समाचार

चैत्र २३, रत्ननगर । रत्ननगर उद्योग वाणिज्य संघमा ललितपुर उद्योग वाणिज्य संघका अध्यक्ष लगायत कार्यसमिति सदस्यको भ्रमण टोलीलाई स्वागत तथा व्यवसायिक विकासबारे छलफल गरिएको थियो ।

रत्ननगर उद्योग वाणिज्य संघका अध्यक्ष शंकर गिरीको अध्यक्षतामा आयोजना गरिएको कार्यक्रममा संघको सक्षिप्त जानकारी सहित स्वागत मन्तव्य राख्दै उनले व्यवसायीहरुले आर्थिक विकास संगसंगै व्यवसायिक हितका लागि साझा एजेण्डा सहित सहकार्य गर्नुपर्ने बताए । व्यवसायिक संघ संगठनहरुले मात्र मेला महोत्सव गर्न र पर्यटन प्रवद्र्धन गर्नका लागि पर्यटन व्यवसायी बीच समन्वय गरी आकर्षक प्याकेज सहित छुटको व्यवस्था गरि व्यवसाय प्रवद्र्धन गर्नुपर्नेमा उनले जोड दिए ।

रत्ननगर उद्योग वाणिज्य संघका निर्वतमान अध्यक्ष एवं नेपाल उद्योग वाणिज्य महासंघका कार्यकारिणी सदस्य अनिलकृष्ण श्रेष्ठले निजी क्षेत्रको संलग्नता विना आर्थिक समृद्धि नहुने हुंदा सरकारले निजी क्षेत्रसंग होतेमालो गर्दै जानुपर्नेमा जोड दिँदै साना तथा मझौला उद्योगी व्यवसायीहरुको समस्यालाई महासंघमा लैजान आफु प्रतिवद्ध भएको बताए ।

ललितपुर उद्योग वाणिज्य संघका अध्यक्ष विश्वराज बज्राचार्यले भ्रमणको उद्देश्य सहित संघको सक्षिप्त जानकारी दिँदै उद्योगी व्यवसायीहरुको राजस्व नीति, कर प्रणाली र पर्यटन प्रवद्र्धनलगायतका विषयमा व्यवसायिक ऐक्यबद्धता हुनुपर्नेमा जोड दिए । सो छलफल कार्यक्रममा आर्थिक अवस्था नाजुक भएको अवस्थामा व्यवसायीहरु बीच समन्वय गरि अगाडि बढ्नुपर्ने, बैक व्याज दर, नीजि क्षेत्रहरुको समस्याका लागि संस्थागत हल गर्र्न एकजुट भएर लाग्नु पर्नेमा जोड दिइएको थियो ।

रत्ननगर उद्योग वाणिज्य संघ र ललितपुर उद्योग वाणिज्य संघका व्यवसायीहरु बीच एक आपसमा परिचयात्मक कार्यक्रम सहित स्वागत गरिएको थियो । उक्त कार्यक्रममा रत्ननगर उद्योग वाणिज्य संघका पदाधिकारी, पूर्व अध्यक्ष, कार्यसमिति सदस्य, ललितपुर उद्योग वाणिज्य संघका कार्यसमिति सदस्यहरुको उपस्थितिमा छलफल कार्यक्रम आयोजना गरिएको हो । रत्ननगर उद्योग वाणिज्य संघका बरिष्ठ उपाध्यक्ष निराजन खनालले धन्यवाद मन्तव्य राखेका थिए ।

रत्ननगर, चैत्र २३ । पूर्वी चितवनको कालिका नगरपालिकामा पशुमा लाग्ने खोरेत रोग विरुद्धको खोप अभियान सुरु गरिएको छ ।

