समाचार

चैत १८, भरतपुर ।

तस्विर ः कोमल चन्द्र भगत

भरतपुर महानगरपलिका वडा नम्बर ११ स्थित गणेशधाम संरक्षण सम्बद्र्धन समितिको आठौं साधारणसभा तथा चौथो अधिवेशन शनिबार गणेशधाममा सम्पन्न भएको छ । कार्यक्रमका बक्ताहरुले गणेशधामलाई जिल्लाकै महत्वपुर्ण धार्मिक पर्यटकीय गन्तव्यको रुपमा स्थापित गर्नु पर्नेमा जोड दिएका थिए । गणेशधामले जिल्लाको पर्यटन प्रवद्र्धनमा महत्वपुर्ण भुमिका खेल्ने वताउँदै वक्ताहरुले धर्म, सस्कृति र परम्पराको संरक्षण गर्नुपर्ने वताएका थिए । गणेशधाम संरक्षण सम्वद्र्धन समितिका अध्यक्ष दिनेश कुमार चुकेको अध्यक्षतामा सम्पन्न कार्यक्रममा वागमती प्रदेश सरकारका पुर्व सामाजिक विकास मन्त्री विजय सुवेदी प्रमुख अतिथी रहनु भएको थियो । कार्यक्रममा गणेशधाम संरक्षण सम्बद्र्धन समितिका सल्लाहकार समितिका अध्यक्ष एवं संविधासभा सदस्य कृष्णभक्त पोखरेल, नेकपा एमाले चितवनका अध्यक्ष राम प्रसाद न्यौपाने, राष्ट्रिय स्वतन्त्र पार्टीका चितवन जिल्ला अध्यक्ष कृष्ण प्रसाद भुषाल, राप्रपा चितवनका सहसचिव रामजी अधिकारी, चितवनका पुर्व प्रमुख जिल्ला अधिकारी रत्नराज पाण्डे, चितवनका सहायक प्रमुख जिल्ला अधिकारी चिरन्जीवि शर्मा, भरतपुर ११ का वडाध्यक्ष कमल मल्ललगायतले बोल्नु भएको थियो । कार्यक्रममा समितिका अध्यक्ष दिनेश कुमार चुकेले संस्थाको अवस्था र भएगरेका कामहरुको वारेमा जानकारी गराउनु भएको थियो भने महासचिव रविन्द्र बरालले प्रगति प्रतिवेदन प्रस्तुत गर्नु भएको थियो । गणेशधाम संरक्षण सम्बद्र्धन समितिका वरिष्ठ उपाध्यक्ष राजन श्रेष्ठले स्वागत मन्तव्य व्यक्त गर्नु भएको उक्त कार्यक्रम महासचिव रविन्द्र बरालले संचालन गर्नु भएको थियो । गणेशधाम संरक्षण संम्बद्र्धन समितिलाई विभिन्न किसिमको सहयोग गर्ने पुर्व मन्त्री विजय सुवेदी र पुर्व प्रमुख जिल्ला अधिकारी रत्नराज पाण्डेयलगायतलाई सम्मान गरिएको थियो ।

तस्विर ः कोमल चन्द्र भगत

चैत १८, काठमाण्डौं ।
प्रधानमन्त्री पुष्पकमल दाहाल प्रचण्डले मिटरब्याजीमाथि आवश्यक कारवाही अघि बढाइने प्रतिवद्धता जनाउनुभएको छ ।

शनिबार बालुवाटारमा पैदलै काठमाडौं आएका मिटरब्याज पीडितहरुसंग भेट गर्दै प्रधानमन्त्री प्रचण्डले मिटरब्याज पीडितहरूको समस्यालाई स्थायीरुपमा हल गर्न सरकारले काम अघि बढाएको र मिटरब्याजीमाथि आवश्यक कारवाही अघि बढाइने प्रतिवद्धता जनाउनुभएको हो ।

प्रधानमन्त्री प्रचण्डले सामन्तवादको अवशेषका रूपमा रहेको मीटरब्याजलाई सधैंका लागि अन्त्य गर्न सरकार गम्भीर रहेको बताउनुभयो । यसको दीर्घकालिन समाधानका लागि विद्यमान कानुन अपर्याप्त भएको भन्दै उहाँले कानुन निर्माणको काम अन्तिम चरणमा पुगेको बताउनुभयो ।

पीडितहरूका समस्या समाधान गर्न न्यायिक अधिकारसम्पन्न उच्चस्तरीय आयोग गठनको प्रक्रियासमेत अघि बढेको उहाँले बताउनुभयो । मीटरब्याज पीडितहरुको समस्याबारे आफू जानकार रहेको बताउँदै प्रधानमन्त्री प्रचण्डले पार्टी अध्यक्षको हैसियतमा रहेको बेला समेत मिटरब्याजीहरूमाथि कार्वाहीका लागि पहल गरेको बताउनुभयो । अहिले पनि यो समस्या पूर्णरुपमा समाधान गर्न नसके समस्याले गम्भीर रूप लिने उहाँले बताउनुभयो ।

प्रधानमन्त्रीसँग भेटका क्रममा पीडितहरूले उच्चस्तरीय आयोग गठन, कानुन निर्माण तथा पक्राउ पूर्जी जारी भएका र घरबार जफत भएका पीडितमाथि न्याय गर्न माग गरेका थिए । त्यस्तै उनीहरुले मिटरब्याजीहरुले आफुहरुलाई पटक पटक धम्की दिएको र असुरक्षित महसुस गरेको गुनासो गरेका थिए ।

मिटरब्याज पीडितहरु आफ्ना गुनासो राज्यलाई सुनाउन बर्दिबासदेखि काठमाडौं पैदलै आएका थिए । मिटरब्याज पीडितले मिटरब्याजीलाई कारबाही गर्नुपर्ने, आफूहरुबाट लिइएको धितो फिर्ता हुनुपर्ने लगायतका माग राखेर माइतिघरमा धर्ना दिदै आएका छन् ।

चैत १७, चितवन ।
विद्युत पोल स्थानान्तरण कार्यका लागि भरतपुरमा भोलि (शनिबार) दिनभर विद्युत अवरुद्ध हुने भएको छ । शनिबार विहान ७ बजेदेखि ४ बजेसम्म विद्युत अवरुद्ध हुने नेपाल विद्युत प्राधिकरण भरतपुर वितरण केन्द्रले जनाएको छ । शुक्रबार एक सूचना जारी गर्दै केन्द्रले आँपटारीदेखि बसपार्क क्षेत्रमा पोल स्थानान्तरण गर्नुपर्ने भएकाले दिनभर विद्युत अवरुद्ध हुन लागेको जनाएको हो । केन्द्रको सूचना अनुसार गणेशस्थान, न्यू फिडर, आद्योगिक २, औद्योगिक १, हस्पिटल, भरतपुर १ र नारायणगढ फिडरमा विद्युत अवरुद्ध हुन लागेको हो ।