समाचार

फागुन २८, भरतपुर । भरतपुर महानगरपालिका प्रमुख रेनु दाहालले भरतपुर भ्रमण वर्ष २०२४ को जापन सरकारलाई निम्तो दिनुभएको छ । भरतपुर महानगरपालिका र जापानको योकोसुका सहरबीच भगिनी सम्बन्ध स्थापना कार्यक्रमसहित सप्ताहव्यापी जापान भ्रमणमा रहनु भएका प्रमुख दाहालले यो अभियानमा सहभागि हुन गैरआवासीय नेपाली संघ (एनआरएनए), जापान मार्फत जापान सरकारलाई निम्तो दिनु भएको छ ।
जापानका लागि नेपाली राजदूत डा दुर्गा बहादुर सुवेदी प्रमुख अतिथि रहनु भएको रात्रीभोज कार्यक्रममा भरतपुर भ्रमण वर्षबारे प्रमुख दाहालले प्रकाश पार्नुभएको थियो ।
भरतपुर महानगरपालिकाले “भरतपुर भ्रमण वर्ष २०२४” अभियान घोषणा गरेको छ । “संरक्षणको लागि पर्यटन, पर्यटनको लागि भरतपुर” भन्ने नाराका साथ आयोजना गरिने कार्यक्रममा यस गैरआवासीय नेपाली संघ एनआरएनए) जापान र अन्य राष्ट्रमा रहेका नेपाली र गैर नेपालीलाई सहभागीता तथा पर्यटकहरुलाई भ्रमण वर्षको प्रर्वद्धन गर्न मेयर दाहालले आह्वान गर्नुभयो ।
भरतपुर महानगरपालिका अनुपम प्राकृतिक सौन्द्रर्यले सम्पन्न, ऐतिहासिक, धार्मिक एवम् सांस्कृतिक सम्पदाले भरिपूर्ण मध्य नेपालको महत्वपूर्ण पर्यटकीय गन्तव्य रहेको बताउदै प्रमुख दाहालले अभियानलाई सफल बनाउन आवश्यक प्रचार प्रसार, समन्वय र सहकार्य अपिल समेत गर्नुभयो ।
भरतपुर महानगरपालिकामा विमानस्थल, रिङ्गरोड, लिङ्करोड, हुलाकीमार्ग, पूर्वपश्चिम राजमार्ग, सिटीहल, होटल, तथा रिसोर्टहरु स्तरोन्ति भईरहेको छ ।
महानगरपालिमाभित्र निकुञ्ज, सामुदायिक वन, ताल, नदी, सूर्योदय, सूर्यास्त, पहाड, हिमश्रृंखलाको दृश्यावलोकन जस्ता प्राकृतिक आकर्षण तथा संग्रहालय, पार्क, धार्मिकस्थल छन् ।  महानगरमा पर्यापर्यटन, वन्यजन्तु पर्यटन, खेल पर्यटन, स्वास्थ्य पर्यटन, कृषि पर्यटन, सभा–सम्मेलनपर्यटन आदिको विकास भइरहेको छ । पर्यटनमा महानगरपालिकालाई प्रमुख ७ गन्तव्य (सेभेन प्वाईन्ट) सहित ३० वटा पर्यटकीय गन्तव्यहरु छनोट गरिएको छ ।
भरतपुर भ्रमण वर्ष २०२४ मा दुई लाख जना बाह्य पर्यटक भित्रयाउने लक्ष्य लिएको छ । कार्यक्रममा नेपाल सरकारका ५ वटा मन्त्रालयका कर्मचारी र नेपालका अन्य स्थानीय तहका प्रमुख तथा राजनैतिक प्रतिनिधिसँग भ्रमण वर्षलाई सफल बनाउनेबारे छफलफ गरिएको थियो ।
कार्यक्रममा कागेश्वरी मनोहरा नगरपालिकाका प्रमुख उपेन्द्र कार्की, सुर्य विनायक नगरपालिकाका प्रमुख बासुदेव थापा, चन्द्रगिरी नगरपालिकाका प्रमुख घनश्याम गिरी, नेकपा एमालेका केन्द्रीय सदस्य विनोद ढकाल, वाईसिएल नेपालका ईन्चार्ज रामप्रसाद सापकोटा ‘दिपसिखा’, नेकपा माओवादी केन्द्रका वैकल्पिक सदस्य अर्जुन पाठकको उपस्थिति रहेको थियो ।

