समाचार

असार १२, चितवन ।

नीति तथा कार्यक्रम र बजेट पास गर्दै भरतपुर महानगरपालिकाको नगर सभा सम्पन्न भएको छ । महानगरको नीति तथा कार्यक्रम सर्वसम्मत रुपमा पास भएको महानगर प्रमुख रेनु दाहालले बताउनुभयो । महानगरपालिकाले आर्थिक वर्ष २०८०र०८१ का लागि अनुमानित आय व्ययसहितको ६ अर्ब ३१ करोड ७९ लाख ९० हजार रुपैयाँ बजेट बजेट पास गरेको हो ।
१३ औँ नगर सभाले भरतपुर महानगरपालिका न्यायिक समितिको प्रतिवेदन, लेखा समितिको प्रतिवेदन र संगठन तथा व्यवस्थापन सर्वेक्षण, राजस्व र व्ययको अनुमान ९बजेट० आर्थिक विधेयक २०८० र विनियोजन विधेयक २०८० पारित गरेको छ ।
यस्तै नगर सभाले गौतम बुद्ध अन्तर्राष्ट्रिय क्रिकेट रंगशालाको दायित्व फरफारक गर्न सरकारबाट प्राप्त सशर्त अनुदान धुर्मुस सुन्तली फाउण्डेसनलाई अनुदानका रुपमा भुक्तानी गर्ने सर्वसम्मतले पारित गरेको छ ।
नगर सभा समापन कार्यक्रमलाई सम्बोधन गर्दै प्रमुख दाहालले सबै नगरबासीको एकताले समृद्ध नगर निर्माण गर्न सहयोग पुग्ने बताउनुभयो ।
भरतपुरको विकासको लागि सबैले आ–आफ्नो ठाँउबाट सकारात्मक र रचानात्मक प्रतिस्पर्धा हुन आवश्यक रहेको उहाँको भनाई थियो ।
नीति तथा कार्यक्रमलाई पूर्ण रुपमा कार्यन्वन हुनेमा विश्वस्त रहेको प्रमुख दाहालले बताउनुभयो ।
आईतबार महानगरपालिकाका उपप्रमुख चित्रसेन अधिकारीले आन्तरिक आयआर्जनसँगै अन्तर सरकारी वित्तीय हस्तान्तरण,केन्द्र तथा प्रदेश सरकारको राजस्व बाँडफाँड तथा विविध कोष तथा आयबाट स्रोत व्यवस्थापन गर्ने गरी महानगरको आर्थिक वर्षको बजेट विनियोजन गर्नुभएको थियो ।
यसको व्यवस्थापन केन्द्र तथा बागमती प्रदेश सरकारको राजस्व बाँडफाँडबाट ५४ करोड ८० लाख १५ हजार, जनसहभाागिताबाट ५० करोड, बैंक मौज्दातबाट १ अर्व ६५ करोड तथा सडक बोर्ड नेपालबाट ३ करोड प्राप्त हुने अधिकारीले प्रक्षेपण गर्नुभएको छ ।
अन्तर सरकारी अख्तियारी शिर्षकमा महानगरपालिकाले १ अर्व १० करोड रुपैयाँ अनुमानित आय हुने अनुमान गरेको छ । जसलाई अन्तर सरकारी अख्तियारी शिर्षकबाट खर्च तथा लेखाङ्कनको प्रबन्ध मिलाउने बताईएको छ । महानगरपालिकाले निर्माण सम्पन्न हुन नसकेका र भुक्तानी बाँकी रहेका तथा क्रमागत योजनाहरूका लागि १ अर्ब ६५ करोड बजेट विनियोजन गरेको छ । महानगरका २९ वटा वडालाई सम्बन्धित वडाबाट नै कार्यान्वयन हुने कार्यक्रमका लागि हरेक वडालाई २ करोड ७५ लाखका दरले ७९ करोड ७५ लाख रुपैयाँ विनियोजन भएको छ ।
सभामा १५ जना सदस्यहरुले महानगरपालिकाको विकास निर्माण जनताको माग र चाहनाका साथै कार्य सम्पादनमा भए गरेका समस्याका बारेमा आआफ्नो धारणा राख्नुका साथै प्रस्ताविट नीति, कार्यक्रम र विधेयकमाथि आफ्नो सुझाव राखेका थिए ।
सो अवसरमा महानगरपालिका प्रमुख रेनु दाहाल, उपप्रमुख चित्रसेन अधिकारी, प्रमुख प्रसाशकीय अधिकृत नरेन्द्रकुमार रानाले विषयगत क्षेत्रबाट आएका जिज्ञासाहरुको सुझाव तथा जवाफ दिनुभएको थियो ।

चितवन, असार १२ ।

भरतपुरको उत्कृष्ट शिक्षालयको रुपमा नेपाल पोलिटेक्निक इन्सिच्युट (एनपीआई) सम्मानित भएको छ । भरतपुर महानगरपालिकाले १३ औं नगरसभाको अवसरमा एनपीआईलाई सम्मानित गरेको हो । आर्थिक वर्ष २०७९/८० मा प्राविधिक शिक्षा, कृषि, पशु र इन्जिनियरिङ क्षेत्रमा क्रियाशिल रहँदै आएर व्यवसायिक दायित्व नियमितरुपमा पूरा गरेको भन्दै उत्कृष्ट व्यवसायिक शैक्षिक संस्थाको रुपमा सम्मान गरेको भरतपुर महानगरपालिकाले जनाएको छ ।

नगरसभाको १३ औं अधिवेशनको समापन शत्रमा भरतपुर महानगरकी मेयर रेनु दाहालले एनपीआई कलेजका प्रमुख कार्यकारी अधिकृत शिव सुवेदीलाई दोसल्ला र सम्मानपत्रसहित सम्मान गरेकी हुन् । नेपालको मध्य भागमा रहि कृषि, इन्जिनियरिङ, स्वास्थ्य र भेटेरिनरी शिक्षाको क्षेत्रका जनशक्ति उत्पादन गर्दै आइरहेको यस नेपाल पोलिटेक्निक इन्स्टिच्युट कलेज उत्कृष्ट शिक्षालयको रूपमा भरतपुर महानगरपालिकाबाट सम्मानित भएकोमो सुवेदीले आभार प्रकट गरेका छन् । कलेजलाई यो स्थानसम्म लयाउन सहयोग पु्याउनु हुने सम्पूर्ण शिक्षक , अविभावक, विद्यार्थी ,कलेज सञ्चालक समिति एवम् कर्मचारी साथीहरूमा बधाई तथा भरतपुर महानगरपालिका प्रति हार्दिक आभार व्यक्त उनले धन्यवाद दिएका छन् ।’