समाचार

चैत २९, काठमाडौं ।

तस्बिर : सुरेन्द्र थापा

विश्व कीर्तिमानी गीतकार एवं उपन्यासकार डा.डी.आर.उपाध्याय सम्मानित हुनुभएको छ । युगेन्द्र–लक्ष्मीकान्त अन्तर्राष्ट्रिय अनुवाद पुरस्कार गुठी, सिलगढी, भारतले बुधबार काठमाडौंमा एक विशेष समारोहबीच उहाँलाई सम्मान अर्पण गरेको हो । कार्यक्रमका प्रमुख अतिथि वरिष्ठ कलाकार मदनदास श्रेष्ठले उपाध्यायलाई सम्मान अर्पण गर्नु भएको थियो । सर्जक उपाध्यायलाई सम्मानपत्र, मेडल, मायाको चिनो, दोसल्ला, टोपी , रुद्राक्षरफूलको माला र टीका तथा फूल वर्षासहित सम्मान गरिएको थियो । गुठीका अध्यक्ष साहित्यकार राधेश्याम लेकालीको सभापतित्वमा आयोजित सो कार्यक्रममा मिलापका सम्पादक कृष्ण भूसालले सम्मानित स्रष्टा डी।आर।को परिचय राख्नु भएको थियो । कार्यक्रममा प्रमुख अतिथि मदनदास श्रेष्ठ, अध्यक्ष राधेश्याम लेकाली, विशिष्ट अतिथिहरू वरिष्ठ इतिहासविद् प्राडा सुरेन्द्र केसी, गीतकार संघका निवर्तमान अध्यक्ष गीतकार चूडामणि देवकोटा, साहित्यिक पत्रकार संघका पूर्वअध्यक्ष नरेन्द्रबहादुर श्रेष्ठ, सम्मानित स्रष्टा विश्व कीर्तिमानी सर्जक डा।उपाध्यायले आ(आफ्नो मन्तव्य राख्नु भएको थियो । अन्तर्राष्ट्रिय नेपाली साहित्य समाज ९अनेसास० का केन्द्रीय उपाध्यक्ष कवि राजेन्द्र श्रेष्ठलाई स्वागत सम्मान गरिएको कार्यक्रममा विशेष अतिथिहरू गीतकार संघका अध्यक्ष वसन्त बित्यासी, समालोचकहरू प्रमोद प्रधान र प्राडा गोविन्दमान सिंह कार्की, साहित्यकारहरू खेमनाथ दाहाल, र लेखनाथ पोखरेलको उपस्थिति थियो । कार्यक्रममा साहित्यकारहरू विमल भौकाजी, रमेश दाहाल, सुधा शर्मा, रुद्र अधिकारी, नीता श्रेष्ठ, कल्पना खरेल, सुरेन्द्र थापा, गीता अधिकारी, गायक संगीतकार सागर अधिकारी ‘शरद’,लगायतको उपस्थिति थियो । कार्यक्रमको सञ्चालन गुठीकी सदस्य साहित्यकार प्राज्ञ सुभद्रा भट्टराईले गर्नु भएको थियो । डा.उपाध्यायले विभिन्न विधामा १५३ विश्व कीर्तिमान कायम गर्नुभएको छ । यस्तै, उहाँका एक दर्जन बढी उपन्यास, तीन गीति पुस्तक र ३६ एल्बम सार्वजनिक भएका छन् । दुई सय पचासको हाराहारीमा गीत सार्वजनिक गर्नुभएका उपाध्यायका सयौं गीतका भिडियो पनि सार्वजनिक छन् । युगेन्द्र क्षेत्री अनुवाद अन्तर्राष्ट्रिय पुरस्कार आफ्ना श्रीमान् युगेन क्षेत्रीको नाममा र लक्ष्मीकान्त जोशी राष्ट्रिय अनुवाद पुरस्कार आफ्ना पिता लक्ष्मीकान्त जोशीका नाममा सूचना संवाद संजालकी सम्पादक साहित्यकार ललिता क्षेत्रीले स्थापना गर्नुभएको हो । 