नरपालिकाको पशु सेवा शाखाको आयोजनामा पशुमा लाग्ने खोरेत रोग विरुद्ध खोप अभियान शुक्रवार सुरु गरेको हो । चैत्र २३ गते देखि बैशाख ५ गते सम्म सञ्चालन हुने खोप अभियान नगरका १ देखि ११ वटै वडाहरुमा सञ्चालन हुनेछन् । पशुलाई सम्भावित रोग संक्रमण लाग्नबाट जोगाइ किसानको पशुधनको रक्षा गर्ने उद्धेश्यले उक्त अभियान सुरु गरिएको कालिकाका पशु विकास अधिकृत ईश्वरी प्रसाद पौडेलले जानकारी दिए । खुर फाटेका गाई, भैंसी, बाख्रा, बंगुरको खोरेत रोगविरुद्धको ९एफ एम डी० खोप निःशुलक रुपमा लगाईने छ । कालिकाका १ देखि ११ नम्बर वडाका ६ हजार भन्दा बढी पशुहरुलाई खोरेत रोगविरुद्धको ९एफ एम डी० खोप दिईने पशु विकास अधिकृत पौडेलले बताए । खोरेत रोग खुर फाटेका जनावरमा लाग्ने सरुवा रोग भएकाले अन्य पशुमा सर्नबाट रोक्न अभियानकै रूपमा खोप लगाउने कार्यक्रम सञ्चालन गरिएको उनको भनाई छ । यो रोग लागेमा पशुको खुट्टा तथा मुखको वरिपरि घाउ हुने, गन्हाउने, पाक्ने, पशुलाई ज्वरो आउनेलगायतका लक्षण देखापर्ने उनले जानकारी दिए । यीमध्ये गाई भैँसीमा बढी सङ्ख्यामा खोरेतको समस्या देखिने गरेको छ । खोरेत रोग लाग्दा पशु चौपायामा १०४ देखि १०६ डिग्रीसम्मको ज्वरो आउने, घाँसपात नखाने, झोक्राउने, गिँजा र जिब्रोमा स–साना फोका आउने, खुट्टाको खुरको कापमासमेत फोका आउने, मुख वरिपरि घाउ आउने भएकाले र्‍याल चुहिने, ब्याउने माउ गर्भ तुहिने समस्या देखिने, दूध दिइरहेको चौपायामा थुनेलोको समस्या देखिने जस्ता लक्ष्यण देखापर्ने उनले बताए । रोग लागेमा मुखको घाउमा पोटास पानीले सफा गरिदिने वा फिटकिरी पानीले सफा गर्ने, खुरका घाउलाई पोटास पानीले धोएर औषधि प्रयोग गर्न उन सुझाव दिए। निलो तुथोले घाउ सफा गर्ने, घाउमा अन्य जीवाणु प्रवेश गरी थप सङ्क्रमण नहोस् भन्नका लागि एन्टिबायोटिक सुई लगाउने, खोरेत देखिइरहने ठाउँमा रोकथामको लागि खोरेत विरुद्धको खोप लगाउने गर्नुपर्ने पशु विकास अधिकृत पौडेलले बताए । खोप अभियानको कार्यक्रमका प्रमुख अतिथि समेत रहेका कालिकाका नगर प्रमुख बिनोद रेग्मीले उद्धघाटन गरे । कार्यक्रममा बोल्दै नगर प्रमुख रेग्मीले कालिकामा पशुपालनको राम्रो सम्भावना रहेकाले पशुलाई लाग्ने हरेक खालमा रोग विरुद्ध सचेतनाका कार्यक्रम जरुरी रहेको बताए । पशुको स्वास्थ्यमा विशेष ध्यान राख्दै किसानको आय आर्जन, तथा उत्पादनमा जोड दिएको बताए । उप प्रमुख विमला तामाङले नगरका सबै वडाका किसानहरुको गोठ गोठमा पशु प्राविधिकहरु पुगी खोप निःशुल्क रुपमा लगाईने हुनाले किसानहरुले सहयोग गरिदिनुहुन आग्रह गरिन् । वडा नं। ६ का वडा अध्यक्ष टिकाराम रेग्मीले खोरेत विरुद्धको रोगले दुध उत्पादनमा कमी ल्याउने भएकाले यस खोपलाई अभियानको रुपमा सञ्चालन गरिरहेको बताए । आर्थिक विबास समितिका संयोजक दिपक सिंह परियारको अध्यक्षतामा सम्पन्न भएको कार्यक्रममा वडा नं। ६ का वडा सदस्य तथा मनकामना दुग्ध उत्पादक सहकारीका अध्यक्ष लक्ष्मणी नारायण चौलागाई, नव मिलिजुली दुग्ध उत्पादक सहकारीकी अध्यक्ष कोपिला दाहाल, पशु प्राविधिकहरुको सहभागिता रहेको थियो ।

