समाचार

नारायणगढ, १९ बैशाख
अन्तराष्ट्रिय श्रमिक दिवस आज बिबिध कार्यक्रम गरी संसारभर मनाईएको छ । नेपालमा पनि श्रमिक दिवसमा दशैभरी बिभिन्न कार्यक्रम सम्पन्न भएका छन् । नेपाल ट्रेड युनियन काँग्रेस चितवनले१३५ औं अन्तराष्ट्रिय श्रमिक दिवसको अवसरमा आज नारायणगढमा बृहत ¥याली एवं श्रमिक सभा सम्पन्न गरेको छ ।कार्यक्रममा नेपली काँग्रेसका केन्द्रिय सह–महामन्त्री बद्री पाण्डेले सभालाई सम्बोधन गर्दे बदलिदो परिवेशमा पनि ट्रेड युनियनले आफ्नो आवश्यकता र औचित्य पुष्टि गर्न सक्नुपर्ने बताएका थिए । कार्यक्रममा पाण्डले ट्रेड युनियन आन्दोलन लोकतान्त्रिक आन्दोलनको पुरुक आन्दोलन भएको भन्दै बिकासका लागि ट्रेड युनियन आन्दोलन लाई प्रोत्साहन गनुपर्ने बताए । उनले ‘ट्रेड युनियन र पाटीको सम्बन्ध प्रारम्भ देखि नै सुमधुर भएको र ट्रेड युनियन आन्दोलनलाई पाटीले फरक मोर्चाको आफ्नो आन्दोलनको रुपमा लिएको बताए ’। बिपि कोईरालाले नेपाली काँग्रेसको बिधान निमार्ण गर्दा होस वा आफु प्रधानमन्त्रि भएको समयमा भित्तामा किसानको तस्वीर राख्ने निर्णय श्रमप्रतिको सम्मान भएको उनको तर्क थियो । बि।स। २००३ सालमा गिरिजाप्रसाद कोईरालाले बिराटनगर जुट मिलको आन्दोलनको शरुवात पनि श्रमजिबीको पक्षको बृहत्त एक्यवद्धता भएको अनुरोध गरे । बि।स। २०१६ सरकारले कारखान मजदुर ऐन होस या २०४८÷२०४९ सालमा ल्याएको श्रम ऐन÷ नियमावली ल्याएको कुरा सबैले बुझ्न आग्रह गरेका थिए । आजको सामाजिक सुरक्षा ऐन नेपाली काँग्रेसको सरकारको देन भएको बताए । श्रमीकका कुरालाई नेपाली काँग्ैसले सधैभरी प्रमुखता दिएका स्मरण गर्दै श्रमजिबीहरुका पक्षमा थप कार्यका लागि २०८४ को निर्वाचनमा बहुमत ल्याउने गरी कार्य गर्न समेत अनुरोध गरेका थिए । ट्रेड युनियन आन्दोलन लोकतन्त्रमा मात्र सम्भब छ भन्दै ट्रेड युनियन आन्दोलनलाई दवाएर लोकतान्त्रिक बन्न नसकिने बताए । हाल केहि अतिवादीहरुले ट्रेड युनियन आन्दोलनलाई बन्द गरेर लोकतन्त्रलाई बलियो बनाउने गफ गर्दै हिढ्न थालेको श्रमजिबीहरु चनाखो बन्नुपर्ने बताए । कार्यक्रममा नेपाली काँग्रेसका केन्द्रिय सदस्य टेक प्रसाद गुरुङ्ग, जिल्ला सभापति राजेश्वर खनाल, निवर्तमान सभापति जीत नारायण श्रेष्ठ, नेपाल ट्रेड युनियन काँग्रेसका उपाध्यक्ष गणेश के।