समाचार

जेठ २६, भरतपुर । हानामी अन्तर विद्यालय फुटबलमा सनराइज इंग्लिस स्कुल र जनप्रिय स्कुल विजयी भएका छन् ।

भरतपुर १० स्थित गेस्ट हाउस चौरमा आज भएको आजको पहिलो खेलमा सनराइजले अर्बिट स्कुललाई ३(० ले पाखा लगायो । सनराइजको जितमा विलिभ भट्टराईले दुई गोल गरे । सनराइजले एक गोल उपहार पायो ।

पहिलो हाफको दोस्रो मिनेटमा नै विलिभले गोल गर्दै सनराइजलाई अग्रता दिलाए । पाचौं मिनेटमा सनराइजले उपहार गोल पायो । अर्विटका खेलाडी बारमा लागेर फर्किएको बल क्लियर गर्ने क्रममा आफ्नै पोष्टमा गोल गरे ।

दोस्रो हाफमा सनराइजले एक गोल थप्यो । दोस्रो हाफको १२ औं मिनेटमा विलिभले व्यक्तिगत दोस्रो गोल गरेपछि सनराइज ३(० ले विजयी भयो । विलिभ नै म्यान अफ दि म्याच चुनिए ।

आजको दोस्रो खेलमा जनप्रिय स्कुलले डन एकेडेमीलाई पराजित गर्‍यो । प्रतिस्पर्धात्मक खेलमा जन प्रियले डन एकेडेमीलाई ४(२ ले पराजित गर्‍यो ।

त्यस अघि पहिलो हाफको १० औं मिनेटमा एन्जिल तामाङले गोल गर्दै जनप्रियलाई अग्रता दिलाएका थिए । दोस्रो हाफको अन्त्य तिर सम्पन्न राउतले गोल गर्दै डन एकेडेमीलाई खेलमा फर्काए । तर टाईब्रेकरमा जन प्रियसँग डन एकेडेमी निराश भयो । जनप्रियका एन्जिल म्यान अफ दि म्याच भए ।

प्रतियोगिता अन्तर्गत शनिबार पनि दुई खेल हुनेछ । पहिलो खेलमा दिउँसो ४ बजे बालकुमारी इंग्लिस स्कुल र ग्राण्डी स्कुल भिड्नेछन् । यस्तै दोस्रो खेलमा अपरान्ह ५ बजे ब्राइट स्टार र नारायणी पब्लिक स्कुल भिड्नेछन् ।

भरतपुर फुटबल क्लब र यात्रा ग्रुपको आयोजनामा जारी प्रतियोगिता असार २ गतेसम्म सञ्चालन हुनेछ । प्रतियोगिताको विजेताले २० हजार रुपैयाँसहित ट्रफी प्राप्त गर्नेछ । यस्तै उपविजेताले दश हजार रुपैयाँ र ट्रफी प्राप्त गर्नेछन् ।

जेठ २४, भरतपुर । प्रधानमन्त्री पुष्पकमल दाहाल प्रचण्डले सरकारले गरेको निर्णयलाई राष्ट्रपतिले प्रमाणीकरण गर्नु स्वभाविक भएको बताउनुभएको छ ।
बुधबार राष्ट्रिय सभाको बैठकमा भारत भ्रमण लगाएतका बिषयमा जानकारी गराउदै प्रधानमन्त्री प्रचण्डले यसअघि दुईपटक पठाइएको विधेयक राष्ट्रपतिबाट प्रमाणीकरण नगरेर संविधान उल्लंघन गर्ने काम भएकाले संकट उत्पन्न भएको भन्दै अहिलेको सरकारको अनुरोधमा राष्ट्रपतिले नागरिकता विधेयक प्रमाणीकरण गर्नु स्वभाविक भएको बताउनुभएको हो ।

उहाले राष्ट्रपतिले प्रक्रिया पु¥याएर पठाएको विधेयक प्रमाणीकरण नगरे विधेयकको अवस्था के हुन्छ भन्ने संविधानबाट स्पष्ट हुन नसक्दा समस्या भएको बताउनुभयो । विधेयक उत्पति भएको ठाउँ खोज्दै जाँदा सरकार नै हो भन्ने निष्कर्षमा पुगेर राष्ट्रपतिलाई जानकारी गराएको र विधेयक प्रमाण्ीकरण भएको उहाले बताउनुभयो । उहाले यस बिषयमा अदालतमा मुद्धा परिसकेको अवस्थामा अदालतले दिने आदेश स्वीकार्य हुने बताउनुभयो ।