रत्ननगर, चैत्र २८ । रत्ननगर वडा नं १ निपनी स्थित गायत्री हरिहर मन्दिरले स्वर्ण महोत्सव मनाउदै छ । मन्दिर संरक्षण समितिले सप्ताह व्यापी कार्यक्रमको आयोजना गरी स्थापनाको पचासौं बर्ष मनाउन थालेको हो । समितिले बुधबार पत्रकार सम्मेलनको आयोजना गरी चैत २९ गतेदेखि बैशाख ५ गते सम्म सप्ताहव्यापी कार्यक्रमको आयोजना गरी स्वर्ण महोत्सव मनाउन थालेको जानकारी दिएको हो । २९ गते बुधबार मन्दिर, गुरुकुलम र धर्मशाला परिसर सरसफाई, ३० गते दीपप्रज्वलन, बैशाख १ गते विश्वशान्तिको कामना गर्दै रुद्राभिषेक, २ गते विद्यालय स्तरीय बक्तृत्वकला तथा कविता बाचन, ३ गते शंखध्वनी तथा खैजडी भजन प्रतियोगिता, ४ गते मुठीदाता,अक्षयकोष दाता भेला तथा सन्तमहन्तबाट धार्मिक प्रबचन र ५ गते स्वर्ण महोत्सब उद्घाटनसंगै स्वर्ण स्तम्भ अनाबरण, स्वर्ण स्मारिका विमोचन तथा सम्मान कार्यक्रम आयोजना गरिएको संरक्षण समितिका अध्यक्ष नेमराम शर्मा पौडेलले जानकारी दिए । पूर्वी चितवनको धार्मिक धरोहरको रुपमा विकास भइरहेको सो मन्दिरको स्वर्ण महोत्सवलाई भब्य तयारी गरिएको मन्दिर संरक्षण समितिका बरिष्ठ उपाध्यक्ष निलकण्ठ पौडेलले जानकारी दिए । २०२८ सालमा स्थापना भएको सो मन्दिरले २०४९ सालबाट संस्कृत गुरुकुलम सञ्चालनमा ल्याएको छ । संस्कृति विद्याको संरक्षण र पण्डित उत्पादन गर्ने उद्देश्यले सञ्चालनमा ल्याइएको सो गुरुकुलममा अहिले ७० जना विद्यार्थी छन् । कक्षा ६ देखि १२ सम्म पढाई हुने सो विद्यालयको बार्षिक खर्च ७० लाख रहेको मन्दिर व्यवस्थापन समितिका सचिव सोमप्रसाद भट्टले जानकारी दिए । मुठीदान, महर्शी फाउण्डशेन, सरकारी अनुदानबाट सो विद्यालय सञ्चालनमा रहेको उनले जानकारी दिए । पछिल्लो समय हरिहर मन्दिरलाई धार्मिक पर्यटनको रुपमा विकास गर्न धर्मशाला निर्माण भइरहेको छ । सरकार र जनस्तरबाट सहयोग संकलन गरी धर्मशाला निर्माण सुरु गरिएको निर्माण समितिका संयोजक शंकर गिरीले बताए । देश विदेशबाट आउने तिर्थालुहरुलाई आवासीय सुविधा सहित राख्न सकिने गरी सुविधा सम्पन्न धर्मशाला भवन निर्माण भइरहेको उनले जानकारी दिए ।

चितवन, चैत २८ । 
नयाँ वर्षको अवसरमा नारायणी किनारमा नयाँ वर्ष उत्सव गरिने भएको छ । उद्योग वाणिज्य संघ चितवनको आयोजनामा उत्सवअन्तर्गत विविद्य सांस्कृतिक कार्यक्रमसँगै खाना महोत्सव गरिने भएको हो । उत्सव चैत ३० गते बेलुका ७ बजेबाट १२ बजेसम्म सञ्चालन गरिने तयारी गरिएको छ । उत्सव वैशाख १ गते बेलुका ९ बजेसम्म चल्ने छ । नेपाली संस्कृतिको समेत संरक्षण हुने र भरतपुर भ्रमण वर्ष २०२४ को प्रवद्र्धन समेत हुने उक्त कार्यक्रमले चितवन जिल्लाको आर्थिक गतिविधि चलायमान गराउनमा समेत सहयोग पुग्ने संघको अपेक्षा रहेको संघको अध्यक्ष सुमनकुमार श्रेष्ठद्वारा हस्ताक्षरित प्रेस नोटमा उल्लेख छ । आर्थिक मन्दी र व्यापार व्यवसायमा आएको सुस्तताका कारण आर्थिक क्षेत्र गम्भिर परिस्थितिमा रहेको अवस्थामाआयोजना गर्न लागिएको कार्यक्रमले केहीआशाको दियो बाल्ने संघले जनाएको छ । महोत्सवमा २० वटा स्टलमा खानाका परिकार राखिने छ । उक्तकार्यक्रममा भरतपुर महानगरपालिका कार्यालयले प्रवद्र्धकको भूमिका निवार्ह गरेको छ । महोत्सवको मुख्य प्रायोजकको रुपमा गोर्खा ब्रुअरी रहेको छ भने अन्य सहयोगीको रुपमा सेन्ट्रल कलेज, यमाहा मोटर्स, सोफाहव,बोटलर्स नेपाल ९तराई० लि, एबीएस मोटर्स, ओजोन मोटर्स, स्याफ्रोन ईन्डिएनकुजिन, लगायतका संघ संस्थाहरुको सहयोग रहेको छ । नया“ वर्ष उत्सवको कार्यक्रममा सहभागी हुने दर्शक तथा सर्वसाधारणलाई निःशुल्कप्रवेशको व्यवस्था गरिएको संघले जनाएको छ । स्थानीय र राष्ट्रियस्तरका कलाकारहरुको प्रस्तुति रहने उक्तकार्यक्रमले नदी किनारको प्रवद्र्धनमा थप सहयोग पुग्ने संघको अपेक्षा छ ।