देवघाटधाम महामहोत्सवको नाममा महाराज इश्वर कृष्ण भुर्तेलले गरेका क्रियाकलाप प्रति विश्व हिन्दु महासंघको आपत्ति
माघ २, चितवन । तस्विर कोमल चन्द्र भगत । सनातन सभ्यता संस्कार संस्कृति रक्षार्थ र वैदिक सनातन हिन्दू राष्ट्र पुनस्थापनका लागि काम गर्दै आएको विश्व हिन्दु महासंघ चितवनले मकर संक्रान्तिको बेला देवघाट नै कब्जा गरी अरुको गतिविधि निस्तेज गर्ने दुष्प्रयास प्रति आपत्ति जनाएको छ । आज भरतपुरमा पत्रकार सम्मेलन गर्दै स्वघोषित महाराजले जिल्ला प्रशासन कार्यालयमा त्यस्ता कार्यलाई सच्याउने र सबैको साझा थलोको रुपमा र साझा एजेण्डाको रुपमा काम गर्न प्रतिबद्धता गरे पनि उन गतिविधी नरोकिएको महासंघले जनाएको छ । ऐतिहासिक धार्मिक एवं पौराणिक देवघाट धामको गरिमा आफैंमा महत्त्त्वपूर्ण छ।
देवघाटसँग जोडेर महामहोत्सव नाम दिइएको ईश्वर कृष्ण भुर्तेलले आयोजना गरेको एक महिना लामो महामहोत्सव सुरुबाटै विवादित भइरहँदा उनका गतिविधि र दादागिरी झन् बढाउँदै गएको भन्दै महासंघले विरोध गरेको हो । ठाउँ ठाउँ र देवघाटमा समेत विभिन्न अनुष्ठानमा विवादमा परेका स्वघोषित महाराज आफ्ना कर्तुत लुकाउनकै लागि अन्य संघ संगठनलाई मानमर्दन गर्ने झुट र भ्रामक प्रचार गर्ने छद्मभेसी भाषा अपनाउने काम गरिरहेको विश्व हिन्दु महासंघ चितवनका अध्यक्ष प्रेम प्रसाद गैरेले जानकारी दिनुभयो । सोझो समाज र कृपालु भक्तजनहरूको श्रद्धा र भावनासँग खेली करोडौं रकम उठाउने धन्दा चलाइरहेको परिपेक्षमा पारदर्शिता र स्पष्टता खोज्दा महाराज भनिएका भुर्तेल रिसाउने आफ्नै सेना छन् ,भन्ने आफ्नै टेलिभिजन छ जसबाट प्रचारप्रसार गरेर विभिन्न संस्थाको बदनाम गर्छु भन्ने जस्ता गैर जिम्मेवारी अभिव्यक्ति दिने बेथिती बिरुद्द को आवाज उठाउने संस्थाहरुलाई किन्न सक्छु भन्ने विभिन्न आरोप प्रत्यारोप लगाउने व्यवहारप्रति विश्व हिन्दु महासंघले खेद प्रकट गरेको अध्यक्ष गैरेले बताउनु भयो ।
महामहोत्सव भनेको के हो ? यसको धार्मिक र वैदिक महत्त्व के छ ? यो बारे पनि प्रष्ट पार्न निज स्वघोषित महाराजलाई महासंघले चुनौती दिएको छ । साथै देवघाट क्षेत्रको पुरातात्विक र शास्त्रीय महत्वको भावना बुझेर मात्रै कंक्रीट र बालुवाको संरचना बनाउन स्वीकृति दिन त्यस पालिका र देवघाट क्षेत्र विकास समितिलाई अनुरोध महासंघले अनुरोध गरेको छ । विकास का नाममा पुरातात्विक महत्व नबुझी ऋषी परम्पराको केन्द्रको रुपमा स्थापित देवघाट क्षेत्र लाई कंक्रीट र बालुवाको कृत्रिम शहर बनाउने काम सनातन सस्कृती र सभ्यताको संरक्षण बिरुद्दको कार्य हो । यस्ता आदिप्रयागराज देवघट्टमा मकर महिनाको विशिष्ट समयमा उपस्थित भक्तहरूलाई बिनाशास्त्रीय अनुष्ठान एउटा चटके नाटक मञ्चन गरी व्यबकुब बनाउने कार्यले सनातन संस्कृतिमाथिको आस्थामा नै आच आउने हुँदा यस्तो नौटंकी र व्यवसायी सोच भएका शास्त्रीय मर्यादा र आचारसंहिताको धज्जी उडाउने महाठगदेखि सचेत तथा साबधान रहन सम्पूर्ण सनातनीहरुलाई हार्दिक अपिल गरिएको छ ।
यी र यस्ता पर्वहरूको विशिष्टतालाई भजाएर आर्थिक लाभ लिई धर्मका नाममा लुट मच्चाउने व्यक्तिहरुलाई सनातनी समाजले पक्कै बहिष्कार गर्नेमा महासंघ जनाएको छ । वैदिक शास्त्रीय अनुष्ठानहरु नै समावेश नभएको महामहोत्सव नामक नाटकलाई दान दिनु सनातन संस्कृति र कुल परम्पराको समेत विरुद्ध हुने हुँदा दान र व्यासको मर्यादालाई ख्याल गरी यी र यस्ता गतिविधिलाई निरुत्साहित गर्न सम्पुर्ण सनातनी हरुलाई अनुरोध विश्व हिन्दु महासंघले गरेको छ ।
