समाचार

बैशाख ४, रत्ननगर । तस्विर:  कोमल चन्द्र भगत । वन्यजन्तु संरक्षणको सन्देश विद्यार्थी मार्फत समुदायमा फैलाउने उद्देश्यले सौराहामा दुई प्रतियोगिता गरिएको छ ।चितवनमा जारी वन्यजन्तु सप्ताह अन्तर्गत संरक्षण सम्बन्धी चित्रकाला र बक्तृत्वकाला प्रतियोगिता गरिएको हो । मृगकुञ्ज उपभोक्ता समिति र समुदायमा आधारित चोरी सिकार नियन्त्रण युवा जागरण अभियान उपसमितिले आयोजना गरेको सो प्रतियोगिताको साहित्यकार धनराज गिरीले गरेका थिए ।चित्रकला प्रतियोगितामा न्यू स्पीडि इङ्लिस बोडिङ स्कुलकी प्राश्ना महतो प्रथम, लाइसीयम बोडिङ स्कुलकी बन्दना राना द्धितिय, बैरिया माविकी सविना खातुन तृतीय र एन्जलर्स आमाविका निरज मुखिया र बकुलहर माविका पुसन गिरी सान्त्वना भएका छन् ।

बक्तृत्वकला प्रतियोगितामा ग्रिनसोसाईटी पब्लिक स्कुलकी सायोना भूषाल प्रथम, नेपाल माविकी सर्वज्ञा पौडेल द्धितीय, पञ्चकन्या विद्या मन्दिरकी सम्या रिजाल तृतीय र बैरिया माविकी अदितीआचार्य र एन्जलर्स वर्ड आमाविका हेमन्त पौडेल सान्त्वनाले स्थान हासिल गरेका छन् ।चित्रकला प्रतियोगिताको निर्णायकमा ऋषिराम सुवेदी र पुष्पराज मरहठ्ठा, बक्तृत्वकला प्रतियोगिताको निर्णायकमा धनराज गिरी र शिवप्रसाद भूषाल रहेका थिए । चित्रकलामा प्रथम हुनेलाई पाँच हजार, द्धितृय हुनेलाई तीन हजार, तृतीय हुनेलाई दुई हजार र सान्त्वना हुने दुईजनालाई एक एक हजार तथा बक्तृत्वकलामा प्रथम हुनेलाई १० हजार, द्धितीय हुनेलाई सात हजार, तृतीय हुनेलाई पाँच हजार र सान्त्वना हुने दुई जनालाई दुईदुई हजार प्रदान गरिएको छ ।उद्घाटन कार्यक्रममा मृगकुञ्जका अध्यक्ष दुर्गाप्रसाद घिमिरेले सप्ताहको महत्वपूर्ण कार्यक्रमको रुपमा विद्यालय स्तरीय प्रतियोगिता गरिएको बताए । उनले वन तथा वन्यजन्तु संरक्षणको सन्देश विद्यार्थी मार्फत समुदायमा पु¥याउने उद्देश्यले प्रतियोगिता गरिएको बताए ।

सप्ताह अन्तर्गत भोली बुधबार राप्ती नदी सरसफाई र डुंगा सयर कार्यक्रम रहेको बाघमारा वनका अध्यक्ष जीतु तामाङले जानकारी दिए । समुदायमा आधारित चोरी सिकार नियन्त्रण युवा जागरण अभियानका अध्यक्ष वसन्त रानाले सञ्चालन गरेको कार्यक्रममा रिभर च्याम्पियन उषा महतोले स्वागत मन्तव्य राखेकी थिइन् ।कार्यक्रममा वर्ड एजुकेशन सोसाइटीका अध्यक्ष टिकाराम गिरी, टिकौली वनका कार्यबहाक अध्यक्ष टिकाराम आचार्य, जनकौली वनका सहसचिव फडिन्द्र चौधरी लगायतको उपस्थिति रहेको थियो । चित्रकलाको सहमति संस्था, डेनिडा र डब्लुडब्लुएफ सहयोगी संस्था रहेका थिए ।