शी, केन्द्रिय सदस्यहरु धनश्याम चापागाई, सीता शर्मा पौडेल, पुर्व केन्द्रिय सदस्य लइमण भट्टराई लगायतले सबै श्रमजिबी र श्रमको सम्मान गर्न पर्ने कुरामा जोड दिएका थिए । क्याम्पाचौर नारायणबाट शुरु भएको ¥याली नारायणगढका बिभिन्न स्थान परिक्रम गर्दै उद्योग बाणिज्य संघ नारायणगढ पुगेको थियो । ¥यालीमा नेपाल ट्रेड युनियन काँग्रेसमा आवद्ध बिभिन्न संघ सस्थाका प्रतिनिधिहरुको उपस्थिती रहेको थियो । ¥यालीपछी सभाको सभापतित्व नेपाल ट्रेड युनियन काँग्रेस चितवनका सभापति हरिहर सापकोटाले गरेका थिए ।

चितवन, वैशाख १६ । नारायणी तटबन्धनको कार्य प्रगतिबारे भरतपुर महानगरपालिका प्रमुख रेनु दाहालसहितको टोलीले निरीक्षण गरेको छ ।
तटबन्धको पहिलो चरणको २० किलोमिटर मध्ये ८ किलोमिटरको काम सम्पन्न भइसकेको छ । यो कुल कामको ४० दशमलव ९९ प्रतिशत हो ।
वर्षातको समय नजिक आएसँगै प्रमुख दाहालले तटबन्धनको निरीक्षणमा सक्रियता देखाउनु भएको हो । आयोजनाका अनुसार अहिले ५ वटा प्याकेजको ४० प्रतिशत काम सम्पन्न भइसकेको छ भने बाँकी काम तीब्र रुपमा अघि बढेको छ । निरीक्षणका क्रममा प्रमुख दाहालले तटबन्धनको कार्य प्रगतिकोबारे जानकारी लिनु भएको थियो । तटबन्धनका लागि अहिले केही स्थानमा बिग बोल्डर (ठुलो चट्टान) झार्ने कार्य भइरहेको छ । यस्तै गोलाघाट क्षेत्रमा ड्याम बनाउने काम तीब्र रुपमा अघि बढेको छ । निरीक्षण पश्चात संचारकर्मीसँग कुराकानी गर्दै प्रमुख दाहालले समग्रमा कामको प्रगति सन्तोषजनक रहेको बताउनुभयो ।अहिले अधिकांश विकास निर्माणको काममा ढिला सुस्ती भइरहे पनि तटबन्धनको काम सन्तोषजनक रहेको उहाँको भनाइ थियो ।
पहिलो चरणमा अति जोखिम रहेको २० किमीमा तटबन्धनको काम भइरहेकाले यसपछि प्राथमिकताका आधारमा तटबन्धको काम अगाडि बढ्ने उहाँले जानकारी दिनुभयो । तटिय क्षेत्रमा बसोबास गर्ने जनतालाई धेरै नै जोखिम भएकाले नारायणी नदी व्यवस्थापन आयोजनाको सहकार्यमा डिपिआर निर्माण गरेको उल्लेख गर्नुभयो । तटबन्धनको कार्यले जनताका जग्गाहरु सुरक्षित हुँदै गएको छ भने नदी उकासबाट निस्किएका जग्गालाई महानगरले संरक्षण गर्ने प्रमुख दाहालले बताउनुभयो । तटबन्धको कार्यले निरन्तरता दिदै गएपछि भरतपुरका लागि ठुलो उपलब्धी हुने उहाँको भनाइ थियो । नारायणी नदी व्यवस्थापन आयोजनाका प्रमुख मनोहर साहका अनुसार चितवनतर्फ ४० दशमलव ९९ र नवलपरासी तर्फ १९ दशमलव ०३ प्रतिशत काम सम्पन्न भइसकेको छ । तटबन्ध निर्माणमा आवश्यक पर्ने जग्गा प्राप्तीको लागि मुआब्जाको प्रावधान नरहेको कारण निशुल्क जग्गा प्राप्तीमा बाधा हुने गरेको प्रमुख साहले बताउनुभयो । गुरुयोजना अनुसार बजेट विनियोजन नहुदाँ लक्ष्य समय सीमाभित्र आयोजना सम्पन्न गर्न नकिनेको उल्लेख गर्नुभयो।