चितवन, २७ फागुन । नेपाल नेत्रज्योति संघ चितवनको सभापतिमा जयराम श्रेष्ठ सर्वसम्मत चयन हुनु भएको छ । संघको आज सम्पन्न २३ औं साधारणसभा तथा अधिवेशनले श्रेष्ठको नेतृत्वमा १७ सदस्यीय नयाँ समिति सर्वसम्मत चयन गरेको हो ।

समितिको सदस्यमा तेजेन्द्रबहादुर खड्का, केशवप्रसाद अधिकारी, सिद्धार्थलाल चुके, नारायणप्रसाद अधिकारी, शान्तकुमार पिया, चिरञ्जीवि सुवेदी, पवनकुमार पिया, दिनेश खनाल, रामप्रसाद भट्ट, गुरुप्रसाद पौडेल रहनु भएको छ । समितिको महिला सदस्यमा सुधा जोशी र कस्तुरी श्रेष्ठ चयन हुनु भएको छ । प्रेमप्रभा क्षेत्री, दीपक राना, रामप्रसाद कँडेल र केएन सिलवाल समितिको सदस्यमा मनोनित हुनु भएको छ ।

अधिवेशन सम्पन्न भएपनि आगामी वैशाख १ गतेबाट नयाँ समितिको कार्यकाल प्रारम्भ हुनेछ । समितिको पहिलो बैठकले उपसभापति, सचिव, सहसचिव, कोषाध्यक्ष, सहकोषाध्यक्ष चयन गर्ने संघका जिल्ला अध्यक्ष कृष्णराज धरेलले जानकारी दिनुभयो । संघले भरतपुर आँखा अस्पताल र यस मातहत अस्पताल तथा आँखा उपचार केन्द्र सञ्चालन गर्दै आएको छ ।