प्रधानमन्त्री प्रचण्डले सीमा नाकामा देखिएको समस्या दुईदेशीमिलेर समाधान गर्ने बिषयमा सकारात्मक वातावरण बनेको जिकिर गर्नुभयो । उहाले भूमि सट्टा पट्टाका बारेमा कुनै कुरा नराखेको र यस बिषयमा आवश्यक परे प्रमाण देखाउन पनि तयार रहेको बताउनुभयो । मुलुकको हितको पक्षमा भारत भ्रमणका क्रममा विवेकले भ्यायसम्म प्रयास गरेको र आफु सम्मानीत भएको महशुस भएको उहाको भनाइ छ । उहाले आफ्नो भ्रमण आगामी दिनमा द्विपक्षीय सम्बन्धलाई अझ बलियो बनाउने दिशामा केन्द्रित रहेको बताउनुभयो । 

नेपालगञ्ज र भैरहवाबाट नयाँ दिल्ली लगायतका भारतका अन्य शहरमा दुई तर्फी उडान गर्ने सम्बन्धमा सकारात्मक छलफल भएको उहाले बताउनुभयो । त्यसैगरी, जलविद्युतका क्षेत्रमा सहकार्य गर्ने सम्बन्धमा समेत बलियो सहमति निर्माण भएको प्रधानमन्त्री प्रचण्डले बताउनुभयो ।

नेपाल र भारतबीच रहेको बहुआयामिक र घनिष्ठ सम्बन्धलाई समानता र आपसी लाभका आधारमा थप मजबूत बनाउन भ्रमणले योगदान गरेको उहाको भनाइ छ । त्यस्तै उहाले गत वर्ष सम्पन्न आम निर्वाचनपश्चातको पहिलो विदेश भ्रमणको रूपमा रहेको यो भारत भ्रमण विगतका भ्रमण भन्दा फरक पाएको र भविष्यका लागि स्पष्ट मार्गदर्शन समेत कोरेको जिकिर गर्नुभयो ।

जेठ २४, भरतपुर । 

समाजवादी प्रेस संगठन नेपाल चितवनको जिल्ला अध्यक्षमा पुनः टीकादत्त तिमिल्सिना चयन भएका छन् । भरतपुरमा बुधवार सम्पन्न प्रथम साधरण सभा तथा अधिवेशनले तिमिल्सिनाको अध्यक्षतामा नयाँ कार्यसमिति चयन गरेको हो । समितिको उपाध्यक्षमा रामु आचार्य, महिला उपाध्यक्षमा सरस्वती लामा, सचिवमा विशाल आलेमगर, कोषाध्यक्ष बविलाल तामाङ, सह–सचिवमा विजय चौधरी चयन भएका छन् । सदस्यहरूमा उषा श्रेष्ठ, कविता गायक, सुरेश अधिकारी, अर्जुन चौधरी र एलिशा तिमिल्सिना चयन भएका छन् । संगठनको केन्द्रीय महाधिवेशन जेठ २६ र २७ गते काठमाडौंमा हुँदैछ । त्यसका लागि सरस्वती लामा, रामु आचार्य, दिलु नेपाल र विशाल आलेलाई केन्द्रीय प्रतिनिधिको रुपमा चयन गरिएको छ । कार्यक्रमलाई सम्बोधन गर्दै एकीकृत समाजवादीका स्थायी कमिटी सदस्य तथा पूर्व कृषि मन्त्री हरि पराजुलीले मुलुक संकटपूर्ण अबस्थामा रहेको बताएका छन् । गणतन्त्र स्थापनापछि पनि जनताको जीवन स्तरमा परिबर्तन आउन सकेन भन्दै उनले नागरिकले गणतन्त्रको अनुभूति गर्न नसकेको बताए । गठबन्धनको सरकारले जनपक्षीय बजेट ल्याउन असफल भएको उनको भनाई छ । एकीकृत समाजवादीका जिल्ला अध्यक्ष अरुण पीडित भण्डारी, जिल्ला सचिव कुलप्रसाद लामिछाने, पार्टीका जिल्ला सहसचिव नरेन्द्र कन्दवाङ, सुचना पुनराबेदन समितिमा अध्यक्ष हरि अधिकारी, पत्रकार महासंघ चितवनका कोषाध्यक्ष राजेन्द्र आचार्य, प्रेस युनियन चितवनका उपाध्यक्ष प्रस्ताव सुवेदी, प्रेस सेन्टरका केन्द्रीय सदस्य सन्तोष देउजा, क्रान्तिकारी पत्रकार संगठनका जिल्ला अध्यक्ष प्रेम कँडेल, जनपत्रकार संगठनका जिल्ला अध्यक्ष होमनाथ न्यौपाने लगायतले मन्तव्य राखेका थिए । उपाध्यक्ष ज्ञानेन्द्र तामाङले स्वागत मन्तब्य राखेको सो कार्यक्रम सचिव रामु आचार्यले सञ्चालन गरेका थिए ।