तटबन्धको रामघाटदेखि शिवघाट हुँदै काभ्रेघाटसम्म झण्डै ५ किलोमिटर १ अर्ब १५ करोडको ठेक्का सम्झौता भएको हो । यसको काम ४० प्रतिशत काम पुरा भएको निर्माण कम्पनीले जनाएको छ । ।दोस्रो प्याकेज ५ किलोमिटरकै गाजीपुरदेखि हिरापुरसम्म ४८ करोडको ठेक्का सम्झौता भएको छ । यो काम अहिले अन्तिम चरणमा पुगेको छ । सिसैदेखि बलुवासम्म झण्डै ५ किलोमिटर ३७ करोडको ठेक्का सम्झौता भएको छ । यो काम पनि ४० प्रतिशत भइसकेको छ । बलुवादेखि गोलाघाटसम्म २६ करोडमा ठेक्का सम्झौता भएको छ । करिब ४ हजार हेक्टर जग्गा नारायणी नदी उकासबाट आउने छ भने करिब १ लाख जनता लाभान्वित हुनेछन् ।

बैशाख १५, भरतपुर । जलदेवी सामुदायिक वन परिसरबाट अवैध भनि जफत गरिएको सालका काठ वैध ठहर भएको छ । जलदेवी सामुदायिक वन उपभोक्ता समुह भरतपुर २ आँपटारी चितवनको जलदेवी पार्क अन्तर्गत विस्तारित टिकटक पार्कमा पर्यटकहरुलाई आर्कषण गर्न ऐतिहासिक तथा लोपोन्मुख सामाग्रीहरु सालको काठवाट वनाउन भनि राखिएको ४३ थान अर्थात् ४८.०८ क्युफिट चिरान काठ अवैध भनी तत्कालिन समयमा चितवन क्षेत्र नं २ का सांसद रवि लामिछानेको नेतृत्वमा जफत गरी वन कार्यालयमा वुझाइएको थियो । २०७९ मंसिर २३ गते अनुसन्धानको क्रममा डिभिजन वन कार्यलय भरतपुर चितवनमा लगी राखिएको थियो ।
अनुसन्धान पश्चातः अवैध नठहरिएको फैसला भई सरकारी वकिल कार्यलय भरतपुरवाट २०७९ पुस १७ गतेको फैसलाको जानकारी पत्र प्राप्त भई डिभिजन वन कार्यालयमा सो पत्र दर्ता भए पश्चातः डिभिजन वन कार्यलयको २०८१ वैशाख १३ गतेको पत्र बाट चिरान काट फिर्ता गरिएको वारे जानकारी पत्र आएको उपभोक्ता समितिका कार्यवाहक अध्यक्ष ऋषिकेश अर्यालले बताए । सामुदायिक वनको उपभोक्ताहरुको सम्पती जलदेवी सामुदायिक वन उपभोक्ता समुह लाई नै फिर्ता भई आएको उक्त चिरान काठ हाल सामुदायिक वनको जिपलाईनको टिकट घर भित्रसुरक्षित साथ यथा स्थानमा नै राखिएको उनको भनाइ छ । उक्त काठ सामुदायिक वन प्रदेश महासंघ सदस्य, सामुदायिक वन उपभोक्ता महासंघ चितवन नेपालको अध्यक्ष लगाएत सदस्यहरु, छिमेकि सामुदायिक वनका अध्यक्ष तथा कार्यसमिति सदस्यहरु, समूहको पदाधिकारिहरु, कार्यसमितिका सदस्यहरु, र उपभोक्ता सदस्यहरुको उपस्थितिमा ल्याइएको हो ।