चैत २१, चितवन । पवित्रा ढकाल / अंकित भगत । 

उन्नत नश्ल सुधार तथा गाइबस्तुमा भ्रुण प्रत्यारोपणका लागि दक्ष जनशक्ति उत्पादन गर्न चितवनको रामपुरमा प्रशिक्षण कार्यक्रम शुरु भएको छ । प्रशिक्षण कार्यक्रमको कृषि मन्त्रालयका सचिव डा. रेवती रमण पौडेलले उद्घाटन गर्नुभयो । जर्सी ओभरसीज ऐड र आड्रा यूकेको आर्थिक सहयोग र नेपालमा साना दुग्ध उत्पादक कृषकहरुको लागि ग्रामीण कृत्रिम गर्भाधान अभिवृद्धि परियोजना, आड्रा नेपाल र यसका साझेदार संस्थाहरु विकासका लागि ग्रामीण कल्याण तथा कृषि सुधार समुह नेपाल फरवार्ड र इन्द्रेणी ग्रामीण विकास केन्द्र नेपालको समन्वयमा प्रशिक्षण कार्यक्रम आयोजना गरिएको हो । यो परियोजनाले सन् २०२२ देखि नै कपिलवस्तु, रुपन्देहीमा विपन्न र सिमान्तकृत समुदायलाई लक्षित गरी उद्यम विकास, खाद्य सुरक्षा, जिविकोपार्जन, आम्दानी वृद्धि, शिक्षा, स्वास्थ्य, विपद व्यवस्थापन, जलवायु परिवर्तन लगायतको क्षेत्रमा काम गरिरहेको छ । चार वर्षे यस परियोजनाले साना तथा पछाडी परेका दुग्ध उत्पादक कृषकहरुको आम्दानी र उत्थानशीलताको अभिवृद्धिद्धारा जिविकोपार्जनमा सुधार ल्याउने र गरिबी न्यूनीकरण गर्ने लक्ष्य समेत राखेको छ । त्यस्तै कार्यक्रममा पशु विज्ञान, पशु चिकित्सा विज्ञान र मत्स्य पालन संकाय का कार्यवाहक डीन दिपेश कुमार क्षेत्रीले भ्रुण स्थानान्तरणका लागि ५० भ्रुण नेपालमा ल्याइसकिएको बताउंदै तालिमबाट विशेष दक्षता हासिल गरी भ्रुण प्रत्यारोपणमा सहभागी विज्ञहरु सफल हुने विश्वास व्यक्त गर्नुभयो । कार्यक्रममा आड्रा नेपालले पशुको नश्ल सुधारका लागि नेपाल सरकारलाई ५० वटा जर्सी गाईका भ्रुण हस्तान्तरण समेत गरेको छ । भ्रुण प्रत्यारोपण सम्बन्धी प्रशिक्षण कार्यक्रमको समुद्घाटन समारोहमा आड्रा नेपालका कन्ट्री डाइरेक्टर टम पिग्नन्ले कृषि तथा पशुपन्छी विकास मन्त्रालयका सचिव डा. रेवती रमण पौडेललाई उक्त भ्रुण हस्तान्तरण गर्नुभएको हो । सचिव पौडेलले उक्त भ्रुण पुनः राष्ट्रिय पशु प्रजनन् कार्यालय पोखराका प्रमुख डा. जगदिश पाण्डेलाई हस्तान्तरण गर्नुभयो । रोजल जर्सरी कृषि तथा बागवानी समाजको सहयोगमा प्राप्त उक्त भ्रुण तालिम पश्चात चितवन, जिरी र पोखराका विभिन्न फार्महरुमा प्रत्यारोपण गरिने आड्रा नेपालका डा. अनिल चन्द्र न्यौपानेले बताउनु भयो ।

भु्रण प्रत्यारोपणका लागि ५ दिन सम्म चल्ने प्रशिक्षण कार्यक्रममा कृषि तथा वनविज्ञान विश्वविद्यालय रामपुरका सहायक प्राध्यापक गोर्कण गौतम, राष्ट्रिय पशु प्रजनन कार्यालय लहानका वरिष्ठ पशु विकास अधिकारी शिवनाथ महतो, राष्ट्रिय पशु प्रजनन कार्यालय नेपालगञ्जका वरिष्ठ पशु विकास अधिकारी डा. खगेन्द्र प्रसाद सापकोटा, राष्ट्रिय पशु प्रजनन कार्यालय पोखराका पशुधन विकास अधिकारी डा.भजु महतो, राष्ट्रिय पशु संरक्षण कार्यक्रमका वैज्ञानिक डा. उद्धव पनेरु र राष्ट्रिय पशु संरक्षण कार्यक्रमका प्राविधिक अफिसर डा यज्ञराज पाण्डे लगायत नेपाल सरकारका भ्रुण प्रत्यारोपणमा संलग्न ६ प्रशिक्षणमा सहभागी हुनेछन् । भ्रुण प्रत्यारोपण तालिममा युकेमा ५० हजार पशुमा भ्रुण प्रत्यारोण गरि सकेका प्यारागन भेटेनरी ग्रुपका भ्रुण प्रत्यारोपण विशेषज्ञ डा.मार्क बोलाण्डले प्रशिक्षण दिनेछन् । आड्र नेपालका टिम लिडर कविर रत्न स्थापितले स्वागत मन्तव्य व्यक्त गर्नुभएको कार्यक्रममा कृषि मन्त्रालयका सह–सचिव डा. सूर्यप्रसाद पौडेल, नेपाल कृषि अनुसन्धान परिषद्का पशु तथा मत्स्य संकायका महानिर्देशक डा.दोजराज खनाल, आड्रा एशियाका डा. ब्रेण्डन इर्भिन, प्यारागन भेटेनरी ग्रुपका भ्रुण प्रत्यारोपण विशेषज्ञ डा.मार्क बोलाण्ड, आड्रा युकेका प्रोग्राम अफिसर जोश ओरोजक्को लगायतले मन्तव्य व्यक्त गर्नुभएको थियो ।