फागुन २६, भरतपुर ।

चितवन मेटल इन्जिनियरिङ्ग एण्ड फेब्रिकेशन उद्योग समितिको चौथो साधारणसभा तथा वनभोज कार्यक्रम सम्पन्न भएको छ ।
चितवन मेटल इन्जिनियरिङ्ग एण्ड फेब्रिकेशन उद्योग समितिका अध्यक्ष तारा बहादुर कार्कीको अध्यक्षतामा सम्पन्न कार्यक्रममा चितवन उद्योग संघका अध्यक्ष त्रिलोचन कँडेल प्रमुख अतिथि रहनुभएको थियोे ।
प्रमुख अतिथि कँडेलले देशभर सञ्चालनमा रहेका मेटल उद्योगहरुले देशको आर्थिक अर्थतन्त्रलाई चलायमान गराउन ठूलो भूमिका खेलेको बताउनुभयो । देशका महत्वपूर्ण निर्माण कार्यहरु मेटलसँग जोडिएको हुँदा देशमा रोजगारी सिर्जना गर्ने कार्यमा उत्तिकै योगदान रहेको हुँदा सरकारले मेटल उद्योगीहरुका नीतिगत समस्याहरुलाई समधान गर्नुपर्ने बताउनुभयो ।
चितवन मेटल इन्जिनियरिङ्ग एण्ड फेब्रिकेशन उद्योग समितिका अध्यक्ष तारा बहादुर कार्कीले स्वागतसँगै कार्यक्रमको उद्देश्य माथि प्रकाश पार्नुभएको कार्यक्रममा चितवन मेटल इन्जिनियरिङ्ग एण्ड फेब्रिकेशन उद्योग समितिका सचिव दुर्गालाल सापकोटाले बार्षिक प्रगति प्रतिवेदन, चितवन मेटल इन्जिनियरिङ्ग एण्ड फेब्रिकेशन उद्योग समितिका बरिष्ठ उपाध्यक्ष कृष्ण प्रसाद भण्डारीले दुर्घटना राहत कोष परिचालन तथा विवाद समाधान समितिको प्रतिवेदन प्रस्तुत गर्नुभएको थियो ।
सभाको अवसरमा समितिले प्रकाशन गरेको नववर्ष २०८० को भित्तेपात्रो क्यालेण्डरको समेत विमोचन गरिएको थियो ।
साधारणसभा कार्यक्रममा चितवन उद्योग संघका कार्यकारी निर्देशक गणेश प्रसाद सिलवाल, चितवन उद्योग संघ युवा उद्यमी मञ्चका अध्यक्ष सुरेन्द्र कार्की, चितवन मेटल इन्जिनियरिङ्ग एण्ड फेब्रिकेशन उद्योग समिति रत्ननगर इकाई समितिका अध्यक्ष इन्द्र प्रसाद रिमाल, चितवन मेटल इन्जिनियरिङ्ग एण्ड फेब्रिकेशन उद्योग समिति माडी इकाई समितिका अध्यक्ष खिमानन्द न्यौपाने, चितवन उद्योग संघ इच्छाकामना समितिका अध्यक्ष एवम् चितवन मेटल इन्जिनियरिङ्ग एण्ड फेब्रिकेशन उद्योग समितिका कार्यसमिति सदस्य रामहरि कँडेल लगायतले साधारणसभाको सफलताको शुभकामना व्यक्त गर्नुभएको थियो ।
साधारणसभाको अवसरमा समितिको बार्षिक गतिविधिहरुमा अग्रणी भूमिका निर्वाह गरेकोमा समितिका बरिष्ठ उपाध्यक्ष कृष्ण प्रसाद भण्डारी र सचिव दुर्गालाल सापकोटा, समितिका हरेक कार्यक्रमहरुलाई सहजीकरण मार्फत सहयोग गरेको भन्दै चितवन उद्योग संघका प्रशासकीय गोविन्द प्रसाद पौडेल र सञ्चार अधिकृत राजु भट्ट र समितिको कार्यालय व्यवस्थापनमा अहोरात्र खटी समितिको गतिविधिहरुलाई उद्योगीहरुमा माझ पु¥याउन महत्वपूर्ण भूमिका खेलेकोमा कार्यालय सहायक शोभा थापालाई सम्मान गरिएको थियो ।
चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रमलाई चितवन मेटल इन्जिनियरिङ्ग एण्ड फेब्रिकेशन उद्योग समितिका बरिष्ठ उपाध्यक्ष कृष्णप्रसाद भण्डारीले धन्यवाद मन्तव्य सहित समापन गर्नुभएको थियो ।
यसैबीच चितवन मेटल इन्जिनियरिङ्गको चौथो साधारणसभा अन्तर्गत बन्द सत्र कार्यक्रम समेत सम्पन्न भएको छ ।
चितवन मेटल इन्जिनियरिङ्ग एण्ड फेब्रिकेशन उद्योग समितिका अध्यक्ष तारा बहादुर कार्कीको अध्यक्षतामा सम्पन्न कार्यक्रममा चितवन उद्योग संघ रत्ननगर समितिका अध्यक्ष एवम् चितवन मेटल इन्जिनियरिङ्ग एण्ड फेब्रिकेशन उद्योग समितिका गोविन्द प्रसाद खनाल प्रमुख अतिथि रहनुभएको थियोे भने, चितवन उद्योग संघका पूर्व अध्यक्ष तारा प्रसाद पौडेल विशिष्ट अतिथि रहनुभएको थियो ।
बन्द सत्र कार्यक्रममा चितवन मेटल इन्जिनियरिङ्ग एण्ड फेब्रिकेशन उद्योग समितिका कोषाध्यक्ष राजकुमार श्रेष्ठले आर्थिक प्रतिवेदन प्रस्तुत गर्नुभएको थियो भने, चितवन मेटल इन्जिनियरिङ्ग एण्ड फेब्रिकेशन उद्योग समितिका सचिव दुर्गालाल सापकोटाले शसोधित विवादका अंशहरु प्रस्तुत गर्नुभएको थियो । सभामा सहभागी उद्योगीहरुले आर्थिक प्रतिवेदन र बिधान संशोधनका विषयमा छलफल गरी सभाबाट पारित समेत गरेको थियो ।
सभाले बिर बहादुर मगर, बेल बहादुर कार्की, अलाउदिन अन्सारीलाई साधारणसभाको निर्णय पुस्तिका प्रमाणितका लागि अख्तियारी प्रदान समेत गरेको थियो ।
चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रमलाई चितवन मेटल इन्जिनियरिङ्ग एण्ड फेब्रिकेशन उद्योग समितिका उपाध्यक्ष राजु पुडासैनीले धन्यवाद मन्तव्य सहित समापन गर्नुभएको थियो ।