बैशाख ३, रत्ननगर । तस्विर कोमलचन्द्र भगत । पर्यटकीय नगरी सौराहा नजिक रहेको जनकौली मध्यवर्ती सामुदायिक वनमा सोमबार चरा अबलोकन गरिएको छ । चितवनमा जारी २९औं वन्यजन्तु सप्ताह अन्तर्गत चराको अबस्ता पत्ता लगाउन र सामुदायिक वनको पहिचानको लागि चरा अबलोकन गरिएको हो । जनकौली मध्यवर्ती सामुदायिक वनको आयोजना तथा चितवन राष्ट्रिय निकुञ्ज, मृगकुञ्ज मध्यवर्ती उपभोक्ता समिति, वर्ड एजुकेशन सोसाइटी चितवन सौराहा र नेचर गाइड एशोसियसन सौराहाको सहकार्यमा चरा अबलोकन गरिएको छ । चरा संरक्षणकर्मी र नेचर गाइडहरुले सो सामुदायिक वनमा उपकरणको प्रयोग गरी चराको अबस्था हेर्नुका साथै संरक्षणकर्मीहरुलाई चरा संरक्षणमा भएका प्रयास र प्रजातीको बारेका जानकारी समेत गराएका थिए । सो सामुदायिक वन चराको बासस्थानको हिसाबले अब्बल मानिदै आएको छ । चितवनमा रहेका ६५५ प्रजाती मध्ये ५० प्रतिशत प्रजाती सो सामुदायिक वनमा रहेको वर्ड एजुकेशन सोसाइटीका पूर्व अध्यक्ष बासु विडारीले जानकारी दिए । चरा लगायत दुर्लभ वन्यजन्तुको राम्रो बासस्थान हुँदाहुँदै पनि सो सामुदायिक वनलाई सौराहाको पर्यटन संग जोड्न सकिएको छैन् ।

सौराहाको निकटका रहेका अन्य बाघमारा, चित्रसेन,कुमरोज सामुदायिक वनले पर्यापर्यटनबाटै बार्षिक दूई करोड रुपैया आम्दानी गर्दै आएका छन् । करिब २० बर्ष नेतृत्व कमजोर हुँदा जनकौली वनमा पर्यापर्यटनको विकास गर्न नसकिएको हो ।ओझेलमा रहेको जनकौली वनको प्रचारप्रसार र पर्यापर्यटनको विकासको लागि दवाव र्सिजना गर्न वन्यजन्तु सप्ताहको अबसरमा पारेर चरा अबलोकन कार्यक्रम राखिएको वर्ड एजुकेशन सोसाइटीको अध्यक्ष टिका गिरीले बताए । चरा अबलोकन सुरु हुनुपूर्व मृगकुञ्जका अध्यक्ष दुर्गाप्रसाद घिमिरेले सो कार्यको उद्घाछन गरेका थिए । सो अबसरमा बोल्दै उनले सौराहाको काखैमा रहेको जनकौली वनमा पर्यापर्यटनको विकास गर्न नसकिएको बताए । चराको राम्रो बासस्थान रहेको जनकौलीमा पर्यटक आर्कषित गर्ने गतिविधि आवश्यक रहेको उनको भनाई छ । उनले पर्यटकलाई डुंगा सयर गराइरहेको जनकौलीमा निकट भविश्यमा जीप सफारी सञ्चालन गरी उपभोक्ताको जीविकोपार्जन आधार तयार गर्ने बताए । वर्ड एजुकेशन सोसाइटीका अध्यक्ष गिरीले वन्यजन्तु सप्ताह प्रति सौराहाका व्यवासयी उदासीन रहेको बताए । वन्यजन्तु देखाएर व्यवसाय गरिरहेका व्यवसायीहरु नै सप्ताहमा उपस्थित भएनन उनले भने संरक्षणकर्मीले जोगाइदिएर व्यवसाय चल्ने भनेर सोच्ने मुर्खता मात्र हो । जनकौली वनका अध्यक्ष जोगेन्द्र महतोले सामुदायिक वनमा चराको राम्रो बासस्थान रहेको बताए । अन्य देशहरुबाट आउने चराहरुले जनकौलीमै बच्चा जन्माएर फर्किने गरेको उनको भनाई छ । कार्यक्रममा चितवन निकुञ्जका रेन्जर अक्षय चौधरी, बाघमारा वनका अध्यक्ष जीत बहादुर तामाङ, नेचर गाइड एशोसियसनका अध्यक्ष अनिल गुरुङ लगायतले मन्तव्य राखेका थिए । वनकी सदस्य सावित्री अर्यालले स्वागत मन्तव्य राखेको सो कार्यक्रम सहसचिव फडिन्द्र चौधरीले सञ्चालन गरेका थिए । सप्ताह व्यापी कार्यक्रम अन्तर्गत भोली बैशाख ४ गते वन्यजन्तु संरक्षण मुलक विद्यालय स्तरीय चित्रकला प्रतियोगिता, सोही दिन वन्यजन्तु र मानिस बीचको सहअस्थित्व सम्बन्धी विद्यालय स्तरीय बक्तृत्वकला प्रतियोगिता, ५ गते डुंगा सयर, ६ गते वन,वन्यजन्तु र बाताबरण संरक्षणमुलक सचेतना रयाली गरिने छ । सप्ताहको अन्तिम दिन बैशाख ७ गते वन, वन्यजन्तु तथा जैविक विविधता संरक्षणमा सम्भावना र चुनौती विषयक अन्तक्र्रिया र संरक्षणमा योगदान दिएकाहरुलाई विभिन्न विधामा सम्मान गरिने जनाइएको छ । मृगकुञ्जको अगुवाईमा निकुञ्ज, स्थानीय सरकार, राष्ट्रिय प्रकृति संरक्षण कोष सहित सामुदायिक वन, सौराहाको पर्यटनसंग सम्बन्धित संघसंस्था गरी २६ वटा संघसंस्थाको सहकार्यमा सप्ताह सुरु भएको हो ।

