जनताको खबरदारी उम्किन हुन्न भ्रष्टाचारी’, ‘किन पक्ष विपक्ष, छानविन गर निष्पक्ष’, ‘भष्टाचारी चाहिदैन,देश लुट्न पाइदैन’ लगायतका नारा देखेको प्लेकार्ड बोकेका थिए ।