बैशाख २, रत्ननगर । तस्विर कोमल चन्द्र भगत ।  चितवनमा शनिबारबाट सुरु भएको २९औं वन्यजन्तु सप्ताह सप्ताह अन्तर्गत आइतबार टिकौलीमा राजमार्गको दायाँबाया सरसफाई गरिएको छ । टिकौली मध्यवर्ती सामुदायिक वनको आयोजनामा भएको कार्यक्रममा टिकौली जंगलको रत्ननगर खण्डको दुबै तर्फ सरसफाई गरिएको हो । कार्यक्रममा सहभागी संरक्षणकर्मी, जनप्रतिनिधि तथा सरसफाई अभियान्ताहरुले राजमार्गको वरिपरी जथाभावि फालेका प्लाष्टिक र सिसा जन्य फोहोर संकलन गरी व्यवस्थापन गरिएको थियो । संकलित फोहोर सफा उर्जा उत्पादन प्रा।लि।ले व्यवस्थापन गरेको हो ।

वडा नं ९ का वडाध्यक्ष अनन्त अधिकारी प्रमुख अतिथि रहेको सो कार्यक्रममा मृगकुञ्ज मध्यवर्ती उपभोक्ता समितिका अध्यक्ष दुर्गाप्रसाद घिमिरेले टिकौली जंगलमा जथाभावि फालेको फोहोरले वन्यजन्तुलाई गम्भीर असर परेको भन्दै जैविका विविधताको संरक्षणको लागि सरसफाई गरिएको बताए । उनले सप्ताहमा संरक्षणमा दीर्घकालिन प्रभाव पर्ने प्रकृतिका कार्यक्रमहरु आयोजना गरिएको बताए । वनका उपाध्यक्ष टिकाराम आचार्यको अध्यक्षतामा भएको सो कार्यक्रममा वर्ड एजुकेशन सोसाइटीका अध्यक्ष टिकाराम गिरीले वन्यजन्तु सप्ताहको महत्वका बारेका प्रकास पारेका थिए । वनकी सचिव शान्ति रिजालले सञ्चालन गरेको सो कार्यक्रममा कोषाध्यक्ष राधा पौडेल सुवेदीले स्वागत मन्तव्य राखेकी थिइन् । सप्ताह व्यापी कार्यक्रम अन्तर्गत बैशाख ३ गते चरा अबलोकन, ४ गते वन्यजन्तु संरक्षण मुलक विद्यालय स्तरीय चित्रकला प्रतियोगिता, सोही दिन वन्यजन्तु र मानिस बीचको सहअस्थित्व सम्बन्धी विद्यालय स्तरीय बक्तृत्वकला प्रतियोगिता, ५ गते डुंगा सयर, ६ गते वन,वन्यजन्तु र बाताबरण संरक्षणमुलक सचेतना रयाली गरिने छ । सप्ताहको अन्तिम दिन बैशाख ७ गते वन, वन्यजन्तु तथा जैविक विविधता संरक्षणमा सम्भावना र चुनौती विषयक अन्तक्र्रिया र संरक्षणमा योगदान दिएकाहरुलाई विभिन्न विधामा सम्मान गरिने बाघमारा मध्यवर्ती उपभोक्ता समितिका अध्यक्ष जीतबहादुर तामाङले जानकारी दिए । मृगकुञ्जको अगुवाईमा निकुञ्ज, स्थानीय सरकार, राष्ट्रिय प्रकृति संरक्षण कोष सहित सामुदायिक वन, सौराहाको पर्यटनसंग सम्बन्धित संघसंस्था गरी २६ वटा संघसंस्थाको सहकार्यमा सप्ताह सुरु भएको हो ।